bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 33
Jeremiah 33
Lahu Bible Edited © Thailand Bible Society and Bible Society of Myanmar, 2010, 2020.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 34 →
1
Ngaˬ htawnˍ hkʼaw chehˇ taˍ sheˍ ve teˇ yanˇ, Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ ve yoˬ.
2
Miˬguiˬ hta‸ te hpanˍ shehˍ hpaˇ Gʼuiˬsha ngaˬ hta‸ chi hkʼe kʼoˆ laˇ ve yoˬ.
3
Ngaˬ hta‸ kuˬ-o‸. Ngaˬ kʼaw‸ yaw hkʼaw‸ laˇ tuˬ yoˬ. Nawˬ maˇ shiˍ ve anˇ tuˬ uiˍ ve awˬ ceuˬ teˇ hpaˍ ngaˬ nawˬ hta‸ hto laˇ tuˬ yoˬ.
4
Yeˍruˆsaˍlehnˍ venˇ hkʼaw cawˬ ve yehˬ leh hawˉ yehˬ teˇ hpaˍ luˬ kʼai tuˬ yoˬ, teh‸ ngaˬ Iˉsaˍreˍlaˆ ve Gʼuiˬsha kʼoˆ taˍ peuˬ ve yoˬ. Baˍbuˍlonˍ chaw hui duˇ taˍ ve ta‸ kʼoˍ teˇ hpaˍ lo kʼai leh, yawˇ hui hta‸ ca bawˆ da‸ ve lehˬ, te‸ chiˉ awˬ bon maˇ cawˬ.
5
Chi hkʼe te ve lehˬ, venˇ hkʼaw chaw suh maˇ ve tiˉ yoˬ. Awˬ lawn kʼo, venˇ yaˇ chi teˇ hpaˍ haiˬ ve kanˉ hta‸ tiˉ te chehˇ ve pa taw, venˇ chi hta‸ ngaˬ baˬ taˉ peuˬ.
6
Ya‸ hkʼaˇ, venˇ chi ve leh venˇ yaˇ teˇ hpaˍ hta‸ ngaˬ kʼaw‸ gu na-e piˇ leh, kʼaw‸ chehˇ sha la piˇ tuˬ yoˬ. Ngaˬ yawˇ hui hta‸ gawˬ lehˍ kʼaw‸ chehˇ tcuh piˇ tuˬ yoˬ.
7
Yuˇda‸ leh Iˉsaˍreˍlaˆ chaw hui hta‸ ngaˬ kʼaw‸ uiˍ la da‸ la piˇ leh, yawˇ hui ponˬ laˬ htaˇ hkʼe kʼaw‸ hpeh‸ la tuˬ ngaˬ gu te piˇ tuˬ yoˬ.
8
Yawˇ hui te ya‸ taˍ ve venˇbaˆ hta‸ ngaˬ kʼaw‸ tsuhˇ kehˬ piˇ leh, yawˇ hui ve venˇbaˆ hta‸ hpehˇ piˇ tuˬ yoˬ.
9
Venˇ chi lehˬ, ngaˬ ve ha lehˬ kuiˬ, ngaˬ ve awˬ me‸ awˬ hponˇ tawˆ la kuiˬ leh, ngaˬ ve nyi ma uiˍ kuiˬ kʼaw‸ hpeh‸ la tuˬ yoˬ. Awˬ nu ve chaw ceuˬ teˇ hpaˍ lehˬ, venˇ chi ve hta‸ ngaˬ awˬ bon na‸ piˇ leh uiˍ la chehˇ ve hta‸ gʼa mawˬ ve teˇ yanˇ, kawˆ cheˇ chehˇ tuˬ yoˬ, teh‸ Gʼuiˬsha kʼoˆ ve yoˬ.
10
Gʼuiˬsha kʼoˆ ve, Chaw yaˇ teˇ hpaˍ lehˬ, chehˇ kuiˬ chi ve hta‸ chaw yaˇ maˇ kʼoˆ, to nuˇ to shaˆ maˇ kʼoˆ, chehˇ maˇ hpeh‸ ve gawˬ cu gawˬ pehˆ ve chehˇ kuiˬ hpeh‸ ve yoˬ, teh‸ kʼoˆ chehˇ ve yoˬ. Yawˇ hui kʼoˆ ve ka‸ cawˇ chehˇ ve yoˬ. Yeˍruˆsaˍlehnˍ venˇ leh Yuˇda‸ venˇ teˇ hpaˍ awˬ hkʼaw lo awˬ kʼawˇ lehˍ hpeh‸ chehˇ ve yoˬ. Te‸ chiˉ maˇ chehˇ.
