bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 3
Jeremiah 3
Lahu Bible Edited © Thailand Bible Society and Bible Society of Myanmar, 2010, 2020.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
1
Gʼuiˬsha kʼoˆ ve, Chaw teˇ gʼaˇ lehˬ, yawˇ ve awˬ miˇ ma hta‸ baˬ leh, yaˇ miˇ oˇ ve lehˬ awˬ nu ve chaw teˇ gʼaˇ hta‸ kʼaw‸ heuˆ kʼai peuˬ ve kʼo, yawˇ lehˬ yaˇ miˇ oˇ ve hta‸ kʼaw‸ heuˆ maˇ hpeh‸. Oˇ hkʼe te ve kʼo, mvuhˇmiˬ hta‸ cha‸ chiˆ piˇ lawˬ ve yoˬ. Iˉsaˍreˍlaˆ chaw hui-oˬ, nawˬ hui lehˬ awˬ nu ve gʼuiˬsha teˇ hpaˍ hta‸ oˉ kʼoˍ ca pui taˉ peuˬ hkʼaw‸ nawˉ, chi beu‸ ngaˬ geh kʼaw‸ la gaˇ chehˇ ve yoˬ.
2
Hkʼaw pui teˇ hpaˍ hta‸ chiˇ nyi sheˍ. Nawˬ hui meh maˬ lanˉ hkʼe maˇ ca te taˉ ve chehˇ kuiˬ teˇ kaˬ kaˬ cawˬ-aw laˇ. Aˍraˆ chaw lehˬ, heh puiˉ hkʼaw lo chaw hkʼawˇ dawˆ tuˬ law chehˇ ve hkʼe, nawˬ hui lehˬ ya‸ kʼaw hpuiˇ lo chehˇ taˍ leh, nawˬ hui ha‸ ve chaw hui hta‸ law chehˇ taˍ ve yoˬ. Nawˬ hui lehˬ haˉ chawˇ haˉ paˆ te ve hkʼaw, mvuhˇmiˬ hta‸ cha‸ chiˆ tuˬ te peuˬ.
3
Chi hta‸ pa taw, mvuhˇ yeˬ maˇ laˬ ve yoˬ. Nawˬ hui lehˬ, meh maˬ lanˉ hkʼe hpeh‸ leh, ya‸ taw puiˉ ve nyi ma maˇ cawˬ.
4
Hkʼe ka‸ nawˬ hui kʼoˆ ve, Nawˬ lehˬ ngaˬ hui ve awˬ pa hpeh‸ ve yoˬ. Ngaˬ hui yaˇ ehˉ hpeh‸ chehˇ sheˍ htaˇ ka‸, nawˬ ngaˬ hui hta‸ ha‸ chehˇ taˍ ve yoˬ.
5
Nawˬ ngaˬ hui hta‸ hkʼaˬ htaˆ ka‸ nyi ma zuhˆ chehˇ tuˬ ve maˇ heˆ teh‸ ngaˬ hta‸ kʼoˆ laˇ chehˇ ve yoˬ. Iˉsaˍreˍlaˆ chaw hui-oˬ, nawˬ hui oˇ hkʼe kʼoˆ chehˇ ve ka‸, nawˬ hui lehˬ haiˬ ve kanˉ hta‸ tiˉ te chehˇ sheˍ ve yoˬ, teh‸ Gʼuiˬsha kʼoˆ ve yoˬ.
6
Yawˇsiˆ jawˇmawˇ te chehˇ htaˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Ka ti‸ maˇ yeˬ ve yaˇ miˇ hta‸ shuˍ ve Iˉsaˍreˍlaˆ chaw teˇ hpaˍ, ngaˬ hta‸ chiˇ baˬ leh hkʼaˬ hkʼe te chehˇ ve hta‸ nawˬ mawˬ-aw laˇ. Yawˇ hui lehˬ, mvuh jaˇ ve hkʼaw hkʼoˆ lo maˇ kʼoˆ, suhˆ cehˬ teˇ hpaˍ awˬ hawˉ lo maˇ kʼoˆ, meh maˬ lanˉ hkʼe ca te chehˇ ve yoˬ.
7
Yawˇ hui chi hkʼe te peuˬ hkʼaw‸ nawˉ ngaˬ geh kʼaw‸ la tuˬ dawˇ taˍ ve yoˬ. Ya‸ hkʼaˇ, yawˇ hui maˇ kʼaw‸ hpfuhˆ kʼaw‸ la. Yawˇ hui chi hkʼe te chehˇ ve hta‸ ka ti‸ maˇ yeˬ ve yawˇ hui ve awˬ nyi ma Yuˇda‸ chaw hui gʼa mawˬ ve yoˬ.
