bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 7
Jeremiah 7
Lahu Bible Edited © Thailand Bible Society and Bible Society of Myanmar, 2010, 2020.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
1
Oˇ ve hkʼaw‸ nawˉ, Gʼuiˬsha Yeˍraˍmiˆ hta‸ chi hkʼe kʼaw‸ kʼoˆ piˇ ve yoˬ.
2
Yuˇda‸ chaw hui oˉ kʼoˍ ca pui kuiˬ bon yehˬ taˍ meu‸ hpe‸ lo huˉ taˍ leh, yawˇ hui hta‸ chi hkʼe kʼoˆ piˇ-oˆ.
3
Iˉsaˍreˍlaˆ ve Gʼuiˬsha chi hkʼe kʼoˆ ve yoˬ. Nawˬ hui chehˇ ve cawˬ ve, te ve dawˇ ve kanˉ teˇ hpaˍ hta‸ kʼaw‸ pa-o. Oˇ hkʼe te ve kʼo, ngaˬ nawˬ hui hta‸ choˬ kaˬ lo kʼaw‸ chehˇ tcuh laˇ tuˬ yoˬ.
4
Gʼuiˬsha ve bon yehˬ choˬ kaˬ lo cawˬ taˍ ve pa taw, Gʼuiˬsha lehˬ Yeˍruˆsaˍlehnˍ venˇ hta‸ te luˬ tuˬ maˇ heˆ, teh‸ shu kʼoˆ laˇ ve tawˇ hta‸ taˇ yonˍ.
5
Nawˬ hui chehˇ ve cawˬ ve, te ve dawˇ ve kanˉ teˇ hpaˍ hta‸ kʼaw‸ pa-o. Teˇ gʼaˇ hta‸ teˇ gʼaˇ ha kʼaˉ da‸-o‸.
6
Hkehˉ chaw, yaˇcuˬshi, leh mehˇchawˇma teˇ hpaˍ hta‸ taˇ fawˉ mehˍ. Mvuhˇmiˬ chi ve hkʼaw te‸ chiˉ venˇbaˆ maˇ cawˬ ve chaw hui hta‸ taˇ tiˇ pehˍ. Awˬ nu ve gʼuiˬsha teˇ hpaˍ hta‸ oˉ kʼoˍ taˇ pui. Chi hkʼe te ve kʼo, nawˬ hui gʼa luˬ gʼa sheˆ tuˬ yoˬ.
7
Awˬ ceuˬ chi teˇ hpaˍ hta‸ nawˬ hui maˇ te ve kʼo, nawˬ hui ve awˬ puˍ awˬ pi hui hta‸ ngaˬ piˇ taˍ ve mvuhˇmiˬ chi hkʼaw, ngaˬ nawˬ hui hta‸ chehˇ tcuh laˇ tuˬ yoˬ.
8
Nyi sheˍ. Nawˬ hui lehˬ shu heˍ laˇ ve tawˇ hta‸ yonˍ chehˇ ve yoˬ.
9
Nawˬ hui lehˬ, shu mawˇ hkʼawˇ ve, chaw hta‸ tiˇ pehˍ ve, haˉ chawˇ haˉ paˆ te ve, maˇ heˆ heˆ ve shaˉ hkiˆ hkanˍ ve, Baˍlaˆ gʼuiˬsha hta‸ tuˉ tanˇ ve, leh nawˬ hui te‸ chiˉ maˇ shiˍ ve awˬ nu ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ.
10
Nawˬ hui lehˬ, ngaˬ canˇ ve kanˉ chi teˇ hpaˍ hta‸ te taˉ peuˬ hkʼaw‸ nawˉ, ngaˬ ve bon yehˬ hkʼaw laˬ leh, Ngaˬ hui gawˬ lehˍ gʼa chehˇ ve yoˬ, teh‸ kʼoˆ ve yoˬ.
