bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 26
Jeremiah 26
Lahu Bible Edited © Thailand Bible Society and Bible Society of Myanmar, 2010, 2020.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 27 →
1
Yawˇsiˆ ve yaˇ Yawˇyaˍkenˍ, Yuˇda‸ mvuhˇmiˬ ve jawˇmawˇ lonˉ hpeh‸ la peuˬ hkʼaw‸ nawˉ maˇ maw maw, Gʼuiˬsha ngaˬ hta‸ chi hkʼe kʼoˆ laˇ ve yoˬ.
2
Bon yehˬ hkʼaw huˉ taˍ leh, oˇ kaˬ lo oˉ kʼoˍ ca pui la ve Yuˇda‸ chaw teˇ hpaˍ hta‸, ngaˬ ve tawˇ hkʼa peu-eˬ kʼoˆ maˍ piˇ-oˆ. Teˇ ceuˬ ka‸ taˇ teh taˉ.
3
Oˇ hkʼe te ve kʼo, yawˇ hui ngaˬ ve tawˇ hta‸ na yuˬ leh, haiˬ ve kanˉ hta‸ baˬ taˉ tuˬ yoˬ hehˉ. Yawˇ hui venˇbaˆ dawˇ hpfuhˆ ve kʼo, ngaˬ ve nyi ma hta‸ kʼaw‸ pa leh, yawˇ hui hta‸ te luˬ piˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
4
Gʼuiˬsha ngaˬ hta‸ chi hkʼe kʼaw‸ kʼoˆ tcuh laˇ ve yoˬ.
5
Ngaˬ ve tawˇ hta‸ na yuˬ tuˬ maˇ kʼoˆ, ngaˬ peu laˇ taˍ ve tcuh kaˍ paˍ teˇ hpaˍ ve tawˇ hta‸ na yuˬ tuˬ maˇ kʼoˆ, ngaˬ nawˬ hui hta‸ kʼoˆ piˇ taˍ peuˬ ve yoˬ. Ya‸ hkʼaˇ, yawˇ hui kʼoˆ ve tawˇ hta‸ nawˬ hui maˇ na yuˬ.
6
Nawˬ hui maˇ na yuˬ ve kʼo, Shiˉlonˍ venˇ hta‸ te piˇ ve hkʼe, bon yehˬ chi hta‸ htawˇ ngaˬ oˇ hkʼe te piˇ tuˬ yoˬ. Venˇ chi ve lehˬ, miˬguiˬ chaw ceuˬ teˇ hpaˍ hkʼa mvuhˇ hkʼa na kʼoˆ guiˇ tuˬ ve venˇ hpeh‸ la tuˬ yoˬ, teh‸ Gʼuiˬsha kʼoˆ ve yoˬ.
7
Bon yehˬ hkʼaw lo, ngaˬ chi hkʼe kʼoˆ chehˇ ve tawˇ hta‸, paw hkuˇ teˇ hpaˍ, tcuh kaˍ paˍ teˇ hpaˍ leh chaw yaˇ teˇ hpaˍ gʼa kaˇ ve yoˬ.
8
Gʼuiˬsha ngaˬ hta‸ kʼoˆ tcuh laˇ ve tawˇ teˇ hpaˍ hta‸ ngaˬ kʼoˆ peuˬ ve teˇ yanˇ, yawˇ hui ngaˬ hta‸ hpeh yuˬ leh, Nawˬ lehˬ suh keunˍ ve yoˬ.
9
Aˬ hto‸ ma pa taw, Gʼuiˬsha ve awˬ meh awˬ hkʼaw lo bon yehˬ chi lehˬ, Shiˉlonˍ venˇ hkʼa shuˍ hpeh‸ la tuˬ yoˬ, teh‸ kʼoˆ leh, venˇ chi htawˇ luˬ kʼai tuˬ yoˬ, teh‸ kʼoˆ ve le, teh‸ ngaˬ hta‸ kʼoˆ laˇ ve yoˬ. Oˇ htaˇ chaw moˍ lonˉ ngaˬ paˇ lo hpoˆ laˬ ve yoˬ.