8
Iˉsaˍreˍlaˆ chaw hui lehˬ, ngaˬ hta‸ baˬ taˉ leh meh maˬ lanˉ hpeh‸ la peuˬ ve pa taw, ngaˬ yawˇ hui hta‸ chiˇ baˬ peuˬ ve hta‸ Yuˇda‸ chaw hui htawˇ gʼa mawˬ ve yoˬ. Ya‸ hkʼaˇ, Yuˇda‸ chaw hui lehˬ maˇ kawˆ. Yawˇ hui htawˇ meh maˬ lanˉ kʼaw‸ hpeh‸ la ve yoˬ.
9
Yawˇ hui lehˬ, haˉ pui shiˍ teˇ hpaˍ leh suhˆ cehˬ teˇ hpaˍ hta‸ oˉ kʼoˍ pui leh, mvuhˇmiˬ hta‸ cha‸ chiˆ tuˬ te ve yoˬ.
10
Oˇ ve hkʼaw‸ nawˉ, ka ti‸ maˇ yeˬ ve Iˉsaˍreˍlaˆ awˬ nyi ma Yuˇda‸ lehˬ, ngaˬ geh kʼaw‸ hpfuhˆ kʼaw‸ la gaˇ ve hkʼe te ve yoˬ. Ya‸ hkʼaˇ, nyi ma awˬ tawˬ hkʼa gaˬ ngaˬ geh kʼaw‸ hpfuhˆ kʼaw‸ la ve maˇ heˆ, teh‸ Gʼuiˬsha kʼoˆ ve yoˬ.
11
Oˇ ve hkʼaw‸ nawˉ, Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. Iˉsaˍreˍ laˆ chaw lehˬ, ngaˬ hta‸ baˬ taˉ peuˬ ve htawˇ, ka ti‸ maˇ yeˬ ve Yuˇda‸ chaw a‸ kehˉ a ciˉ hkehnˇ chehˇ sheˍ.
12
Chi hta‸ pa taw, Iˉsaˍreˍlaˆ chaw hui hta‸ chi hkʼe ca kʼoˆ piˇ-oˆ. Ka ti‸ maˇ yeˬ ve Iˉsaˍreˍlaˆ chaw hui-oˬ, ngaˬ geh kʼaw‸ hpfuhˆ kʼaw‸ la-o. Ngaˬ lehˬ ha kʼaˉ puiˉ ve pa taw, hkʼaˬ htaˆ ka‸ ngaˬ nawˬ hui hta‸ nyi ma zuhˆ chehˇ tuˬ ve maˇ heˆ.
13
Ngaˬ hui Gʼuiˬsha hta‸ baˬ taˉ ve lehˬ, ya‸ jaˇ peuˬ teh‸ shaˉ hkiˆ hkanˍ-o‸. Suhˆ cehˬ teˇ hpaˍ awˬ hawˉ lo ngaˬ hui awˬ nu ve gʼuiˬsha teˇ hpaˍ hta‸ oˉ kʼoˍ gʼa pui peuˬ, teh‸ lawˬ hkawˉ-oˆ.
14
Ka ti‸ maˇ yeˬ ve chaw hui-oˬ, kʼaw‸ hpfuhˆ kʼaw‸ la-o. Awˬ lawn kʼo, ngaˬ lehˬ nawˬ hui ve Gʼuiˬsha hpeh‸ ve yoˬ. Venˇ teˇ venˇ awˬ hkʼaw ve chaw teˇ gʼaˇ leh chaw ceuˬ teˇ ceuˬ awˬ hkʼaw ve chaw nyiˇ gʼaˇ hta‸ ngaˬ leuˆ yuˬ leh, Ziˉonˍ hkʼaw lo shiˍ kʼo‸-e laˇ tuˬ yoˬ.
15
Ngaˬ ve tawˇ hta‸ na yuˬ puiˉ ve awˬ hoˉ awˬ naˬ teˇ hpaˍ, ngaˬ nawˬ hui hta‸ piˇ laˇ tuˬ yoˬ. Yawˇ hui lehˬ, cuˇ yiˍ leh shiˍ puiˉ ve nyi ma hkʼa biˇ cawˬ ve awˬ hkʼaw lo, nawˬ hui hta‸ uˉ peunˍ laˇ tuˬ yoˬ.
16
Mvuhˇmiˬ oˇ ve awˬ hkʼaw lo, nawˬ hui ve chaw kʼaw‸ maˇ la ve teˇ yanˇ, chaw yaˇ teˇ hpaˍ lehˬ, Gʼuiˬsha ve ka ti‸ shaˉ caˆ ta kʼoˍ hta‸ kʼaw‸ dawˇ nawˇ tuˬ ve maˇ heˆ. Yawˇ hui lehˬ, ta kʼoˍ oˇ ve hta‸ kʼaw‸ loˍ tuˬ ve ka‸ maˇ heˆ.
