bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 38
Jeremiah 38
Lahu Bible Edited © Thailand Bible Society and Bible Society of Myanmar, 2010, 2020.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
1
Gʼuiˬsha kʼoˆ laˇ ve tawˇ chi teˇ hpaˍ, ngaˬ chaw yaˇ hui hta‸ kʼoˆpiˇ chehˇ ve hta‸ Maˍtaˍ ve yaˇ Sheˍhpaˍtiˆ, Paˍshuˇraˆ ve yaˇ Geˍdaˍliˆ, Sheˍlaˍmiˆ ve yaˇ Yeˍhuˇkaˍlaˆ leh Maˍkaˍhkiˆyaˆ ve yaˇ Paˍshuˇraˆ hui gʼa kaˇ ve yoˬ.
2
Gʼuiˬsha kʼoˆ ve, Venˇ chi hkʼaw chehˇ taˍ ve chaw lehˬ, ma‸ bawˆ ve, meu‸ ve kaˆ ve leh naˬ beuˬ gaˬ ve pa taw gʼa suh-e tuˬ yoˬ. Ya‸ hkʼaˇ, Baˍbuˍlonˍ chaw hui geh kʼai leh a shu yawˇ ve la‸ caˉ ca ya‸ piˇ ve chaw lehˬ a sha‸ gʼa ponˬ tuˬ yoˬ.
3
Awˬ lawn kʼo, venˇ chi ve hta‸ ngaˬ Baˍbuˍlonˍ chaw hui ve la‸ sheh hkʼaw lo chiˇ a‸ piˇ leh, yawˇ hui lehˬ venˇ chi hta‸ aˬ miˍ tuˉ baˬ piˇ tuˬ yoˬ, teh‸ Gʼuiˬsha kʼoˆ ve yoˬ.
4
Oˇ htaˇ, awˬ hoˉ awˬ naˬ oˇ ve teˇ hpaˍ jawˇmawˇ geh kʼai leh, Chaw chi hpaˇ hta‸ tiˇ pehˍ cawˇ ve yoˬ. Awˬ lawn kʼo, yawˇ lehˬ ma‸ yaˇ teˇ hpaˍ leh mvuhˇmiˬ yaˇ nyi ma luˬ tuˬ, tawˇ laiˉ ceuˬ ca yaw piˇ chehˇ ve yoˬ. Yawˇ lehˬ, chaw yaˇ hui awˬ gʼaˇ cawˬ la tuˬ ve tawˇ hta‸ maˇ yaw. Yawˇ hui nyi ma luˬ tuˬ tiˉ kʼoˆ piˇ chehˇ ve yoˬ, teh‸ jawˇmawˇ hta‸ ca kʼoˆ piˇ ve yoˬ.
5
Oˇ htaˇ, jawˇmawˇ Zeˍdaˍkiˆ lehˬ, Nawˬ hui te gaˇ ve hkʼe te-o. Ngaˬ te‸ chiˉ tawˍ taˍ tuˬ maˇ cawˬ, teh‸ yawˇ hui hta‸ kʼoˆ piˇ ve yoˬ.
6
Hkʼe te leh, yawˇ hui ngaˬ hta‸ hawˉ yehˬ paˇ lo cawˬ ve Maˍlaˍhkiˆyaˆ ve nanˬ bawˍ hkʼaw yuˬ keu laˇ ve yoˬ. Naˬ bawˍ oˇ ve hkʼaw iˉ kaˆ maˇ cawˬ. Je‸ nehˆ tiˉ cawˬ ve yoˬ.
7
Ngaˬ hta‸ nanˬ bawˍ hkʼaw lo yuˬ keu taˍ ve awˬ hkawˇ hta‸, hawˉ yehˬ hkʼaw kanˉ te chehˇ ve Ehˇtaˍyoˇpiˆ chaw awˬ tawnˇ paˍ Eˇbaˆdaˍmeˍlehˆ gʼa kaˇ ve yoˬ. Oˇ htaˇ jawˇmawˇ lehˬ, Beˍyaˍmenˍ taˍ meu‸ hpe‸ lo chehˇ taˍ ve yoˬ.