10
Hpeh‸ la peuˬ ve awˬ lawn chi teˇ hpaˍ hta‸ Yuˇda‸ chaw awˬ hoˉ awˬ naˬ teˇ hpaˍ gʼa kaˇ ve teˇ yanˇ, yawˇ hui bon yehˬ lo gʼuiˇ laˬ leh, yehˬmiˉhpe‸ paˇ lo chehˇ taˍ ve yoˬ.
11
Oˇ htaˇ, paw hkuˇ leh tcuh kaˍ paˍ teˇ hpaˍ, awˬ hoˉ awˬ naˬ oˇ ve teˇ hpaˍ hta‸ tawˇ yaw piˇ leh kʼoˆ ve, Chi hpaˇ hta‸ tiˇ pehˍ cawˇ ve yoˬ. Awˬ lawn kʼo, yawˇ nawˬ hui ve venˇ hta‸ hkʼa mvuhˇ hkʼa na kʼoˆ ve yoˬ. Awˬ lawn chi hta‸ nawˬ hui htawˇ gʼa kaˇ taˍ peuˬ ve yoˬ, teh‸ kʼoˆ piˇ ve yoˬ.
12
Oˇ htaˇ, ngaˬ yawˇ hui hta‸ chi hkʼe kʼoˆ piˇ ve yoˬ. Bon yehˬ chi ve leh venˇ chi ve awˬ lawn, Gʼuiˬsha ngaˬ hta‸ kʼoˆ tcuh laˇ ve tawˇ hta‸ nawˬ hui hkʼa peu-eˬ gʼa kaˇ taˍ ve yoˬ.
13
Nawˬ hui dawˇ chehˇ te chehˇ ve teˇ hpaˍ hta‸ kʼaw‸ pa leh, Gʼuiˬsha ve tawˇ hta‸ na yuˬ yanˇ gaˬ peuˬ. Nawˬ hui oˇ hkʼe te ve kʼo, Gʼuiˬsha nyi ma kʼaw‸ pa leh, nawˬ hui hta‸ te luˬ laˇ tuˬ ve maˇ heˆ.
14
Ngaˬ ve awˬ to lehˬ, chi beu‸ nawˬ hui ve la‸ sheh hkʼaw gaˬ taˍ peuˬ. Nawˬ hui te gaˇ ve hkʼe te laˇ-oˆ.
15
Ya‸ hkʼaˇ, chi ve hta‸ hkʼa deh‸ shiˍ-o‸. Nawˬ hui ngaˬ hta‸ tiˇ pehˍ laˇ ve kʼo, nawˬ hui lehˬ te‸ chiˉ venˇbaˆ maˇ cawˬ ve chaw hta‸ tiˇ pehˍ chehˇ ve yoˬ. Awˬ vuiˬ chi ve nawˬ hui awˬ hkʼoˆ lo gaˬ la tuˬ yoˬ. Awˬ lawn kʼo, nawˬ hui hta‸ shaˍ ti‸ piˇ tuˬ, Gʼuiˬsha ngaˬ hta‸ peu laˇ taˍ ve yoˬ, teh‸ yawˇ hui hta‸ kʼoˆ piˇ ve yoˬ.
16
Oˇ htaˇ, awˬ hoˉ awˬ naˬ teˇ hpaˍ lehˬ, Chaw chi hpaˇ ngaˬ hui hta‸ Gʼuiˬsha ve awˬ meh hkʼaw tawˇ yaw laˇ chehˇ ve yoˬ. Yawˇ hta‸ tiˇ pehˍ maˇ cawˇ, teh‸ paw hkuˇ leh tcuh kaˍ hui hta‸ kʼoˆ piˇ ve yoˬ.
