bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 14
Jeremiah 14
Lahu Bible Edited © Thailand Bible Society and Bible Society of Myanmar, 2010, 2020.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 15 →
1
Mvuhˇmiˬ goˇ choˆ lehˍ hpeh‸ la tuˬ ve awˬ lawn hta‸ caˉ da‸ leh, Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Yuˇda‸ mvuhˇmiˬ lehˬ, dawˇ haˍ leh hkʼanˇ chehˇ ve yoˬ. Yawˇ ve venˇ teˇ hpaˍ htawˇ, suh la paˇ neˇ ve yoˬ. Venˇ yaˇ teˇ hpaˍ lehˬ, dawˇ haˍ leh miˬ chaˇ hkʼoˆ lo zuh‸ chehˇ ve yoˬ. Yeˍruˆsaˍlehnˍ venˇ htawˇ, ga laˇ tuˬ kuˬ chehˇ ve yoˬ.
3
Paw sha ve chaw hui lehˬ, yawˇ hui ve awˬ ceˬ paˍ teˇ hpaˍ hta‸ iˉ kaˆ ca hkʼo tcuh chehˇ ve yoˬ. Yawˇ hui iˉ kaˆ nanˬ bawˍ lo kʼai ve yoˬ. Ya‸ hkʼaˇ, iˉ kaˆ hta‸ maˇ gʼa mawˬ. Hkʼe te leh, yawˇ hui awˬ to kʼawˇ lehˍ te kʼaw‸ la ve yoˬ. Nyi ma luˬ leh dawˇ maˇ tawˆ ve awˬ hkʼaw lo, yawˇ hui a shu yawˇ ve mehˆ hpfuhˇ hta‸ beh taˍ ve yoˬ.
4
Awˬ lawn kʼo, mvuhˇ yeˬ maˇ laˬ ve pa taw, miˬguiˬ goˇ kʼai peuˬ. Muiˬ caˇ paˍ teˇ hpaˍ htawˇ dawˇ maˇ tawˆ leh, a shu yawˇ ve mehˆ hpfuhˇ hta‸ beh taˍ ve yoˬ.
5
Hkuiˉ zuhˬ awˬ ma peuˍ htawˇ caˇ tuˬ ve zuhˇ maˇ cawˬ ve pa taw, paw la gehˇ sheˍ ve awˬ yehˇ hta‸ baˬ taˉ ve yoˬ.
6
Haˇ tawˉ pehˆ teˇ hpaˍ lehˬ, hkʼaw hkʼoˆ lo chehˇ taˍ leh, heh hpuiˇ hkʼa shuˍ shaˉ gʼawˬ vaiˇ jaˇ chehˇ ve yoˬ. Yawˇ hui caˇ tuˬ maˇ cawˬ leh, mehˆ hkʼa deh‸ nyi maˇ mawˬ-o.
7
Ngaˬ ve chaw teˇ hpaˍ ngaˬ hta‸ kuˬ leh kʼoˆ ve, Gʼuiˬsha-oˬ, ngaˬ hui nawˬ hta‸ te ya‸ jaˇ peuˬ. Ya‸ hkʼaˇ, nawˬ ka ti‸ te taˍ peuˬ ve hkʼe ngaˬ hui hta‸ a ciˉ ga laˇ-oˆ. Ngaˬ hui nawˬ hta‸ te ya‸ leh, nawˬ hta‸ laiˉ pawˆ baˬ taˉ peuˬ.
8
Iˉsaˍreˍlaˆ ve dawˇ law kuiˬ lehˬ, nawˬ tiˉ cawˬ ve yoˬ. Ngaˬ hui hta‸ kawˆ kuiˬ dawˇ haˍ kuiˬ hkʼaw ponˬ laˇ shehˍ hpaˇ, nawˬ tiˉ cawˬ ve yoˬ. Aˬ hto‸ ma pa taw, nawˬ lehˬ ngaˬ hui ve mvuhˇmiˬ hkʼaw teˇ haˉ tiˉ ca haˉ la ve hkehˉ chaw hkʼe te laˇ ve le.
9
Aˬ hto‸ ma pa taw, nawˬ lehˬ maˇ dawˇ maˇ gaˇ te chehˇ htaˇ shu hpeh gʼa ve chaw leh, ga laˇ tuˬ awˬ gʼaˇ maˇ cawˬ ve ma‸ yaˇ hkʼa shuˍ hpeh‸ chehˇ ve le. Gʼuiˬsha-oˬ, nawˬ lehˬ awˬ tehˬ awˬ na ngaˬ hui geh chehˇ taˍ ve yoˬ. Ngaˬ hui lehˬ, nawˬ ve chaw hpeh‸ ve yoˬ. Ngaˬ hui hta‸ taˇ chiˇ baˬ laˇ-oˆ, teh‸ kʼoˆ ve yoˬ.
