bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 5
Jeremiah 5
Lahu Bible Edited © Thailand Bible Society and Bible Society of Myanmar, 2010, 2020.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
1
Gʼuiˬsha kʼoˆ ve, Yeˍruˆsaˍlehnˍ venˇ yaˇ teˇ hpaˍ-oˬ, venˇ hkʼaw ya‸ kʼaw teˇ hpaˍ hta‸ ca toˇ nyi-o. Tcuh hkʼaw lo htawˇ ca toˇ nyi-o. Ka ti‸ yeˬ leh, hteˇ ve cawˇ ve kanˉ hta‸ te ve chaw teˇ gʼaˇ gʼaˇ cawˬ leh naˍ, ca caw nyi-o. Oˇ hkʼe ve chaw teˇ gʼaˇ gʼaˇ cawˬ ve kʼo, ngaˬ lehˬ Yeˍruˆsaˍlehnˍ venˇ hta‸ ponˬ piˇ tuˬ yoˬ.
2
Ngaˬ hui lehˬ Gʼuiˬsha hta‸ tiˉ oˉ kʼoˍ pui tuˬ yoˬ, teh‸ kʼoˆ ve htawˇ, nawˬ hui kʼoˆ taˍ ve hkʼe maˇ te.
3
Gʼuiˬsha lehˬ, awˬ tehˬ awˬ na ka ti‸ yeˬ ve chaw hta‸ ca nyi chehˇ ve yoˬ. Yawˇ nawˬ hui hta‸ dawˆ ve htawˇ, nawˬ hui maˇ na yuˬ. Yawˇ nawˬ hui hta‸ deˇ maˍ piˇ ve htawˇ, nawˬ hui nyi ma maˇ pa. Nawˬ hui lehˬ kʼaˍ jaˇ leh, venˇbaˆ maˇ dawˇ hpfuhˆ puiˉ.
4
Oˇ htaˇ ngaˬ chi hkʼe dawˇ ve, Chaw chi teˇ hpaˍ lehˬ, kʼaˍ jaˇ tehˬ ve yoˬ. Yawˇ hui maˇ heˆ heˆ ve kanˉ hta‸ tiˉ te chehˇ ve yoˬ. Yawˇ hui Gʼuiˬsha ve a loˍ hta‸ maˇ shiˍ.
5
Kanˇ paˆ cawˬ ve chaw hui hta‸ ngaˬ tawˇ ca yaw piˇ nyi shaˍ. Oˇ hkʼe te ve kʼo, yawˇ hui Gʼuiˬsha ve a loˍ hta‸ shiˍ la tuˬ yo hehˉ, teh‸ dawˇ ve yoˬ. Ya‸ hkʼaˇ, yawˇ hui hkʼa peu-eˬ Gʼuiˬsha ve tawˇ hta‸ maˇ na yuˬ.
6
Chi hta‸ pa taw, heh puiˉ hkʼaw lo laˇ caˬ shiˉ teˇ hpaˍ tawˆ la leh yawˇ hui hta‸ tiˇ pehˍ piˇ tuˬ yoˬ. Heh hpuiˇ teˇ hpaˍ tawˆ la leh, yawˇ hui hta‸ che‸ caˇ tuˬ yoˬ. Laˇ teˇ hpaˍ yawˇ hui ve venˇ paˇ lo chehˇ taˍ leh, venˇ hkʼaw tawˆ la ve chaw hui hta‸ tzuh‸ suhˍ piˇ tuˬ yoˬ. Awˬ lawn kʼo, yawˇ hui venˇbaˆ te maˇ jaˇ peuˬ leh, Gʼuiˬsha hta‸ laiˉ pawˆ chiˇ baˬ peuˬ ve pa taw yoˬ.