17
Awˬ yanˇ oˇ ve gaˬ la htaˇ, Yeˍruˆsaˍlehnˍ venˇ hta‸ Gʼuiˬsha ve kʼaw jaw teh‸ meh piˇ leh, chaw ceuˬ hkʼa peu-eˬ oˇ kaˬ lo ngaˬ hta‸ oˉ kʼoˍ ca pui la tuˬ yoˬ. Yawˇ hui lehˬ, a shu yawˇ ve a loˍ hta‸ kʼaw‸ te tuˬ ve maˇ heˆ.
18
Iˉsaˍreˍlaˆ leh Yuˇda‸ chaw kʼaw‸ pawnˇ da‸ tuˬ yoˬ. Yawˇ hui lehˬ, mvuhˇmiˬ awˬ na hpawˇ teˇ tawn lo tu leh, nawˬ hui ve awˬ puˍ awˬ pi teˇ hpaˍ hta‸ ngaˬ piˇ taˍ ve mvuhˇmiˬ lo ca chehˇ la tuˬ yoˬ, teh‸ Gʼuiˬsha kʼoˆ ve yoˬ.
19
Gʼuiˬsha kʼoˆ ve, Iˉsaˍreˍlaˆ chaw hui-oˬ, nawˬ hui hta‸ ngaˬ ve yaˇ hkʼa shuˍ ha‸ yuˬ leh, miˬguiˬ hkʼoˆ lo shu a‸ kehˉ da‸ jaˇ ve mvuhˇmiˬ ngaˬ nawˬ hui hta‸ piˇ laˇ tuˬ yoˬ. Nawˬ hui ngaˬ hta‸ Awˬ pa teh‸ kuˬ leh, ngaˬ hta‸ teˇ pawˆ ka‸ maˇ chiˇ baˬ piˇ lawˬ gaˇ.
20
Ya‸ hkʼaˇ, ka ti‸ maˇ yeˬ ve awˬ miˇ ma hkʼe, nawˬ hui ngaˬ hta‸ ka ti‸ maˇ yeˬ, teh‸ Gʼuiˬsha kʼoˆ ve yoˬ.
21
Hkʼaw hkʼoˆ lo awˬ hkawˇ bvuhˬ tawˆ la chehˇ ve yoˬ. Awˬ hkawˇ oˇ ve lehˬ, Iˉsaˍreˍlaˆ chaw hui Gʼuiˬsha hta‸ chiˇ baˬ leh a shu yawˇ ve a loˍ hkʼaˇ suh te kʼai ve pa taw, dawˇ haˍ leh kuˬ hawˬ chehˇ ve awˬ hkawˇ hpeh‸ ve yoˬ.
22
Gʼuiˬsha hta‸ chiˇ baˬ peuˬ ve chaw hkʼa peu-eˬ, kʼaw‸ hpfuhˆ kʼaw‸ la-o. Yawˇ nawˬ hui hta‸ gu na-e laˇ leh, nawˬ hui hta‸ ka ti‸ yeˬ ve chaw kʼaw‸ hpeh‸ la piˇ tuˬ yoˬ. Nawˬ hui chi hkʼe kʼoˆ chehˇ ve yoˬ. Yoˬ, ngaˬ hui Gʼuiˬsha geh kʼaw‸ hpfuhˆ kʼaw‸ la chehˇ ve yoˬ. Awˬ lawn kʼo, yawˇ lehˬ ngaˬ hui ve Gʼuiˬsha hpeh‸ ve yoˬ.
23
Hkʼaw hkʼoˆ lo duiˆ-ehˍ shaˇ-ehˍ te leh shaˉ ho‸ teˇ hpaˍ hta‸ oˉ kʼoˍ pui ve lehˬ, te‸ chiˉ awˬ bon maˇ cawˬ. Iˉsaˍreˍlaˆ chaw hui hta‸ ga laˇ puiˉ ve lehˬ, ngaˬ hui ve Jawˇmawˇ Gʼuiˬsha teˇ gʼaˇ tiˉ cawˬ ve yoˬ.
24
Ngaˬ hui Baˍlaˆ gʼuiˬsha hta‸ oˉ kʼoˍ pui ve pa taw, aˬ sho-eˬ htaˇ ngaˬ hui ve awˬ puˍ awˬ pi teˇ hpaˍ coˇ caˇ leh ca taˉ ve nuˇ, yawˬ, leh yaˇ paˍ yaˇ miˇ hkʼa peu-eˬ mehˉ kʼai peuˬ.
25
Ngaˬ hui lehˬ, ya‸ taw jaˇ ve awˬ hkʼaw lo zuh‸ taˍ cawˇ ve yoˬ. Awˬ lawn kʼo, ngaˬ hui leh ngaˬ hui ve awˬ puˍ awˬ pi teˇ hpaˍ lehˬ, Gʼuiˬsha ve tawˇ hta‸ ponˬ leuˉ leh te ya‸ jaˇ peuˬ ve yoˬ, teh‸ nawˬ hui kʼoˆ chehˇ ve yoˬ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52