10
Chaw chi teˇ hpaˍ awˬ lawn Gʼuiˬsha chi hkʼe kʼoˆ ve yoˬ. Chaw chi teˇ hpaˍ lehˬ, ngaˬ geh lo gʼuiˇ hpaw-e gaˇ jaˇ leh, a shu yawˇ awˬ to hta‸ shaˍ ti‸ taˍ maˇ gʼa ve chaw hpeh‸ ve yoˬ. Chi hta‸ pa taw, ngaˬ yawˇ hui hta‸ nyi ma maˇ cawˇ. Yawˇ hui te ya‸ taˍ ve venˇbaˆ hta‸ ngaˬ dawˇ nawˇ taˍ leh, yawˇ hui hta‸ ciˍ yanˍ piˇ tuˬ yoˬ, teh‸ Gʼuiˬsha kʼoˆ ve yoˬ.
11
Gʼuiˬsha ngaˬ hta‸ kʼoˆ laˇ ve, Chaw chi teˇ hpaˍ hta‸ ga piˇ tuˬ, nawˬ ngaˬ geh bon taˇ lawˬ.
12
Yawˇ hui caˇ tuˬ ce chehˇ ve htawˇ, yawˇ hui lawˬ ve awˬ hkawˇ hta‸ ngaˬ na yuˬ piˇ tuˬ ve maˇ heˆ. Yawˇ hui ngaˬ hta‸tuˉ tanˇ laˇ chehˇ ve ka‸, ngaˬ ha‸ yuˬ piˇ tuˬ ve maˇ heˆ. Ngaˬ yawˇ hui hta‸ ma‸ bawˆ kuiˬ hkʼaw leh naˬ ve gawˬ ve hkʼaw suh-e piˇ lawˬ tuˬ yoˬ, teh‸ kʼoˆ ve yoˬ.
13
Oˇ htaˇ ngaˬ lehˬ, Jawˇmawˇ Gʼuiˬsha-oˬ, tcuh kaˍ paˍ teˇ hpaˍ lehˬ, Mvuhˇmiˬ hkʼaw ma‸ hpeh‸ ve leh, meu‸ ve kaˆ ve maˇ hpeh‸ la taˬ, teh‸ kʼoˆ chehˇ ve hta‸ nawˬ shiˍ taˍ ve yoˬ. Ngaˬ hui ve mvuhˇmiˬ hkʼaw gawˬ lehˍ cawˬ tuˬ ve nawˬ ka ti‸ te taˍ peuˬ, teh‸ yawˇ hui kʼoˆ chehˇ ve yoˬ, teh‸ ngaˬ Gʼuiˬsha hta‸ kʼoˆ piˇ ve yoˬ.
14
Gʼuiˬsha kʼaw‸ yaw hkʼaw‸ leh kʼoˆ ve, Tcuh kaˍ paˍ teˇ hpaˍ lehˬ, ngaˬ ve awˬ meh hta‸ cuˇ leh heˍ laˇ chehˇ ve yoˬ. Ngaˬ yawˇ hui hta‸ peu laˇ taˍ ve maˇ heˆ. Tawˇ ca yaw tcuh taˍ ve ka‸ maˇ heˆ. Yawˇ hui kʼoˆ chehˇ ve tawˇ lehˬ, yawˇ hui hkʼaˇ yawˇ hui dawˇ kʼoˆ chehˇ ve tawˇ ceh tiˉ hpeh‸ ve yoˬ. Te‸ chiˉ tcuhˉ kuiˬ cawˬ ve maˇ heˆ.
15
Ngaˬ ve awˬ meh hta‸ cuˇ leh, Mvuhˇmiˬ hkʼaw ma‸ maˇ hpeh‸ la taˬ. Meu‸ ve kaˆ ve maˇ gaˬ la taˬ, teh‸ ca kʼoˆ heˍ toˇ ve tcuh kaˍ paˍ oˇ ve teˇ hpaˍ hta‸, ma‸ bawˆ kuiˬ lo leh meu‸ ve kaˆ ve hkʼaw ngaˬ suh-e piˇ lawˬ tuˬ yoˬ.
16
Chi hkʼe kʼoˆ maˍ piˇ ve tawˇ hta‸ kaˇ ve chaw hkʼa peu-eˬ hta‸ htawˇ, ngaˬ oˇ hkʼe te suh-e piˇ lawˬ tuˬ yoˬ. Yawˇ hui ve suh taˍ ve awˬ to hta‸ Yeˍruˆsaˍlehnˍ venˇ ya‸ kʼaw hkʼoˆ lo gʼawˆ baˬ leh, yawˇ hui hta‸ tuˍ piˇ paˍ chaw teˇ gʼaˇ ka‸ cawˬ tuˬ ve maˇ heˆ. Chi hkʼe ve awˬ ceuˬ yawˇ hui ve miˇ yaˇ hkʼa peu-eˬ awˬ hkʼoˆ gaˬ la tuˬ yoˬ. Yawˇ hui te taˍ ve hta‸ keunˍ da‸ ve hkʼe, ngaˬ yawˇ hui hta‸ kʼaw‸ hkanˍ tcuh piˇ tuˬ yoˬ teh‸ kʼoˆ ve yoˬ.
