bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 8
Jeremiah 8
Lahu Bible Edited © Thailand Bible Society and Bible Society of Myanmar, 2010, 2020.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 9 →
1
Awˬ yanˇ oˇ ve awˬ hkʼaw lo, jawˇmawˇ teˇ hpaˍ, ma‸ poˍ lonˉ teˇ hpaˍ, paw hkuˇ teˇ hpaˍ, tcuh kaˍ paˍ teˇ hpaˍ, leh Yeˍruˆsaˍlehnˍ venˇ yaˇ teˇ hpaˍ ve awˬ mu‸ ku hta‸ tuˍ hpfuh hkʼaw yuˬ tawˆ tuˬ yoˬ.
2
Oˇ ve teˇ hpaˍ hta‸ kʼaw‸ gʼawˆ tuˍ piˇ tuˬ ve maˇ heˆ. Nuˇ hkʼehˇ hkʼa shuˍ miˬ chaˇ hkʼoˆ lo baˬ taˍ tuˬ yoˬ. Chaw yaˇ teˇ hpaˍ ha‸ leh oˉ kʼoˍ pui chehˇ ve mvuhˇ nyi, ha pa leh meu‸ keu shiˍ teˇ hpaˍ gʼuˇ suhˍ lo awˬ mu‸ ku oˇ ve teˇ hpaˍ hta‸ teh taˍ tuˬ yoˬ.
3
Ngaˬ hpaˆ da‸ kʼai piˇ lawˬ ve haiˬ ve chaw chi teˇ hpaˍ lehˬ, a sha‸ te‸ chehˇ ve a‸ kehˉ suh gaˇ ve nyi ma cawˬ la tuˬ yoˬ, teh‸ Gʼuiˬsha kʼoˆ ve yoˬ.
4
Gʼuiˬsha lehˬ, yawˇ ve chaw teˇ hpaˍ hta‸ chi hkʼe ca kʼoˆ piˇ tcuh laˇ ve yoˬ. Chaw teˇ gʼaˇ ya‸ kʼaw ya‸ kʼai ve kʼo, kʼaw‸ hpfuhˆ kʼaw‸ la ve maˇ heˆ laˇ.
5
Ngaˬ ve chaw teˇ hpaˍ-oˬ, aˬ hto‸ ma pa taw nawˬ hui ngaˬ geh maˇ kʼaw‸ hpfuhˆ kʼaw‸ la ve le. Nawˬ hui lehˬ, shaˉ ho‸ hta‸ tiˉ vawˆ taˍ leh, ngaˬ geh maˇ kʼaw‸ hpfuhˆ kʼaw‸ la.
6
Ngaˬ hkʼa deh‸ na chehˇ taˍ ve yoˬ. Ya‸ hkʼaˇ, nawˬ hui hteˇ ve cawˇ ve tawˇ hta‸ maˇ yaw. Chaw teˇ gʼaˇ ka‸ a shu yawˇ te ya‸ taˍ ve venˇbaˆ awˬ pon maˇ dawˇ haˍ. Ngaˬ aˬ hto‸ ma te ya‸ peuˬ le, teh‸ nawˬ hui teˇ gʼaˇ ka‸ maˇ na nyi. Ma‸ bawˆ kuiˬ lo gʼuiˇ kʼai chehˇ ve iˉ mvuhˇ hkʼa shuˍ, nawˬ hui a shu yawˇ te gaˇ ve hkʼe te chehˇ ve yoˬ.
7
Va‸ laˇ gawˬ teˇ hpaˍ kʼaw‸ la yanˇ shiˍ ve yoˬ. Aˉ pui kʼaˍ, piˉ cuˬ nyiˉ leh meuˇ tzuh‸ suhˆ teˇ hpaˍ htawˇ, hpaw-e tuˬ ve awˬ yanˇ hta‸ shiˍ ve yoˬ. Ya‸ hkʼaˇ, ngaˬ ve chaw teˇ hpaˍ-oˬ, nawˬ hui lehˬ ngaˬ ve awˬliˇtawˇhkawˇ teˇ hpaˍ hta‸ maˇ shiˍ.