7
Gʼuiˬsha na nyi leh kʼoˆ ve, Aˬ hto‸ ma pa taw, ngaˬ ve chaw teˇ hpaˍ ve venˇbaˆ hta‸ ngaˬ gʼa hpehˇ piˇ tuˬ le. Awˬ lawn kʼo, yawˇ hui ngaˬ hta‸ baˬ taˉ leh maˇ heˆ heˆ ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Ngaˬ ve chaw teˇ hpaˍ caˇ bvuhˆ dawˬ bvuhˆ htaˇ hkʼa gaˬ, ngaˬ yawˇ hui hta‸ caˍ piˇ chehˇ ve yoˬ. Ya‸ hkʼaˇ, yawˇ hui haˉ chawˇ haˉ paˆ te leh, meh maˬ lanˉ hui geh ca chehˇ taˍ ve yoˬ.
8
Yawˇ hui lehˬ, caˇ bvuhˆ dawˬ bvuhˆ peuˬ leh awˬ shawˍ chaw gaˇ ve iˉ mvuhˇ awˬ paˍ hkʼa shuˍ hpeh‸ leh, shu miˇ ma hta‸ hkʼawˇ faˍ chehˇ ve yoˬ.
9
Yawˇ hui chi hkʼe te chehˇ ve pa taw, ngaˬ yawˇ hui hta‸ maˇ ciˍ yanˍ piˇ cawˇ laˇ. Chi hkʼe ve chaw hui hta‸ ngaˬ maˇ kʼaw‸ te hkʼaw‸ piˇ cawˇ laˇ.
10
Yawˇ hui ve a pehˉ meuˇ te teˇ hpaˍ hta‸ tawˆ cheˆ piˇ tuˬ, canˇ paˍ teˇ hpaˍ hta‸ ngaˬ peu laˇ tuˬ yoˬ. Ya‸ hkʼaˇ, hkʼa peu-eˬ ve hta‸ ngaˬ maˇ te luˬ tcuh. Yawˇ hui ngaˬ hta‸ maˇ kʼaw‸ caˉ da‸-o ve pa taw, awˬ kʼaˉ teˇ hpaˍ hta‸ tawˆ baˬ piˇ tuˬ, ngaˬ yawˇ hui hta‸ kʼoˆ piˇ tuˬ yoˬ.
11
Iˉsaˍreˍlaˆ chaw leh Yuˇda‸ chaw hui ngaˬ hta‸ baˬ taˉ peuˬ teh‸ Gʼuiˬsha kʼoˆ ve yoˬ.
12
Gʼuiˬsha ve chaw teˇ hpaˍ Gʼuiˬsha hta‸ chiˇ baˬ leh kʼoˆ ve, Yawˇ te‸ chiˉ te tuˬ ve maˇ heˆ. Ngaˬ hui haˍ ve hta‸ gʼa hpuˇ tuˬ ve maˇ heˆ. Ma‸ bawˆ ve hta‸ maˇ kʼoˆ, meu‸ ve kaˆ ve hta‸ maˇ kʼoˆ, ngaˬ hui gʼa hpuˇ tuˬ ve maˇ heˆ.
13
Tcuh kaˍ paˍ teˇ hpaˍ lehˬ mvuhˇ haw hkʼe hpeh‸ leh, yawˇ hui Gʼuiˬsha geh tawˇ gʼa kaˇ taˍ ve maˇ heˆ, teh‸ kʼoˆ ve yoˬ.
14
Gʼuiˬsha ngaˬ hta‸ chi hkʼe kʼoˆ laˇ ve yoˬ. Yeˍraˍmiˆ-oˬ, chaw chi teˇ hpaˍ chi hkʼe kʼoˆ ve pa taw, ngaˬ ve tawˇ hkawˇ aˬ miˍ hkʼa shuˍ nawˬ ve maw‸ kʼaw hkʼaw keu laˇ tuˬ yoˬ. Suhˆ hkʼe hpeh‸ ve chaw chi teˇ hpaˍ hta‸ aˬ miˍ to‸ baˬ tuˬ yoˬ.