17
Oˇ ve hkʼaw‸ nawˉ, awˬ hoˉ awˬ naˬ teˇ hpaˍ tu la leh, oˇ kaˬ lo hpawnˬ da‸ chehˇ ve chaw hui hta‸ tawˇ yaw piˇ leh kʼoˆ ve,
18
Yuˇda‸ mvuhˇmiˬ hta‸ jawˇmawˇ Heˍsaˍkiˆ uˉ peunˍ chehˇ ve teˇ yanˇ, Mawˇreˍshaˆ venˇ yaˇ tcuh kaˍ paˍ Miˆhkaˍ tawˆ la leh, chaw yaˇ teˇ hpaˍ hta‸ Gʼuiˬsha ve tawˇ chi hkʼe kʼoˆ piˇ jaw ve yoˬ. Ziˉonˍ venˇ lehˬ, ti mi hkʼa shuˍ mehˇ ve hta‸ gʼa hkanˍ tuˬ yoˬ. Yeˍruˆsaˍlehnˍ venˇ luˬ kʼai leh, bon yehˬ te taˍ ve hkʼaw pui chi ve lehˬ, hteunˍ lonˉ hpeh‸ la tuˬ yoˬ, teh‸ kʼoˆ jaw ve yoˬ.
19
Jawˇmawˇ Heˍsaˍkiˆ leh Yuˇda‸ chaw hui lehˬ, Miˆhkaˍ hta‸ maˇ tiˇ pehˍ piˇ. Heˍsaˍkiˆ lehˬ Gʼuiˬsha hta‸ kawˆ jaˇ leh, Gʼuiˬsha a loˍ cawˇ ve kanˉ hta‸ kʼaw‸ te ve yoˬ. Hkʼe te leh, Gʼuiˬsha nyi ma kʼaw‸ pa leh, yawˇ hui hta‸ maˇ kʼaw‸ te luˬ piˇ ve yoˬ. Chi beu‸ ngaˬ hui ka‸, a shu yawˇ awˬ to hkʼoˆ lo luˬ ve sheˆ ve awˬ ceuˬ gaˬ la piˇ tuˬ te chehˇ taˍ ve yoˬ, teh‸ yawˇ hui hta‸ kʼoˆ piˇ ve yoˬ.
20
(Kiˇriˇyaˆyaˍrenˍ venˇ hkʼaw chehˇ ve, Sheˍmaˍriˆ ve yaˇ Uˇriˇya‸ htawˇ, Yeˍraˍmiˆ hkʼa shuˍ Gʼuiˬsha ve awˬ meh awˬ hkʼaw lo, venˇ chi awˬ lawn kʼoˆ jaw ve yoˬ.
21
Jawˇmawˇ Yawˇyaˍkenˍ leh yawˇ ve ma‸ poˍ lonˉ teˇ hpaˍ, Uˇriˇya‸ ve tawˇ hta‸ gʼa kaˇ htaˇ, jawˇmawˇ yawˇ hta‸ tiˇ pehˍ gaˇ ve yoˬ. Awˬ lawn chi hta‸ Uˇriˇya‸ gʼa kaˇ ve teˇ yanˇ, yawˇ kawˆ jaˇ leh Eˇjiˇtu‸ mvuhˇmiˬ lo hpaw-e ve yoˬ.
22
Hkʼe te leh, jawˇmawˇ Yawˇyaˍkenˍ lehˬ Uˇriˇya‸ hta‸ ca hpeh yuˬ tuˬ Aˍhkaˍbawˇ ve yaˇ Eˇlaˍnaˍtanˍ leh awˬ nu ve chaw hui hta‸ Eˇjiˇtu‸ mvuhˇmiˬ lo kʼai tcuh ve yoˬ.
23
Yawˇ hui yawˇ hta‸ jawˇmawˇ Yawˇyaˍkenˍ geh shiˍ kʼaw‸ la ve teˇ yanˇ, jawˇmawˇ yawˇ hta‸ tiˇ pehˍ leh, chaw tuˍ hpfuh lo ca yuˬ baˬ ve yoˬ.)
24
Ya‸ hkʼaˇ, Shaˍhpanˍ ve yaˇ Aˍhiˆkanˍ ngaˬ hpawˇ lo chehˇ leh shaˉ hkiˆ hkanˍ laˇ chehˇ ve pa taw, yawˇ hui ngaˬ hta‸ maˇ tiˇ pehˍ laˇ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52