11
Ya‸ hkʼaˇ, ha lehˬ leh kuˬ ve awˬ hkawˇ leh hkehˉ caˇ ve awˬ hkawˇ hta‸ gʼa kʼaw‸ kaˇ tuˬ yoˬ. Chaw yaˇ teˇ hpaˍ ha lehˬ ha kʼa ngaˬ ve bon yehˬ lo ca tuˉ tanˇ la chehˇ ve awˬ hkawˇ hta‸ nawˬ hui gʼa kaˇ tuˬ yoˬ. Yawˇ hui chi hkʼe kʼoˆ tuˬ yoˬ. Gʼuiˬsha hta‸ chiˇ mvuh-o. Awˬ lawn kʼo, Yawˇ lehˬ da‸ jaˇ leh Yawˇ ha‸ pehnˇ ve teˇ ceuˬ co co taiˍ taiˍ yeˬ chehˇ ve yoˬ, teh‸ kʼoˆ tuˬ yoˬ. Venˇ chi ponˬ laˬ htaˇ hkʼa shuˍ, ngaˬ kʼaw‸ uiˍ la da‸ la piˇ tuˬ yoˬ, teh‸ Gʼuiˬsha kʼoˆ ve yoˬ.
12
Kanˇ paˆ uiˍ ve Gʼuiˬsha kʼoˆ ve, Chaw yaˇ leh to nuˇ to shaˆ chehˇ maˇ hpeh‸ ve gawˬ cu gawˬ pehˆ ve mvuhˇmiˬ chi hkʼaw, da‸ jaˇ ve kʼaˆ caˇ kuiˬ teˇ hpaˍ kʼaw‸ cawˬ la tuˬ yoˬ.
13
Yuˇda‸ mvuhˇmiˬ hkʼaw hkʼoˆ lawˬ hkʼoˆ hkʼaˬ ti chi ti lo, yawˬ hawˉ shehˍ hpaˇ teˇ hpaˍ lehˬ, a shu yawˇ ve yawˬ ehˉ hta‸ gʼaw nyi chehˇ tuˬ yoˬ, teh‸ Gʼuiˬsha kʼoˆ ve yoˬ.
14
Gʼuiˬsha kʼoˆ ve, Iˉsaˍreˍlaˆ leh Yuˇda‸ chaw hui hta‸ ngaˬ te piˇ taˍ ve ka ti‸ hta‸ biˇ la piˇ tuˬ ve awˬ yanˇ gaˬ la chehˇ ve yoˬ.
15
Awˬ yanˇ oˇ ve gaˬ la htaˇ, Daˍviˆ ve awˬ ceuˬ awˬ hkʼaˇ awˬ hkʼaw lo, hteˇ ve cawˇ ve chaw teˇ gʼaˇ hta‸ ngaˬ leuˆ yuˬ leh jawˇmawˇ te tcuh tuˬ yoˬ. Jawˇmawˇ oˇ ve lehˬ, hteˇ ve cawˇ ve kanˉ hta‸ tiˉ te tuˬ yoˬ.
16
Yuˇda‸ chaw leh, Yeˍruˆsaˍlehnˍ venˇ yaˇ teˇ hpaˍ lehˬ, gawˬ lehˍ gʼa chehˇ tuˬ yoˬ. Venˇ oˇ ve hta‸, Ngaˬ hui ve htaiˍ hkʼaw‸ paˍ Gʼuiˬsha, teh‸ awˬ meh awˬ suhˉ kʼaw‸ meh piˇ tuˬ yoˬ.
17
Daˍviˆ ve awˬ ceuˬ awˬ hkʼaˇ awˬ hkʼaw lo ve chaw teˇ gʼaˇ peuˬ teˇ gʼaˇ, hkʼaˬ htaˆ ka‸ jawˇmawˇ gʼa te tuˬ yoˬ.
18
Leˍviˆ awˬ ceuˬ awˬ hkʼaˇ awˬ hkʼaw lo ve chaw teˇ gʼaˇ peuˬ teˇ gʼaˇ paw hkuˇ ve kanˉ hta‸ te leh, ngaˬ hta‸ gʼa tuˉ tanˇ laˇ tuˬ yoˬ, teh‸ Gʼuiˬsha kʼoˆ ve yoˬ.