8
Hkʼe te leh, Eˇbaˆdaˍmeˍlehˆ jawˇmawˇ geh kʼai leh, yawˇ hta‸ chi hkʼe ca kʼoˆ piˇ ve yoˬ.
9
Jawˇmawˇ-oˬ, chaw chi teˇ hpaˍ te ve kanˉ lehˬ ya‸ jaˇ ve yoˬ. Yawˇ hui Yeˍraˍmiˆ hta‸ nanˬ bawˍ hkʼaw lo yuˬ keu piˇ taˍ ve yoˬ. Oˇ kaˬ lo yawˇ meu‸ suh kaˆ suh-e tuˬ yoˬ. Awˬ lawn kʼo, venˇ hkʼaw lo hkaoˍmonˇ maˇ cawˬ-o, teh‸ yawˇ hta‸ kʼoˆpiˇ ve yoˬ.
10
Hkʼe te leh, jawˇmawˇ lehˬ ngaˬ maˇ suh sheˍ gʼuˇ suhˍ chaw shehˆ gʼaˇ hta‸ shiˍ veu leh ngaˬ hta‸ ca gʼawˬ tawˆ piˇ tuˬ, Eˇbaˆdaˍmeˍlehˆ hta‸ tawˇ piˇ ve yoˬ.
11
Oˇ htaˇ, Eˇbaˆdaˍmeˍlehˆ hawˉ yehˬ lo kʼo‸-e leh, veu‸ kʼaˇ awˬ piˍ teˇ hpaˍ ca yuˬ peuˬ hkʼaw‸ nawˉ ngaˬ geh laˬ ve yoˬ. Veu‸ kʼaˇ awˬ piˍ oˇ ve teˇ hpaˍ hta‸ aˉ hkeh hpeh leh ngaˬ geh ce peu laˇ ve yoˬ.
12
Yawˇ hui ngaˬ hta‸ gʼawˬ tawˆ laˇ ve teˇ yanˇ, ngaˬ maˇ gʼa naˬ tuˬ, veu‸ kʼaˇ awˬ piˍ oˇ ve teˇ hpaˍ ngaˬ ve la‸ kʼaˉ hawˉ nuˆ taˍ tuˬ, ngaˬ hta‸ kʼoˆ laˇ ve yoˬ. Yawˇ hui kʼoˆ ve hkʼe ngaˬ te ve yoˬ.
13
Hkʼe te leh, yawˇ hui ngaˬ hta‸ nanˬ bawˍ hkʼaw gʼawˬ tawˆ laˇ ve yoˬ. Oˇ ve hkʼaw‸ nawˉ, yawˇ hui ngaˬ hta‸ shaˉ nanˉ hkʼaw chehˇ tcuh taˍ laˇ ve yoˬ.
14
Awˬ hkʼaw‸ nawˉ teˇ pawˆ, jawˇmawˇ Zeˍdaˍkiˆ ngaˬ hta‸ bon yehˬ paˇ lo kuˬ yuˬ leh, Ngaˬ nawˬ hta‸ teˇ ceuˬ na nyi gaˇ ve yoˬ. Te‸ chiˉ taˇ faˉ taˍ. Hteˇ lehˍ hto laˇ-oˆ, teh‸ ngaˬ hta‸ kʼoˆ laˇ ve yoˬ.
15
Ngaˬ nawˬ hta‸ hteˇ lehˍ hto piˇ kʼo, nawˬ ngaˬ hta‸ tiˇ pehˍ laˇ tuˬ yoˬ. Ngaˬ nawˬ hta‸ dawˇ hkʼaˇ piˇ ve kʼo ka‸, nawˬ na yuˬ tuˬ ve maˇ heˆ, teh‸ ngaˬ yawˇ hta‸ kʼaw‸ yaw hkʼaw‸ piˇ ve yoˬ.
