bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 17
Jeremiah 17
Lahu Bible Edited © Thailand Bible Society and Bible Society of Myanmar, 2010, 2020.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
1
Gʼuiˬsha kʼoˆ ve, Yuˇda‸ chaw teˇ hpaˍ-oˬ, nawˬ hui te ya‸ ve venˇbaˆ hta‸, sho maˇ heˆ kʼo shehnˉ te taˍ ve naˬ meu‸ taˬ yuˬ bvuh‸ taˍ ve yoˬ. Nawˬ hui ve venˇbaˆ oˇ ve teˇ hpaˍ hta‸, nawˬ hui nyi ma shiˍ hkʼoˆ leh nawˬ hui ve tuˉ tanˇ kuiˬ hkʼoˆ lo htawˆ bvuh‸ taˍ ve yoˬ.
2
Nawˬ hui ve chaw teˇ hpaˍ lehˬ, suhˆ cehˬ hawˉ leh hkʼaw hkʼoˆ lo, Aˍsheˍraˆ gʼuiˬsha ma hta‸ oˉ kʼoˍ pui chehˇ ve yoˬ.
3
Nawˬ hui chi hkʼe te ve pa taw, canˇ paˍ teˇ hpaˍ hta‸ ngaˬ nawˬ hui geh peu laˇ leh, nawˬ hui ve hpu shi mawˇ jeˬ teˇ hpaˍ hta‸ yuˬ kʼai piˇ lawˬ tuˬ yoˬ.
4
Nawˬ hui lehˬ, ngaˬ piˇ taˍ ve mvuhˇmiˬ hta‸ gʼa baˬ taˉ leh, nawˬ hui maˇ shiˍ jaw ve mvuhˇmiˬ hkʼaw lo shu ve awˬ ceˬ gʼa ca te tuˬ yoˬ. Awˬ lawn kʼo, ngaˬ nyi ma zuhˆ ve teˇ ceuˬ aˬ miˍ hkʼe hpeh‸ leh, co co taiˍ taiˍ to‸ chehˇ ve yoˬ, teh‸ Gʼuiˬsha kʼoˆ ve yoˬ.
5
Gʼuiˬsha kʼoˆ ve, Ngaˬ hta‸ baˬ taˉ leh chaw yaˇ hta‸ gʼaˇ ca va toˇ chehˇ ve chaw hui hta‸ ngaˬ ciˍ yanˍ piˇ tuˬ yoˬ.
6
Chaw oˇ hkʼe ve teˇ gʼaˇ lehˬ, shehˇ de hkʼaw lo yeˬ chehˇ ve aˉ chuˇ buiˇ hkʼe hpeh‸ ve yoˬ. Da‸ ve awˬ ceuˬ hta‸ yawˇ gʼa tuˬ ve maˇ heˆ.
7
Ya‸ hkʼaˇ, ngaˬ hta‸ gʼaˇ va chehˇ ve chaw hta‸ ngaˬ awˬ bon na‸ piˇ tuˬ yoˬ.
8
Chaw oˇ hkʼe ve teˇ gʼaˇ lehˬ, iˉ kaˆ lawˬ paˇ lo yeˬ chehˇ ve suhˆ cehˬ hkʼe hpeh‸ ve yoˬ. Mvuhˇ cha hkʼaˬ ma chiˆ ve htawˇ, yawˇ maˇ dawˇ haˍ. Yawˇ ve awˬ hpa‸ teˇ hpaˍ hkʼaˬ htaˆ ka‸ nawˉ lehˍ cawˬ ve yoˬ. Mvuhˇ yeˬ maˇ laˬ ve htawˇ yawˇ maˇ dawˇ haˍ. Awˬ yanˇ cawˇ cawˇ awˬ shiˍ naw‸ la chehˇ ve yoˬ.
9
Chaw yaˇ ve nyi ma hta‸ a shu shiˍ hpeh‸ ve le. Chaw yaˇ ve nyi ma lehˬ, awˬ kaˍ awˬ nu awˬ ceuˬ teˇ hpaˍ a‸ kehˉ heˍ puiˉ jaˇ ve yoˬ. Gu na-e piˇ tuˬ te maˇ gʼa.
10
Ngaˬ Gʼuiˬsha lehˬ, chaw yaˇ ve nyi ma hta‸ lawˇ nyi shehˍ hpaˇ hpeh‸ ve yoˬ. Chaw yaˇ teˇ hpaˍ te chehˇ ve kanˉ hta‸ nyi leh, yawˇ hui hta‸ keunˍ da‸ ve hkʼe, ngaˬ te piˇ chehˇ ve yoˬ, teh‸ Gʼuiˬsha kʼoˆ ve yoˬ.