19
Gʼuiˬsha ngaˬ hta‸ chi hkʼe kʼoˆ laˇ ve yoˬ.
20
A shu yawˇ ve awˬ yanˇ cawˇ cawˇ kanˉ te kʼai tuˬ, mvuhˇ law‸ kʼaw leh mvuhˇ hpeu‸ ve awˬ yanˇ hta‸ ngaˬ ka ti‸ te taˍ peuˬ. Ka ti‸ chi ve teˇ pawˆ ka‸ luˬ kʼai tuˬ ve maˇ heˆ.
21
Oˇ ve hkʼa shuˍ, ngaˬ ve awˬ ceˬ paˍ Daˍviˆ ve awˬ ceuˬ awˬ hkʼaˇ teˇ hpaˍ htawˇ, teˇ gʼaˇ peuˬ teˇ gʼaˇ jawˇmawˇ te tuˬ leh, Leˍviˆ awˬ ceuˬ awˬ hkʼaˇ teˇ hpaˍ htawˇ, teˇ gʼaˇ peuˬ teˇ gʼaˇ paw hkuˇ te tuˬ, ngaˬ ka ti‸ te piˇ taˍ ve yoˬ. Ka ti‸ chi ve teˇ hpaˍ luˬ kʼai tuˬ ve maˇ heˆ.
22
Daˍviˆ ve awˬ ceuˬ awˬ hkʼaˇ leh, Leˍviˆ awˬ ceuˬ awˬ hkʼaˇ teˇ hpaˍ hta‸ ngaˬ maˇ la piˇ tuˬ yoˬ. Yawˇ hui lehˬ, mvuhˇ hpe lo cawˬ ve meu‸ keu shiˍ leh, laˇ tsuhˇ gʼuiˬ pfuhˍ lo cawˬ ve shehˇ shiˍ hkʼa shuˍ, gʼaw maˇ peuˬ htaˇ hkʼa gaˬ maˇ jaˇ tuˬ yoˬ, teh‸ kʼoˆ ve yoˬ.
23
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
24
Ngaˬ leuˆ yuˬ taˍ ve Iˉsaˍreˍlaˆ leh Yuˇda‸ chaw hta‸ ngaˬ chiˇ baˬ piˇ ve pa taw, chaw yaˇ teˇ hpaˍ hkʼaˬ hkʼe kʼoˆ da‸ chehˇ ve hta‸ nawˬ kaˇ-aw laˇ. Hkʼe te leh, yawˇ hui ngaˬ ve chaw hta‸ nyi bawˬ leh, yawˇ hui hta‸ chaw ceuˬ lonˉ teh‸ maˇ kʼaw‸ shawˍ taˍ-o.
25
Ya‸ hkʼaˇ, ngaˬ Gʼuiˬsha lehˬ mvuhˇ law‸ kʼaw leh mvuhˇ hpeu‸ ve awˬ yanˇ hta‸ ka ti‸ te taˍ peuˬ leh, miˬguiˬ leh mvuhˇ naw ma hta‸ uˉ peunˍ tuˬ awˬ liˇ te teh taˍ peuˬ.
26
Ngaˬ chi hkʼe te taˍ peuˬ ve hkʼe, Yaˍkoˆ ve awˬ ceuˬ awˬ hkʼaˇ leh, ngaˬ ve awˬ ceˬ paˍ Daˍviˆ ve awˬ ceuˬ awˬ hkʼaˇ teˇ gʼaˇ hta‸ ngaˬ leuˆ yuˬ leh, Aˍbraˍhanˍ, Iˉcaˆ, Yaˍkoˆ hui ve awˬ ceuˬ awˬ hkʼaˇ teˇ hpaˍ hta‸ ngaˬ uˉ peunˍ tcuh tuˬ yoˬ. Ngaˬ ve chaw teˇ hpaˍ hta‸ ngaˬ kʼaw‸ ha kʼaˉ piˇ leh, yawˇ hui hta‸ teˇ pawˆ kʼaw‸ uiˍ la da‸ la piˇ tuˬ yoˬ, teh‸ Gʼuiˬsha ngaˬ hta‸ kʼoˆ laˇ ve yoˬ.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52