15
Iˉsaˍreˍlaˆ chaw hui-oˬ, Gʼuiˬsha lehˬ nawˬ hui hta‸ ca bawˆ la tcuh tuˬ, vuiˇ ve mvuhˇmiˬ hkʼaw chehˇ ve chaw teˇ ceuˬ hta‸ shiˍ laˬ chehˇ ve yoˬ. Chaw chi teˇ ceuˬ lehˬ, aˬ sho-eˬ htaˇ ka‸ cawˬ taˍ ve chaw hpeh‸ leh, awˬ gʼaˇ uiˍ jaˇ ve yoˬ. Yawˇ hui ve tawˇ hta‸ nawˬ hui na gʼa tuˬ ve maˇ heˆ.
16
Yawˇ hui ve ma‸ yaˇ teˇ hpaˍ awˬ gʼaˇ uiˍ jaˇ leh, shu hta‸ ha kʼaˉ ve nyi ma maˇ cawˬ.
17
Yawˇ hui lehˬ, nawˬ hui ve caˇ tuˬ dawˬ tuˬ, nawˬ hui ve yaˇ paˍ yaˇ miˇ, nawˬ hui ve ceˇ caˬ leh nawˬ hui ve iˉ shiˍ cehˬ teˇ hpaˍ hta‸ caˇ baˬ peuˬ tuˬ yoˬ. Nawˬ hui gʼaˇ va chehˇ ve ta‸ yehˬ teˇ hpaˍ hta‸ htawˇ, yawˇ hui te luˬ tuˬ yoˬ.
18
Ya‸ hkʼaˇ, awˬ yanˇ oˇ ve awˬ hkʼaw lo, ngaˬ lehˬ ngaˬ ve chaw hkʼa peu-eˬ ve hta‸ te luˬ piˇ tuˬ ve maˇ heˆ.
19
Yeˍraˍmiˆ-oˬ, Aˬ hto‸ ma pa taw Gʼuiˬsha chi hkʼe te ve le, teh‸ shu na nyi laˇ ve kʼo, chi hkʼe kʼaw‸ yaw hkʼaw‸ piˇ-oˆ. Nawˬ hui Gʼuiˬsha hta‸ baˬ taˉ leh, awˬ nu ve gʼuiˬsha teˇ hpaˍ hta‸ oˉ kʼoˍ pui ve pa taw, nawˬ hui lehˬ shu ve mvuhˇmiˬ hkʼaw shu ve awˬ ceˬ gʼa te tuˬ yoˬ, teh‸ yawˇ hui hta‸ kʼoˆ piˇ-oˆ, teh‸ ngaˬ hta‸ kʼoˆ laˇ ve yoˬ.
20
Gʼuiˬsha kʼoˆ ve, Yaˍkoˆ ve awˬ ceuˬ awˬ hkʼaˇ Yuˇda‸ chaw hui hta‸ chi hkʼe kʼoˆ piˇ-oˆ.
21
Mehˆ shiˍ cawˬ ve htawˇ maˇ mawˬ puiˉ leh, naˍ paw cawˬ ve htawˇ maˇ kaˇ puiˉ ve chaw kʼaˍ teˇ hpaˍ-oˬ, hkʼa deh‸ na sheˍ.
22
Gʼuiˬsha nawˬ hui hta‸ chi hkʼe na nyi laˇ ve yoˬ. Aˬ hto‸ ma pa taw, nawˬ hui ngaˬ hta‸ maˇ kawˆ leh ngaˬ mehˆ gʼuˇ suhˍ lo cheˇ cheˇ veˆ veˆ maˇ te chehˇ ve le. Ngaˬ lehˬ, laˇ tsuhˇ gʼuiˬ hta‸ jiˆ kʼai maˇ gʼa tuˬ miˬ tcuhˉ tawˍ taˍ piˇ ve yoˬ. Gʼuiˬ baˇ uiˍ taˆ la gʼa ve htawˇ, miˬ tcuhˉ oˇ ve hta‸ ponˬ kʼai maˇ gʼa.
