bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 44
Jeremiah 44
Lahu Bible Edited © Thailand Bible Society and Bible Society of Myanmar, 2010, 2020.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Gʼuiˬsha lehˬ Eˇjiˇtu‸ mvuhˇmiˬ, Miˆgaˍdawˇlaˆ, Taˍpaˍnehˆ leh Nawˇhpaˆ venˇ hkʼaw chehˇ taˍ ve Iˉsaˍreˍlaˆ chaw hui awˬ lawn ngaˬ hta‸ chi hkʼe kʼoˆ laˇ ve yoˬ.
2
Iˉsaˍreˍlaˆ ve Gʼuiˬsha kʼoˆ ve, Nawˬ hui lehˬ, Yeˍruˆsaˍlehnˍ leh awˬ nu ve Yuˇda‸ venˇ teˇ hpaˍ hta‸ ngaˬ hkʼaˬ hkʼe te piˇ ve hta‸ gʼa mawˬ taˉ peuˬ ve chaw teˇ hpaˍ hpeh‸ ve yoˬ. Ya‸ nyi hkʼa gaˬ, venˇ oˇ ve teˇ hpaˍ hkʼaw chaw teˇ gʼaˇ ka‸ maˇ chehˇ sheˍ.
3
Awˬ lawn kʼo, venˇ yaˇ oˇ ve teˇ hpaˍ venˇbaˆ te leh, ngaˬ hta‸ nyi ma zuhˆ tuˬ te laˇ chehˇ ve pa taw yoˬ. Yawˇ hui lehˬ, nawˬ hui leh nawˬ hui ve awˬ puˍ awˬ pi teˇ hpaˍ oˉ kʼoˍ maˇ pui jaw ve gʼuiˬsha teˇ hpaˍ hta‸ tuˉ tanˇ piˇ chehˇ ve yoˬ.
4
Ngaˬ nawˬ hui geh lo ngaˬ ve awˬ ceˬ tcuh kaˍ paˍ teˇ hpaˍ peu laˇ leh, ngaˬ canˇ ve kanˉ oˇ ve teˇ hpaˍ hta‸ maˇ gʼa te tuˬ shaˍ ti‸ piˇ laˇ tcuhˉ taˍ ve yoˬ.
5
Ya‸ hkʼaˇ, nawˬ hui maˇ na yuˬ. Haiˬ ve kanˉ chi hta‸ nawˬ hui maˇ baˬ taˉ.
6
Chi hta‸ pa taw, ngaˬ nyi ma zuhˆ ve teˇ ceuˬ venˇ oˇ ve teˇ hpaˍ awˬ hkʼoˆ ngeuˍ pfuhˍ leh, aˬ miˍ tuˉ baˬ piˇ ve yoˬ. Ya‸ nyi hkʼa gaˬ, venˇ oˇ ve teˇ hpaˍ gawˬ cu gawˬ pehˆ hpeh‸ chehˇ taˍ ve yoˬ.
7
Hkʼe ka‸, aˬ hto‸ ma pa taw ya‸ nyi nawˬ hui htawˇ haiˬ ve kanˉ oˇ ve teˇ hpaˍ hta‸ kʼaw‸ te chehˇ sheˍ ve le, teh‸ ngaˬ Gʼuiˬsha nawˬ hui hta‸ na nyi laˇ gaˇ ve yoˬ. Nawˬ hui luˬ ve sheˆ ve hta‸ heuˆ gaˇ laˇ. Nawˬ hui ve chaw teˇ gʼaˇ ka‸ maˇ cawˬ taˉ ve hta‸ heuˆ gaˇ laˇ.
8
Nawˬ hui ca chehˇ la taˍ ve Eˇjiˇtu‸ mvuhˇmiˬ chi hkʼaw, aˬ hto‸ ma pa taw nawˬ hui shaˉ ho‸ teˇ hpaˍ hta‸ oˉ kʼoˍ pui leh, ngaˬ nyi ma zuhˆ tuˬ te chehˇ ve le. Ngaˬ te luˬ te sheˆ laˇ ve hta‸ heuˆ gaˇ leh laˇ. Shu maˇ shawˍ maˇ caˆ te leh hkeu laˇ ve hta‸ heuˆ gaˇ ve laˇ.