11
Ngaˬ ve bon yehˬ chi lehˬ, chaw hkʼawˇ teˇ hpaˍ ca va‸ taˍ kuiˬ yoˬ, teh‸ nawˬ hui dawˇ ve laˇ. Nawˬ hui hkʼaˬ hkʼe te chehˇ ve hta‸ ngaˬ mawˬ chehˇ ve yoˬ.
12
Ngaˬ hta‸ oˉ kʼoˍ pui kuiˬ ngaˬ awˉ lawˉ peuˇ leuˆ yuˬ taˍ ve Shiˉlonˍ venˇ lo kʼai leh, ngaˬ ve Iˉsaˍ reˍlaˆ chaw teˇ hpaˍ venˇbaˆ te ve pa taw, venˇ oˇ ve hta‸ ngaˬ hkʼaˬ hkʼe te piˇ ve hta‸ ca nyi-o.
13
Nawˬ hui lehˬ, venˇbaˆ chi teˇ hpaˍ hta‸ te taˍ peuˬ ve yoˬ. Ngaˬ nawˬ hui hta‸ tawˇ teˇ pawˆ peuˬ teˇ pawˆ yaw piˇ taˍ peuˬ ve htawˇ, nawˬ hui maˇ na yuˬ. Ngaˬ nawˬ hui hta‸ kuˬ ve teˇ yanˇ, nawˬ hui ngaˬ hta‸ maˇ kʼaw‸ yaw hkʼaw‸ laˇ.
14
Chi hta‸ pa taw, Shiˉlonˍ venˇ hta‸ ngaˬ te piˇ ve hkʼe, nawˬ hui gʼaˇ va chehˇ ve ngaˬ ve bon yehˬ hta‸ htawˇ, ngaˬ oˇ hkʼe te piˇ tuˬ yoˬ.
15
Nawˬ hui ve awˬ viˉ awˬ nyi Eˇhpaˍrenˍ chaw hui hta‸ ngaˬ gʼa‸ kʼoˬ piˇ ve hkʼe, nawˬ hui hta‸ htawˇ gʼa‸ kʼoˬ laˇ tuˬ yoˬ, teh‸ Gʼuiˬsha kʼoˆ ve yoˬ.
16
Gʼuiˬsha kʼoˆ ve, Yeˍraˍmiˆ-oˬ, chaw chi teˇ hpaˍ awˬ pon bon taˇ lawˬ. Yawˇ hui awˬ pon nawˬ taˇ hawˬ. Ngaˬ hta‸ taˇ lawˬ hkawˉ. Ngaˬ na yuˬ laˇ tuˬ ve maˇ heˆ.
17
Yuˇda‸ ve venˇ teˇ hpaˍ leh Yeˍruˆsaˍlehnˍ venˇ hkʼaw lo, yawˇ hui hkʼaˬ hkʼe te chehˇ ve hta‸ nawˬ maˇ mawˬ laˇ.
18
Yaˇ ehˉ teˇ hpaˍ suhˆ gʼawˆ hpoˆ leh, hawˉ hkʼaˆ teˇ hpaˍ aˬ miˍ ceh ve yoˬ. Yaˇ miˇ teˇ hpaˍ hkaoˍmonˇ te leh, Mvuhˇ naw ma ve jawˇmawˇ ma, teh‸ kʼoˆ ve, gʼuiˬsha ma hta‸ tanˇ piˇ chehˇ ve yoˬ. Yawˇ hui ngaˬ hta‸ dawˇ haˍ piˇ lawˬ tuˬ, awˬ nu ve gʼuiˬsha teˇ hpaˍ hta‸ a pehˉ meuˇ gʼuiˬ tanˇ piˇ chehˇ ve yoˬ.
19
Dawˇ haˍ ve hta‸ awˬ tehˬ awˬ na gʼa hkanˍ chehˇ ve lehˬ, ngaˬ laˇ. Maˇ heˆ. Yawˇ hui yoˬ. Yawˇ hui lehˬ, a shu yawˇ ya‸ taw tuˬ te chehˇ ve yoˬ.