17
Gʼuiˬsha kʼoˆ ve, Nawˬ ve dawˇ haˍ tuˬ chi teˇ hpaˍ chaw yaˇ hui hta‸ kʼoˆ maˍ piˇ-oˆ. Mvuhˇ law‸ kʼaw mvuhˇ hpeu‸ hkʼaˬ htaˆ ka‸ ngaˬ ve mehˆ gʼuiˬ tawˆ la tuˬ yoˬ. Awˬ lawn kʼo, ngaˬ ve chaw teˇ hpaˍ lehˬ, naˬ kuiˬ hkʼaw kuiˬ hkʼa biˇ cawˬ la peuˬ.
18
Venˇ baˬ lo ngaˬ ca tawˆ nyi ve teˇ yanˇ, bawˆ da‸ leh suh taˍ ve chaw hkʼa biˇ gʼa mawˬ ve yoˬ. Venˇ hkʼaw lo ngaˬ kʼaw‸ lo‸ nyi ve teˇ yanˇ, venˇ yaˇ teˇ hpaˍ meu‸ suh kaˆ suh chehˇ ve hta‸ ngaˬ gʼa mawˬ ve yoˬ. Tcuh kaˍ paˍ leh paw hkuˇ teˇ hpaˍ lehˬ, a shu yawˇ ve kanˉ hta‸ te chehˇ taˍ ve yoˬ. Ya‸ hkʼaˇ, yawˇ hui hkʼaˬ hkʼe te chehˇ ve hta‸ yawˇ hui maˇ shiˍ, teh‸ ca kʼoˆ piˇ ve yoˬ.
19
Gʼuiˬsha-oˬ, nawˬ lehˬ Yuˇda‸ chaw hui hta‸ awˬ tehˬ awˬ na baˬ taˉ peuˬ ve yoˬ laˇ. Ziˉonˍ venˇ yaˇ hui hta‸ nawˬ canˇ tehˬ ve yoˬ laˇ. Ngaˬ hui kʼaw‸ da‸ la maˇ hpeh‸ law‸ law‸ ve ciˍ yanˍ tuˬ, aˬ hto ma pa taw ngaˬ hui awˬ hkʼoˆ lo gaˬ la piˇ ve le. Ngaˬ hui lehˬ, gawˬ lehˍ gʼa chehˇ tuˬ ve hta‸ dawˇ law chehˇ ve yoˬ. Ya‸ hkʼaˇ, da‸ ve awˬ bon hta‸ maˇ gʼa mawˬ. Ngaˬ hui lehˬ, kʼaw‸ gu na-e laˇ tuˬ ve hta‸ dawˇ law chehˇ ve yoˬ. Ya‸ hkʼaˇ, kawˆ tuˬ dawˇ haˍ tuˬ ceh tiˉ kʼaw‸ gaˬ la chehˇ ve yoˬ.
20
Gʼuiˬsha-oˬ, ngaˬ hui lehˬ nawˬ hta‸ te ya‸ jaˇ peuˬ. Ngaˬ hui te ya‸ ve venˇbaˆ leh, ngaˬ hui ve awˬ puˍ awˬ pi teˇ hpaˍ te ya‸ taˍ ve venˇbaˆ nawˬ hta‸ hpeu‸ maˍ laˇ ve yoˬ.
21
Nawˬ te taˍ peuˬ ve ka ti‸ hta‸ dawˇ nawˇ leh, ngaˬ hui hta‸ a ciˉ taˇ chiˇ baˬ laˇ-oˆ. Yeˍruˆsaˍlehnˍ venˇ hta‸ awˬ me‸ awˬ hponˇ taˇ luˬ kʼai tcuh piˇ-oˆ. Nawˬ ngaˬ hui hta‸ te laˇ taˍ ve ka ti‸ shaˉ caˆ hta‸ a ciˉ taˇ te luˬ laˇ-oˆ.
22
Awˬ kaˍ awˬ nu gʼuiˬsha teˇ gʼaˇ ka‸ mvuhˇ yeˬ laˬ piˇ tuˬ te maˇ gʼa. Mvuhˇ naw ma ka‸ mvuhˇ yeˬ la piˇ tuˬ te maˇ gʼa. Ngaˬ hui ve Jawˇmawˇ Gʼuiˬsha-oˬ, nawˬ lehˬ awˬ ceuˬ chi teˇ hpaˍ hta‸ te puiˉ ve pa taw, ngaˬ hui nawˬ hta‸ gʼaˇ va ve yoˬ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52