16
Oˇ htaˇ, jawˇmawˇ Zeˍdaˍkiˆ chi hkʼe kʼoˆ ve yoˬ. Ngaˬ nawˬ hta‸ maˇ tiˇ pehˍ taˬ. Nawˬ hta‸ tiˇ pehˍ gaˇ chehˇ ve chaw hui ve la‸ sheh hkʼaw lo htawˇ, ngaˬ nawˬ hta‸ chiˇ a‸ laˇ tuˬ ve maˇ heˆ, teh‸ ngaˬ hui hta‸ te‸ chehˇ tcuh laˇ ve Gʼuiˬsha hta‸ cuˇ leh ngaˬ ka ti‸ te ve yoˬ, teh‸ ngaˬ hta‸ kʼoˆ laˇ ve yoˬ.
17
Hkʼe te leh, Iˉsaˍreˍlaˆ ve Gʼuiˬsha kʼoˆ taˍ ve tawˇ hkʼa peu-eˬ, yawˇ hta‸ hto‸ piˇ ve yoˬ. Nawˬ Baˍbuˍlonˍ chaw hui hta‸ la‸ caˉ ya‸ piˇ ve kʼo, nawˬ a sha‸ gʼa ponˬ leh, venˇ chi ve hta‸ htawˇ yawˇ hui aˬ miˍ tuˉ baˬ piˇ tuˬ ve maˇ heˆ. Nawˬ leh nawˬ ve miˇ yaˇ hkʼa peu-eˬ a sha‸ gʼa ponˬ tuˬ yoˬ.
18
Nawˬ la‸ caˉ maˇ ya‸ ve kʼo, venˇ chi ve hta‸ ngaˬ Baˍbuˍlonˍ chaw hui ve la‸ sheh hkʼaw lo chiˇ a‸ piˇ tuˬ yoˬ. Yawˇ hui lehˬ, venˇ chi hta‸ aˬ miˍ tuˉ baˬ leh nawˬ htawˇ gʼa ponˬ tuˬ ve maˇ heˆ, teh‸ yawˇ hta‸ kʼoˆ piˇ ve yoˬ.
19
Oˇ htaˇ jawˇmawˇ lehˬ, Baˍbuˍlonˍ chaw hui geh la‸ caˉ ca ya‸ taˍ peuˬ ve ngaˬ hui ve chaw teˇ hpaˍ hta‸ ngaˬ kawˆ jaˇ ve yoˬ. Yawˇ hui ngaˬ hta‸ fawˉ mehˍ laˇ tuˬ yoˬ, teh‸ ngaˬ hta‸ kʼoˆ laˇ ve yoˬ.
20
Ngaˬ yawˇ hta‸ kʼaw‸ yaw hkʼaw‸ leh kʼoˆ piˇ ve, Nawˬ hta‸ yawˇ hui ve la‸ sheh hkʼaw lo chiˇ a‸ piˇ tuˬ ve maˇ heˆ. Gʼuiˬsha kʼoˆ ve tawˇ hta‸ na sheˍ. Oˇ hkʼe te ve kʼo, nawˬ ve a sha‸ gʼa ponˬ tuˬ yoˬ.
21
Nawˬ la‸ caˉ maˇ ya‸ ve kʼo, hkʼaˬ hkʼe hpeh‸ la tuˬ ve, awˬ ha awˬ hkʼaw lo Gʼuiˬsha ngaˬ hta‸ kʼoˆ laˇ taˍ peuˬ.