11
Maˇ hteˇ maˇ cawˇ ve hkʼaw hpu ca chehˇ ve chaw hui lehˬ, yawˇ maˇ u taˍ ve awˬ u hta‸ ca mvuhˍ chehˇ ve ngaˆ hkʼe hpeh‸ ve yoˬ. Awˬ yanˇ gaˬ la htaˇ, yawˇ ve hpu shi mawˇ jeˬ teˇ hpaˍ mehˉ kʼai tuˬ yoˬ. Awˬ leh meuˇ gaˬ kʼo, chaw gʼuˇ hpeh‸ la tuˬ yoˬ.
12
Ngaˬ hui ve bon yehˬ lehˬ, awˬ hkuiˉ puiˍ htaˇ ka‸ hkʼaw hkʼoˆ lo te taˍ leh, awˬ me‸ awˬ hponˇ uiˍ jaˇ ve kʼaw jaw hpeh‸ ve yoˬ.
13
Gʼuiˬsha-oˬ, nawˬ lehˬ Iˉsaˍreˍlaˆ chaw hui ve dawˇ law kuiˬ hpeh‸ ve yoˬ. Nawˬ hta‸ hkʼa baˬ taˉ ve chaw hui lehˬ, ya‸ taw kuiˬ lo gʼa gaˬ tuˬ yoˬ. Yawˇ hui lehˬ, je‸ meu-e hkʼaw bvuh‸ taˍ ve awˬ meh hkʼa shuˍ mehˉ kʼai tuˬ yoˬ. Awˬ lawn kʼo, yawˇ hui lehˬ iˉ kaˆ gʼuiˬ tuˇ hpeh‸ ve Gʼuiˬsha nawˬ hta‸ baˬ taˉ peuˬ ve pa taw yoˬ.
14
Gʼuiˬsha-oˬ, ngaˬ hta‸ a ciˉ gu na-e laˇ-oˆ. Oˇ hkʼe te ve kʼo, ngaˬ awˬ tehˬ awˬ na kʼaw‸ chehˇ sha la tuˬ yoˬ. Ngaˬ hta‸ a ciˉ htaiˍ hkʼaw‸ laˇ-oˆ. Oˇ hkʼe te ve kʼo, ngaˬ gawˬ lehˍ gʼa chehˇ tuˬ yoˬ. Nawˬ hta‸ ceh tiˉ ngaˬ chiˇ mvuh chehˇ ve yoˬ.
15
Chaw yaˇ teˇ hpaˍ ngaˬ hta‸ chi hkʼe kʼoˆ laˇ ve, Gʼuiˬsha ngaˬ hui hta‸ ho laˇ taˍ ve tawˇ oˇ ve teˇ hpaˍ hkʼaˬ hkʼe kʼai le. Chi beu‸ biˇ la piˇ-oˆ, teh‸ kʼoˆ chehˇ ve yoˬ.
16
Ya‸ hkʼaˇ Gʼuiˬsha-oˬ, kawˆ tuˬ dawˇ haˍ tuˬ ve awˬ ceuˬ oˇ ve teˇ hpaˍ yawˇ hui awˬ hkʼoˆ gaˬ la piˇ tuˬ, ngaˬ maˇ lawˬ. Gʼuiˬsha-oˬ, nawˬ lehˬ ngaˬ kʼoˆ chehˇ ve tawˇ chi teˇ hpaˍ hta‸ shiˍ taˍ ve yoˬ.
17
Ngaˬ hta‸ kawˆ tuˬ a ciˉ taˇ te laˇ-oˆ. Dawˇ haˍ gaˇ haˍ htaˇ, nawˬ lehˬ ngaˬ ve gʼaˇ va kuiˬ hpeh‸ ve yoˬ.
18
Ngaˬ hta‸ fawˉ mehˍ laˇ chehˇ ve chaw hui hta‸ awˬ me‸ awˬ hponˇ luˬ kʼai piˇ-oˆ. Ya‸ hkʼaˇ Gʼuiˬsha-oˬ, ngaˬ hta‸ a ciˉ ponˬ laˇ-oˆ. Yawˇ hui hta‸ kawˆ piˇ lawˬ-o‸. Ya‸ hkʼaˇ, ngaˬ hta‸ taˇ kawˆ tcuh laˇ. Kawˆ tuˬ dawˇ haˍ tuˬ yawˇ hui awˬ hkʼoˆ gaˬ la piˇ leh, yawˇ hui hta‸ tzuh‸ suhˍ piˇ-oˆ.
19
Gʼuiˬsha ngaˬ hta‸ chi hkʼe kʼoˆ laˇ ve yoˬ. Yeˍraˍmiˆ-oˬ, Yuˇda‸ jawˇmawˇ teˇ hpaˍ te toˇ chehˇ ve taˍ meu‸ hpe‸ leh, Yeˍruˆsaˍlehnˍ venˇ taˍ meu‸ hpe‸ teˇ hpaˍ lo kʼai leh, chi hkʼe ca kʼoˆ piˇ-oˆ.