8
Nawˬ hui cuˇ yiˍ cawˬ leh, ngaˬ ve awˬliˇtawˇhkawˇ teˇ hpaˍ hta‸ shiˍ ve yoˬ, teh‸ hkʼaˬ hkʼe kʼoˆ hpeh‸ le. Nyi loˬ. Maˇ hteˇ maˇ cawˇ ve li‸ bvuh‸ paˍ teˇ hpaˍ lehˬ, awˬliˇtawˇhkawˇ oˇ ve teˇ hpaˍ hta‸ yuˬ hpfuhˆ peuˬ.
9
Cuˇ yiˍ cawˬ ve nawˬ hui ve chaw teˇ hpaˍ gʼa ya‸ taw ve yoˬ. Yawˇ hui dawˇ maˇ tawˆ leh va hta‸ yaw peuˬ. Yawˇ hui ngaˬ ve tawˇ hta‸ maˇ na yuˬ. Yawˇ hui chi beu‸ aˬ hto‸ ma cuˇ yiˍ cawˬ sheˍ le.
10
Chi hta‸ pa taw, yawˇ hui ve ti mi leh, yawˇ hui ve awˬ miˇ ma ngaˬ shu hta‸ kʼaw‸ piˇ tuˬ yoˬ. Chaw mawˇ yaˇ nehˬ teˇ gʼaˇ le le, maˇ hteˇ maˇ cawˇ ve awˬ hkʼaw lo hpu ca chehˇ ve yoˬ. Tcuh kaˍ paˍ leh paw hkuˇ teˇ hpaˍ htawˇ, shu hta‸ heˍ caˇ chehˇ ve yoˬ.
11
Ngaˬ ve chaw teˇ hpaˍ ve naˬ kuiˬ hkʼaw kuiˬ hta‸ yawˇ hui te‸ chiˉ maˇ dawˇ. Maˇ keh. Da‸ la chehˇ-aw, teh‸ yawˇ hui kʼoˆ ve yoˬ. Ya‸ hkʼaˇ, da‸ la ve maˇ heˆ.
12
Ngaˬ ve chaw teˇ hpaˍ-oˬ, nawˬ hui chi hkʼe te chehˇ ve maˇ ya‸ taw leh laˇ. Nawˬ hui a ciˉ ka‸ ya‸ taw hkawˇ maˇ shiˍ. Chi hta‸ pa taw, awˬ nu ve chaw paiˍ ve hkʼe nawˬ hui htawˇ paiˍ tuˬ yoˬ. Ngaˬ ciˍ yanˍ ve teˇ yanˇ, nawˬ hui suh-e peuˬ tuˬ yoˬ, teh‸ Gʼuiˬsha kʼoˆ ve yoˬ.
13
Chaw teˇ gʼaˇ awˬ shiˍ awˬ nu hta‸ shaw hpoˆ ve hkʼe, ngaˬ ve chaw teˇ hpaˍ hta‸ ngaˬ teˇ geh kuˬ hpoˆ gaˇ ve yoˬ. Ya‸ hkʼaˇ, yawˇ hui lehˬ awˬ shiˍ teˇ shiˍ ka‸ maˇ naw‸ ve a pehˉ meuˇ te leh maˉ nawˆ cehˬ hkʼe hpeh‸ ve yoˬ. Awˬ hpa‸ teˇ hpaˍ ka‸ nawˍ kʼai peuˬ. Chi hta‸ pa taw, mvuhˇmiˬ chi hta‸ bawˆ yuˬ tuˬ, awˬ nu ve chaw teˇ hpaˍ hta‸ ngaˬ a hkaw-anˬ piˇ ve yoˬ.
14
Gʼuiˬsha ve chaw teˇ hpaˍ na nyi leh kʼoˆ ve, Aˬ hto‸ ma pa taw ngaˬ hui jo mui chehˇ ve le. Laˬ-o‸. Ngaˬ hui yeˬ jaˇ ve ta‸ yehˬ hkʼaw gʼuiˇ lo‸-e leh oˇ kaˬ lo ca suh-e veuˬ. Ngaˬ hui ve Jawˇmawˇ Gʼuiˬsha lehˬ, ngaˬ hui hta‸ suh-e piˇ lawˬ tuˬ kʼoˆ taˍ peuˬ. Ngaˬ hui Yawˇ hta‸ te ya‸ ve pa taw, Yawˇ ngaˬ hui hta‸ awˬ taw‸ ma taw laˇ taˍ peuˬ.