9
Yeˍruˆsaˍlehnˍ venˇ leh awˬ nu ve Yuˇda‸ venˇ teˇ hpaˍ awˬ hkʼaw lo nawˬ hui ve awˬ puˍ awˬ pi teˇ hpaˍ, Yuˇda‸ jawˇmawˇ leh yawˇ hui ve awˬ miˇ ma teˇ hpaˍ, nawˬ hui leh nawˬ hui ve awˬ miˇ ma teˇ hpaˍ, te taˉ peuˬ ve haiˬ ve kanˉ teˇ hpaˍ hta‸ nawˬ hui leunˇ kʼai peuˬ laˇ.
10
Ya‸ nyi hkʼa gaˬ, nawˬ hui ve nyi ma maˇ nuˇ la sheˍ. Nawˬ hui ngaˬ hta‸ maˇ taˍ uiˍ. Nawˬ hui leh nawˬ hui ve awˬ puˍ awˬ pi teˇ hpaˍ hta‸ ngaˬ piˇ taˍ ve awˬliˇtawˇhkawˇ teˇ hpaˍ hta‸ nawˬ hui maˇ na yuˬ.
11
Chi hta‸ pa taw, ngaˬ Gʼuiˬsha lehˬ Yuˇda‸ chaw hkʼa peu-eˬ hta‸ te luˬ te sheˆ piˇ tuˬ yoˬ.
12
Eˇjiˇtu‸ mvuhˇmiˬ lo hkʼa hpaw-e taˍ ve Yuˇda‸ chaw hkʼa peu-eˬ ve hta‸ ngaˬ te luˬ piˇ tuˬ yoˬ. Yawˇ hui hkʼa peu-eˬ, Eˇjiˇtu‸ mvuhˇmiˬ hkʼaw lo ma‸ bawˆ ve, maˇ heˆ kʼo meu‸ ve kaˆ ve pa taw gʼa suh-e tuˬ yoˬ. Yawˇ hui lehˬ, shu maˇ shawˍ maˇ caˆ te leh hkeu ve hta‸ gʼa hkanˍ tuˬ yoˬ.
13
Yeˍruˆsaˍlehnˍ venˇ hta‸ ngaˬ ciˍ yanˍ piˇ ve hkʼe, Eˇjiˇtu‸ mvuhˇmiˬ hkʼaw ca hpaw chehˇ taˍ ve chaw hkʼa peu-eˬ hta‸ htawˇ, ma‸ bawˆ ve, meu‸ ve kaˆ ve leh naˬ beuˬ gaˬ ve hta‸ cuˇ leh ngaˬ ciˍ yanˍ piˇ tuˬ yoˬ.
14
Choˬ kaˬ Eˇjiˇtu‸ mvuhˇmiˬ hkʼaw ca hpaw chehˇ la taˍ ve Yuˇda‸ chaw teˇ gʼaˇ ka‸ gʼa te‸ chehˇ taˉ tuˬ ve maˇ heˆ. Yawˇ hui teˇ gʼaˇ ka‸ Yuˇda‸ mvuhˇmiˬ lo gʼa kʼaw‸ kʼo‸-e tuˬ ve maˇ heˆ. Venˇbaˆ dawˇ hpfuhˆ ve chaw a ciˉ ceh tiˉ gʼa kʼaw‸ kʼo‸-e tuˬ yoˬ, teh‸ Gʼuiˬsha kʼoˆ ve yoˬ.
15
Oˇ htaˇ, a shu yawˇ ve awˬ miˇ ma shaˉ ho‸ hta‸ tuˉ tanˇ piˇ chehˇ ve hta‸ shiˍ ve awˬ hpawˇ teˇ hpaˍ leh, oˇ kaˬ lo chehˇ taˍ ve yaˇ miˇ teˇ hpaˍ ngaˬ hta‸ chi hkʼe kʼoˆ laˇ ve yoˬ.