22
Awˬ ha oˇ ve awˬ hkʼaw lo, Yuˇda‸ chaw hui ve hawˉ yehˬ hkʼaw chehˇ taˍ ve yaˇ miˇ teˇ hpaˍ hta‸ Baˍbuˍlonˍ chaw hui shiˍ tawˆ-e chehˇ ve hta‸ ngaˬ gʼa mawˬ ve yoˬ. Yawˇ hui tawˆ-e chehˇ htaˇ, kʼa chehˇ ve kʼa muiˬ hkawˇ hta‸ na sheˍ. Jawˇmawˇ ve da‸ jaˇ ve awˬ chawˇ teˇ hpaˍ lehˬ, jawˇmawˇ hta‸ ya‸ kʼaw sheh ya‸ piˇ leh, yawˇ hta‸ je‸ nehˆ hkʼaw kʼa piˇ lawˬ ve yoˬ. Yawˇ ve awˬ chawˇ teˇ hpaˍ yawˇ hta‸ chiˇ baˬ taˉ peuˬ, teh‸ kʼa chehˇ ve yoˬ.
23
Nawˬ ve miˇ yaˇ hkʼa peu-eˬ ve hta‸ Baˍbuˍlonˍ mvuhˇmiˬ lo shu shiˍ kʼai tuˬ yoˬ. Nawˬ hta‸ ka‸ Baˍbuˍlonˍ jawˇmawˇ hpeh yuˬ leh, venˇ chi hta‸ aˬ miˍ tuˉ baˬ tuˬ yoˬ, teh‸ yawˇ hta‸ kʼoˆ piˇ ve yoˬ.
24
Oˇ htaˇ, Zeˍdaˍkiˆ lehˬ, Ngaˬ huiˉ maˬ chi hkʼe na‸ uˉ hkʼawˇ te da‸ ve awˬ lawn chaw teˇ gʼaˇ hta‸ ka‸ taˇ shiˍ tcuh. Oˇ hkʼe te ve kʼo, nawˬ te‸ chiˉ dawˇ haˍ tuˬ maˇ cawˬ.
25
Ngaˬ ve a ma‸ lonˉ teˇ hpaˍ, ngaˬ nawˬ hta‸ tawˇ ca yaw da‸ taˉ peuˬ ve awˬ lawn gʼa shiˍ kʼo, ngaˬ huiˉ maˬ aˬ hto‸ ma kʼoˆ da‸ ve awˬ lawn yawˇ hui nawˬ hta‸ ca na la tuˬ yoˬ. Nawˬ hteˇ lehˍ hto piˇ ve kʼo, nawˬ hta‸ maˇ tiˇ pehˍ taˬ, teh‸ yawˇ hui ka ti‸ te laˇ tuˬ yoˬ.
26
Yawˇ hui oˇ hkʼe ca na la ve kʼo, Htawnˍ hkʼaw maˇ kʼaw‸ yuˬ keu laˇ tuˬ, nawˬ ngaˬ hta‸ ca lawˬ hkawˉ la ve yoˬ, teh‸ yawˇ hui hta‸ kʼoˆ piˇ-oˆ, teh‸ ngaˬ hta‸ kʼoˆ laˇ ve yoˬ.
27
Oˇ ve hkʼaw‸ nawˉ, a ma‸ lonˉ teˇ hpaˍ ngaˬ hta‸ ca na nyi la ve yoˬ. Jawˇmawˇ kʼoˆ laˇ taˍ ve hkʼe, ngaˬ yawˇ hui hta‸ kʼoˆ piˇ ve yoˬ. Jawˇmawˇ ngaˬ huiˉ maˬ na‸ uˉ te da‸ chehˇ ve hta‸ ca jaˆ na chehˇ ve chaw teˇ gʼaˇ ka‸ maˇ cawˬ ve pa taw, yawˇ hui te‸ chiˉ kʼaw‸ te maˇ gʼa.
28
Yeˍruˆsaˍlehnˍ venˇ canˇ paˍ hui ve la‸ sheh hkʼaw lo gaˬ htaˇ hkʼa gaˬ, yawˇ hui ngaˬ hta‸ hawˉ yehˬ hkʼaw tiˉ haw taˍ laˇ ve yoˬ.
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52