15
Ngaˬ hui lehˬ, gawˬ lehˍ ve awˬ yanˇ leh, ngaˬ hui ve a naˍ na-e la tuˬ ve awˬ yanˇ hta‸ dawˇ law chehˇ ve yoˬ. Ya‸ hkʼaˇ, dawˇ law taˍ ve hkʼe maˇ hpeh‸ la. Kawˆ tuˬ ve awˬ ceuˬ ceh tiˉ gaˬ la ve yoˬ.
16
Ngaˬ hui ve canˇ paˍ teˇ hpaˍ Danˍ venˇ hkʼaw gaˬ la peuˬ. Yawˇ hui ve iˉ mvuhˇ naˍ hkʼawˇ meuˆ chehˇ ve awˬ hkawˇ hta‸ ngaˬ hui gʼa kaˇ chehˇ taˍ peuˬ. Yawˇ hui ve iˉ mvuhˇ kuˬ ve teˇ yanˇ, mvuhˇmiˬ yaˇ hkʼa peu-eˬ kawˆ cheˇ chehˇ ve yoˬ. Ngaˬ hui ve mvuhˇmiˬ, ngaˬ hui ve venˇ leh ngaˬ hui ve chaw ceuˬ hta‸ te luˬ tuˬ, canˇ paˍ teˇ hpaˍ gaˬ la peuˬ, teh‸ kʼoˆ ve yoˬ.
17
Nyi loˬ. Shu meuˇ la tuˬ te maˇ gʼa leh, awˬ taw‸ ma hehnˇ jaˇ ve vuiˬ hta‸ ngaˬ nawˬ hui geh peu laˇ ve yoˬ. Yawˇ hui nawˬ hui hta‸ htawˆ tuˬ yoˬ, teh‸ Gʼuiˬsha kʼoˆ ve yoˬ.
18
Ngaˬ ve dawˇ haˍ tuˬ chi, mehˉ kʼai tuˬ te maˇ gʼa. Ngaˬ ve nyi ma naˬ jaˇ ve yoˬ.
19
Na sheˍ. Mvuhˇmiˬ hkʼaˬ ti chi ti lo, ngaˬ ve chaw teˇ hpaˍ kuˬ chehˇ ve awˬ hkawˇ hta‸ ngaˬ gʼa kaˇ ve yoˬ. Gʼuiˬsha Ziˉonˍ venˇ hkʼaw maˇ chehˇ-o ve laˇ. Ziˉonˍ ve jawˇmawˇ oˇ kaˬ lo maˇ chehˇ-o laˇ, teh‸ kʼoˆ chehˇ ve yoˬ. Yawˇ hui ve Jawˇmawˇ Gʼuiˬsha kʼaw‸ yaw hkʼaw‸ leh kʼoˆ ve, Aˬ hto‸ ma pa taw nawˬ hui shaˉ ho‸ teˇ hpaˍ hta‸ oˉ kʼoˍ pui leh, ngaˬ hta‸ nyi ma zuhˆ tuˬ te laˇ ve le, teh‸ kʼoˆ ve yoˬ.
20
Chaw yaˇ teˇ hpaˍ kuˬ leh kʼoˆ ve, Mvuhˇ goˇ yanˇ ponˬ kʼai peuˬ leh awˬ shiˍ awˬ nu gʼeu‸ jaw‸ ve awˬ yanˇ ponˬ kʼai peuˬ. Ya‸ hkʼaˇ, ngaˬ hui htaiˍ hkʼaw‸ ve hta‸ maˇ gʼa sheˍ, teh‸ kʼoˆ ve yoˬ.
21
Ngaˬ ve chaw teˇ hpaˍ gʼa tu‸ gʼa hkanˍ chehˇ ve pa taw, ngaˬ dawˇ haˍ jaˇ leh, dawˇ maˇ tawˆ hpeh‸ chehˇ ve yoˬ.
22
Giˇlaˆ mvuhˇmiˬ hkʼaw naˆ tsuhˇ maˇ cawˬ laˇ. Oˇ kaˬ lo saˍla‸ gʼonˍ ka‸ maˇ chehˇ laˇ. Aˬ hto‸ ma pa taw ngaˬ ve chaw teˇ hpaˍ maˇ na-e la ve le.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52