16
Gʼuiˬsha ve awˬ meh hkʼaw nawˬ ngaˬ hui hta‸ kʼoˆ laˇ chehˇ ve tawˇ teˇ hpaˍ hta‸ ngaˬ hui na yuˬ tuˬ ve maˇ heˆ.
17
Ngaˬ hui dawˇ taˍ ve hkʼe te tuˬ yoˬ. Ngaˬ hui leh ngaˬ hui ve awˬ puˍ awˬ pi teˇ hpaˍ, ngaˬ hui ve jawˇmawˇ leh awˬ hoˉ awˬ naˬ teˇ hpaˍ, Yeˍruˆsaˍlehnˍ leh Yuˇda‸ venˇ teˇ hpaˍ hkʼaw lo te muiˬ te jaw ve hkʼe, Mvuhˇ naw ma ve jawˇmawˇ ma hta‸ ngaˬ hui tuˉ tanˇ piˇ tuˬ yoˬ. Oˇ hkʼe te ve kʼo, ngaˬ hui caˇ tuˬ dawˬ tuˬ hkʼa biˇ cawˬ la leh, paw sha la tuˬ yoˬ.
18
Ngaˬ hui lehˬ, Mvuhˇ naw ma ve jawˇmawˇ ma chi ve hta‸ maˇ tuˉ tanˇ piˇ ve kʼo, ngaˬ hui gʼa dawˇ haˍ jaˇ leh, ma‸ bawˆ kuiˬ leh, meu‸ ve kaˆ ve hkʼaw gʼa suh-e tuˬ ve yoˬ.
19
Ngaˬ hui lehˬ, Mvuhˇ naw ma ve jawˇmawˇ ma hta‸ shuˍ ve hkaoˍmonˇ te leh yawˇ hta‸ tuˉ tanˇ piˇ chehˇ ve hta‸, ngaˬ hui ve awˬ hpawˇ teˇ hpaˍ htawˇ nyi ma cawˇ chehˇ ve yoˬ, teh‸ ngaˬ hta‸ kʼoˆ laˇ ve yoˬ.
20
Ngaˬ hta‸ chi hkʼe kʼaw‸ yaw hkʼaw‸ laˇ chehˇ ve chaw oˇ ve teˇ hpaˍ hta‸ ngaˬ chi hkʼe kʼaw‸ kʼoˆ piˇ ve yoˬ.
21
Yuˇda‸ venˇ teˇ hpaˍ leh Yeˍruˆsaˍlehnˍ venˇ hkʼaw lo, nawˬ hui leh nawˬ hui ve awˬ puˍ awˬ pi teˇ hpaˍ, jawˇmawˇ leh awˬ hoˉ awˬ naˬ teˇ hpaˍ, chi hkʼe te tuˉ tanˇ piˇ chehˇ ve hta‸, Gʼuiˬsha maˇ shiˍ, teh‸ nawˬ hui dawˇ ve laˇ. Maˇ heˆ kʼo, Yawˇ leunˇ kʼai peuˬ, teh‸ nawˬ hui dawˇ ve laˇ.
22
Ya‸ nyi hkʼa gaˬ, nawˬ hui ve mvuhˇmiˬ lehˬ gawˬ cu gawˬ pehˆ hpeh‸ chehˇ sheˍ leh, chaw teˇ gʼaˇ ka‸ maˇ chehˇ. Oˇ hkʼe hpeh‸ la ve lehˬ, nawˬ hui venˇbaˆ hta‸ tiˉ te ve pa taw, Gʼuiˬsha yeunˇ hkanˍ maˇ gʼaˇ leh hpeh‸ la ve yoˬ.