20
Chi hta‸ pa taw, ngaˬ Gʼuiˬsha lehˬ, bon yehˬ chi awˬ hkʼoˆ lo ngaˬ ve nyi ma zuhˆ ve teˇ ceuˬ hta‸ ngeuˍ pfuhˍ piˇ tuˬ yoˬ. Chaw yaˇ, to nuˇ to shaˆ, suhˆ cehˬ, leh caˬ cehˬ hkʼoˆ lo htawˇ ngeuˍ pfuhˍ piˇ tuˬ yoˬ. Ngaˬ nyi ma zuhˆ ve teˇ ceuˬ lehˬ, chaw teˇ gʼaˇ ka‸ shiˉ pehˍ maˇ gʼa ve aˬ miˍ hkʼe hpeh‸ ve yoˬ.
21
Ngaˬ ve chaw teˇ hpaˍ-oˬ, ngaˬ nawˬ hui hta‸ chi hkʼe kʼaw‸ kʼoˆ laˇ ve yoˬ. Nawˬ hui ve tuˉ tanˇ tuˬ teˇ hpaˍ hta‸ yuˬ baˬ-o‸.
22
Awˬ lawn kʼo, nawˬ hui ve awˬ puˍ awˬ pi teˇ hpaˍ hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ la piˇ chehˇ htaˇ, tuˉ tanˇ ve awˬ lawn ngaˬ yawˇ hui hta‸ te‸ chiˉ maˇ kʼoˆ maˍ piˇ taˍ.
23
Ngaˬ yawˇ hui ve Gʼuiˬsha hpeh‸ leh, yawˇ hui ngaˬ ve chaw hpeh‸ la tuˬ, ngaˬ ve tawˇ hta‸ hkʼa deh‸ na yuˬ-o‸, teh‸ yawˇ hui hta‸ kʼoˆ maˍ piˇ taˍ ve yoˬ. Yawˇ hui gawˬ lehˍ gʼa chehˇ tuˬ, ngaˬ kʼoˆ ve hkʼe te-o, teh‸ yawˇ hui hta‸ kʼoˆ piˇ taˍ ve yoˬ.
24
Ya‸ hkʼaˇ, yawˇ hui maˇ na yuˬ. A shu yawˇ a loˍ awˬ hkʼaˇ suh te kʼai leh, shaˬ te shaˬ haiˬ la ve yoˬ.
25
Nawˬ hui ve awˬ puˍ awˬ pi teˇ hpaˍ Eˇjiˇtu‸ mvuhˇmiˬ hkʼaw tawˆ la ve teˇ nyi hta‸ te leh ya‸ nyi hkʼa gaˬ, ngaˬ ve awˬ ceˬ tcuh kaˍ paˍ teˇ hpaˍ hta‸ nawˬ hui geh peu laˇ chehˇ ve yoˬ.
26
Ya‸ hkʼaˇ, nawˬ hui maˇ na yuˬ. Nawˬ hui kʼaˍ jaˇ leh, nawˬ hui ve awˬ puˍ awˬ pi teˇ hpaˍ a‸ kehˉ haiˬ jaˇ ve yoˬ.
27
Chi hta‸ pa taw, Yeˍraˍmiˆ-oˬ, tawˇ chi hkʼa peu-eˬ ngaˬ ve chaw teˇ hpaˍ hta‸ hto piˇ-oˆ. Ya‸ hkʼaˇ, yawˇ hui nawˬ ve tawˇ hta‸ na yuˬ tuˬ ve maˇ heˆ. Nawˬ yawˇ hui hta‸ kuˬ ve htawˇ, yawˇ hui kʼaw‸ yaw hkʼaw‸ laˇ tuˬ ve maˇ heˆ.