20
Jawˇmawˇ teˇ hpaˍ leh, venˇ yaˇ teˇ hpaˍ hta‸ ngaˬ ve tawˇ chi teˇ hpaˍ ca hto piˇ-oˆ.
21
A shu yawˇ ve a sha‸ hta‸ ha‸ ve chaw lehˬ, shinˉ nyi htaˇ mawˇ maˇ gʼa pfuhˇ toˇ. Shinˉ nyi htaˇ Yeˍruˆsaˍlehnˍ venˇ hkʼaw mawˇ maˇ gʼa pfuhˇ lo‸ la.
22
A shu yawˇ ve yehˬ hkʼaw, mawˇ maˇ gʼa pfuhˇ tawˆ-e. Shinˉ nyi htaˇ kanˉ maˇ gʼa te. Yawˇ hui ve awˬ puˍ awˬ pi hui hta‸ ngaˬ kʼoˆ piˇ taˍ ve hkʼe, shinˉ nyi hta‸ da‸ kehˬ ve awˬ nyi teh‸ gʼa shawˍ taˍ ve yoˬ.
23
Yawˇ hui ve awˬ puˍ awˬ pi teˇ hpaˍ lehˬ, ngaˬ ve tawˇ hta‸ maˇ na yuˬ. Yawˇ hui kʼaˍ jaˇ leh, ngaˬ ve tawˇ hta‸ maˇ na yuˬ puiˉ.
24
Nawˬ hui ngaˬ ve tawˇ hta‸ na yuˬ leh, shinˉ nyi htaˇ venˇ chi hkʼaw mawˇ te‸ chiˉ maˇ gʼa yuˬ lo‸ la ve awˬ hkʼoˆ, shinˉ nyi hta‸ da‸ kehˬ ve awˬ nyi teh‸ shawˍ taˍ ve kʼo,
25
yawˇ hui ve jawˇmawˇ teˇ hpaˍ lehˬ, jawˇmawˇ Daˍviˆ gʼa jaw ve kanˇ paˆ hta‸ gʼa tuˬ yoˬ. Yuˇda‸ chaw leh Yeˍruˆsaˍlehnˍ venˇ yaˇ teˇ hpaˍ lehˬ, iˉ mvuhˇ lawˬ gʼa ciˇ toˇ leh, Yeˍruˆsaˍlehnˍ venˇ hkʼaw chaw hkʼa biˇ cawˬ la tuˬ yoˬ.
26
Awˬ paˇ awˬ kui lo chehˇ ve chaw teˇ hpaˍ, Yeˍruˆsaˍlehnˍ venˇ lo laˬ tuˬ yoˬ. Benˍyaˍmenˍ mvuhˇmiˬ hkʼaw chehˇ ve chaw, hkʼaw hkʼoˆ lawˬ hkʼoˆ chehˇ ve chaw, leh Yuˇda‸ mvuhˇmiˬ awˬ hawˉ teˇ tawn lo chehˇ ve chaw hui Yeˍruˆsaˍlehnˍ venˇ lo laˬ tuˬ yoˬ. Yawˇ hui lehˬ, ngaˬ ve bon yehˬ lo tuˉ tanˇ tuˬ teˇ hpaˍ, tanˇ tuˬ ve awˬ shiˍ awˬ nu teˇ hpaˍ leh sha hawnˉ teˇ hpaˍ yuˬ laˬ tuˬ yoˬ.
27
Ya‸ hkʼaˇ, yawˇ hui lehˬ ngaˬ ve tawˇ hta‸ gʼa na yuˬ leh, shinˉ nyi hta‸ da‸ kehˬ ve awˬ nyi teh‸ gʼa shawˍ taˍ tuˬ yoˬ. Oˇ ve teˇ nyi awˬ hkʼaw lo, Yeˍruˆsaˍlehnˍ venˇ hkʼaw te‸ chiˉ mawˇ maˇ gʼa pfuhˇ laˬ. Yawˇ hui oˇ hkʼe te ve kʼo, Yeˍruˆsaˍlehnˍ venˇ taˍ meu‸ hpe‸ teˇ hpaˍ hta‸ ngaˬ aˬ miˍ tuˉ baˬ tuˬ yoˬ. Yeˍruˆsaˍlehnˍ venˇ hkʼaw cawˬ ve hawˉ yehˬ hta‸ htawˇ aˬ miˍ to‸ baˬ leh, aˬ miˍ oˇ ve hta‸ chaw teˇ gʼaˇ ka‸ shiˉ pehˍ gʼa tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52