23
Nawˬ hui Gʼuiˬsha ve tawˇ hta‸ maˇ na leh, awˬ kaˍ awˬ nu gʼuiˬsha teˇ hpaˍ hta‸ tuˉ tanˇ piˇ ve pa taw, kawˆ tuˬ dawˇ haˍ tuˬ awˬ ceuˬ oˇ ve teˇ hpaˍ nawˬ hui awˬ hkʼoˆ gaˬ la ve yoˬ, teh‸ ngaˬ yawˇ hui hta‸ kʼoˆ piˇ ve yoˬ.
24
Eˇjiˇtu‸ mvuhˇmiˬ hkʼaw ca hpaw chehˇ taˍ ve chaw oˇ ve teˇ hpaˍ awˬ lawn Iˉsaˍreˍlaˆ ve Gʼuiˬsha kʼoˆ laˇ ve tawˇ teˇ hpaˍ, ngaˬ yawˇ hui hta‸ kʼoˆ piˇ ve yoˬ.
25
Nawˬ hui leh nawˬ hui ve awˬ miˇ ma teˇ hpaˍ lehˬ, Mvuhˇ naw ma ve jawˇmawˇ ma hta‸ ka ti‸ te da‸ taˍ peuˬ ve yoˬ. Nawˬ hui lehˬ, gʼuiˬsha ma oˇ ve hta‸ tuˉ tanˇ piˇ tuˬ ka ti‸ te taˍ peuˬ ve yoˬ. Nawˬ hui ka ti‸ te taˍ peuˬ ve hkʼe, hkʼa deh‸ te kʼai loˬ.
26
Ya‸ hkʼaˇ, Eˇjiˇtu‸ mvuhˇmiˬ hkʼaw ca hpaw chehˇ taˍ ve nawˬ hui Iˉsaˍreˍlaˆ chaw hui hta‸ ngaˬ ka ti‸ te laˇ chehˇ ve hta‸ htawˇ na taˍ sheˍ. Gʼuiˬsha ve awˬ meh hta‸ cuˇ leh hkanˍ ve yoˬ, teh‸ nawˬ hui teˇ pawˆ ka‸ gʼa kʼaw‸ kʼoˆ tuˬ ve maˇ heˆ.
27
Nawˬ hui uiˍ la da‸ la tuˬ ve maˇ heˆ. Luˬ kʼai sheˆ kʼai tuˬ yoˬ. Nawˬ hui lehˬ, ma‸ bawˆ ve leh meu‸ ve kaˆ ve hkʼaw gʼa suh-e tuˬ yoˬ. Teˇ gʼaˇ ka‸ gʼa te‸ chehˇ taˉ tuˬ ve maˇ heˆ.
28
Nawˬ hui awˬ hkʼaw lo ve chaw a ciˉ ceh tiˉ Yuˇda‸ mvuhˇmiˬ lo gʼa kʼaw‸ kʼo‸-e tuˬ yoˬ. Oˇ htaˇ, te‸ chehˇ taˉ sheˍ ve chaw oˇ ve teˇ hpaˍ lehˬ, ngaˬ kʼoˆ ve tawˇ cawˇ naˍ, maˇ heˆ leh nawˬ hui kʼoˆ ve tawˇ cawˇ naˍ, yawˇ hui hkʼa deh‸ shiˍ la tuˬ yoˬ.
29
Choˬ kaˬ lo chehˇ taˍ ve chaw hui hta‸ ngaˬ ciˍ yanˍ piˇ tuˬ yoˬ, teh‸ ngaˬ kʼoˆ taˍ ve tawˇ chi awˬ tehˬ awˬ na biˇ la tuˬ, shaˉ hkiˆ chi hkʼe cawˬ ve yoˬ.
30
Yuˇda‸ jawˇmawˇ Zeˍdaˍkiˆ hta‸ Baˍbuˍlonˍ jawˇmawˇ Neˍbuˍhkaˍneˍzaˍ ve la‸ sheh hkʼaw lo ngaˬ chiˇ a‸ piˇ ve hkʼe, Eˇjiˇtu‸ jawˇmawˇ Hawˇhpaˍraˆ hta‸ htawˇ, ngaˬ yawˇ ve la‸ sheh hkʼaw lo chiˇ a‸ piˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52