28
Chaw chi teˇ ceuˬ lehˬ, yawˇ hui ve Gʼuiˬsha maˍ piˇ ve tawˇ hta‸ na yuˬ tuˬ ve maˇ heˆ, teh‸ yawˇ hui hta‸ kʼoˆ piˇ-oˆ. Ka ti‸ yeˬ ve teˇ ceuˬ mehˉ kʼai peuˬ, teh‸ Gʼuiˬsha kʼoˆ ve yoˬ.
29
Yeˍruˆsaˍlehnˍ venˇ yaˇ teˇ hpaˍ-oˬ, dawˇ haˍ leh hkʼanˇ chehˇ-oˆ. Nawˬ hui ve uˉ hkeh mvuh hta‸ chiˇ baˬ-o‸. Hkʼaw pui teˇ hpaˍ hkʼoˆ taˆ-e leh, chaw suh htaˇ kʼa ve kʼa muiˬ hkawˇ kʼa chehˇ-oˆ. Awˬ lawn kʼo, ngaˬ lehˬ nyi ma zuhˆ jaˇ leh chaw chi teˇ hpaˍ hta‸ chiˇ baˬ peuˬ.
30
Yuˇda‸ chaw hui haiˬ ve kanˉ teˇ ceuˬ hta‸ te taˍ peuˬ. Yawˇ hui lehˬ, ngaˬ canˇ ve shaˉ ho‸ teˇ hpaˍ hta‸ yuˬ laˬ leh, ngaˬ ve bon yehˬ hkʼaw teh taˍ ve yoˬ.
31
Yawˇ hui lehˬ, Hiˆnonˍ miˬ tawˬ kuiˬ lo Tawˇ hpehˆ teh‸ kʼoˆ ve tuˉ tanˇ kuiˬ teˇ maˬ te leh, a shu yawˇ ve yaˇ paˍ yaˇ miˇ hui hta‸ tuˉ tanˇ chehˇ ve yoˬ. Yawˇ hui oˇ hkʼe ca te tuˬ ngaˬ teˇ pawˆ ka‸ maˇ kʼoˆ piˇ jaw. Dawˇ ka‸ maˇ dawˇ nyi jaw.
32
Chi hta‸ pa taw, chehˇ kuiˬ oˇ ve hta‸ Tawˇhpehˆ, maˇ heˆ kʼo Hiˆnonˍ lawˬ hkʼo‸ teh‸ maˇ gʼa kʼaw‸ kʼoˆ tuˬ awˬ yanˇ gaˬ la tuˬ yoˬ. Chehˇ kuiˬ oˇ ve, Chaw hta‸ tiˇ pehˍ kuiˬ, teh‸ kʼoˆ tuˬ yoˬ. Awˬ lawn kʼo, oˇ kaˬ lo tiˇ pehˍ ve hta‸ gʼa hkanˍ ve chaw maˇ jaˇ ve pa taw, yawˇ hui hta‸ tuˍ piˇ kuiˬ awˬ ti maˇ kʼaw‸ cawˬ.
33
Suh taˍ ve awˬ to oˇ ve teˇ hpaˍ hta‸ ngaˆ leh haiˬ ve to nuˇ to shaˆ teˇ hpaˍ caˇ tuˬ yoˬ. Chaw teˇ gʼaˇ ka‸ gʼa‸ kʼoˬ piˇ paˍ maˇ cawˬ.
34
Mvuhˇmiˬ oˇ ve gawˬ cu gawˬ pehˆ hpeh‸ kʼai tuˬ yoˬ. Yuˇda‸ venˇ teˇ hpaˍ leh Yeˍruˆsaˍlehnˍ venˇ hkʼaw lo, ha lehˬ ha kʼa te chehˇ ve awˬ hkawˇ leh, awˬ hpawˇ awˬ miˇ heuˆ da‸ leh ha lehˬ ha kʼa hkehˉ caˇ chehˇ ve awˬ hkawˇ teˇ hpaˍ hta‸ ngaˬ mehˉ kʼai piˇ lawˬ tuˬ yoˬ, teh‸ Gʼuiˬsha kʼoˆ ve yoˬ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52