23
Ya‸ hkʼaˇ, nawˬ hui chaw yaˇ teˇ hpaˍ kʼaˍ jaˇ leh, ngaˬ hta‸ kʼaw‸ hpfuhˆ gaˇ ve nyi ma cawˬ ve yoˬ. Nawˬ hui ngaˬ hta‸ baˬ taˉ peuˬ.
24
Teˇ hkʼaw‸ le le ngaˬ mvuhˇ yeˬ laˬ piˇ lawˬ leh caˬ gʼeu‸ ve awˬ yanˇ piˇ taˍ ve htawˇ, nawˬ hui ngaˬ hta‸ bon uiˍ hkawˇ yaw tuˬ maˇ dawˇ nyi.
25
Chi hta‸ pa taw, da‸ ve awˬ bon chi teˇ hpaˍ ngaˬ nawˬ hui geh yuˬ tawˆ ve yoˬ. Nawˬ hui ve venˇbaˆ hta‸ pa taw, awˬ bon chi teˇ hpaˍ mehˉ kʼai ve yoˬ.
26
Haiˬ ve chaw teˇ hpaˍ ngaˬ ve chaw hui geh chehˇ taˍ ve yoˬ. Yawˇ hui lehˬ, pehˍ te leh ngaˆ htaw caˇ paˍ hkʼe law chehˇ taˍ ve yoˬ. Ya‸ hkʼaˇ, yawˇ hui ve pehˍ lehˬ chaw hta‸ htaw yuˬ tuˬ ve pehˍ hpeh‸ ve yoˬ.
27
Ngaˆ htaw paˍ lehˬ, miˉ chaw hkʼaw ngaˆ hkʼa biˇ doˆ taˍ ve hkʼe, yawˇ hui ve yehˬ hkʼaw lo, hkʼawˇ keu taˍ ve mawˇ hkʼa biˇ cawˬ ve yoˬ. Hkʼe te leh, yawˇ hui awˬ me‸ awˬ hponˇ cawˬ leh paw sha chehˇ ve yoˬ.
28
Chi hta‸ pa taw, yawˇ hui hkʼa bvuhˆ gʼa caˇ leh chu la chehˇ ve yoˬ. Yawˇ hui haiˬ ve kanˉ hta‸ te ve awˬ leh maˇ cawˬ. Suhˉ jehˬ kuiˬ hkʼaw yawˇ hui yaˇcuˬshi teˇ hpaˍ hta‸ maˇ ga piˇ. Fawˉ mehˍ ve hta‸ gʼa hkanˍ ve chaw hui hta‸ yawˇ hui maˇ ha kʼaˉ piˇ.
29
Yawˇ hui chi hkʼe te ve pa taw, ngaˬ yawˇ hui hta‸ ciˍ yanˍ piˇ tuˬ yoˬ. Chi hkʼe ve chaw hui hta‸ ngaˬ kʼaw‸ te hkʼaw‸ piˇ tuˬ yoˬ.
30
Kawˆ tuˬ uiˍ ve awˬ ceuˬ mvuhˇmiˬ chi hkʼaw hpeh‸ tawˆ la chehˇ taˍ peuˬ.
31
Tcuh kaˍ paˍ hui lehˬ heˍ chehˇ ve yoˬ. Paw hkuˇ teˇ hpaˍ lehˬ, tcuh kaˍ paˍ kʼoˆ ve hkʼe te chehˇ ve yoˬ. Chi hkʼe te ve hta‸ ngaˬ ve chaw teˇ hpaˍ nyi ma cawˇ chehˇ ve yoˬ. Ya‸ hkʼaˇ, awˬ leh meuˇ gaˬ kʼo, yawˇ hui hkʼaˬ hkʼe te tuˬ ve le.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52