bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 30
Jeremiah 30
Lahu Bible Edited © Thailand Bible Society and Bible Society of Myanmar, 2010, 2020.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 31 →
1
Iˉsaˍreˍlaˆ ve Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2
Ngaˬ hkʼa kʼoˆ laˇ ve tawˇ hkʼa peu-eˬ li‸ kʼoˆ hkʼaw hkʼa deh‸ bvuh‸ keu taˍ-o‸.
3
Awˬ lawn kʼo, Iˉsaˍreˍlaˆ leh Yuˇda‸ chaw hui hta‸ ngaˬ kʼaw‸ uiˍ la mvuh la piˇ tuˬ ve awˬ yanˇ gaˬ la chehˇ ve yoˬ. Yawˇ hui ve awˬ puˍ awˬ pi hui hta‸ piˇ taˍ ve mvuhˇmiˬ hkʼaw lo, ngaˬ yawˇ hui hta‸ kʼaw‸ shiˍ hkʼaw‸ veu laˇ piˇ tuˬ yoˬ, teh‸Gʼuiˬsha kʼoˆ ve yoˬ.
4
Iˉsaˍreˍlaˆ leh Yuˇda‸ chaw hui hta‸ Gʼuiˬsha chi hkʼe kʼoˆ piˇ ve yoˬ.
5
Kawˆ jaˇ leh kuˬ hawˬ chehˇ ve awˬ hkawˇ hta‸ ngaˬ gʼa kaˇ ve yoˬ.
6
Chi beu‸ dawˇ nyi loˬ. Hawˉ hkʼaˆ paˍ lehˬ, yaˇ paw gʼa-aw laˇ. Aˬ hto‸ ma pa taw hawˉ hkʼaˆ paˍ teˇ gʼaˇ le le yaˇ paw tuˬ naˬ chehˇ ve yaˇ miˇ hkʼa shuˍ, a shu yawˇ ve gʼoˇ peˬ hta‸ shoˆ chehˇ ve le. Aˬ hto‸ ma pa taw, chaw teˇ gʼaˇ le le awˬ shaˍ hpuiˇ tuˇ hpeh‸ chehˇ ve le.
7
Kawˆ tuˬ uiˍ ve awˬ nyi gaˬ la chehˇ ve yoˬ. Awˬ nyi teˇ nyi ka‸ oˇ ve hta‸ ca tehˆ maˇ gʼa taˬ. Awˬ nyi oˇ ve lehˬ, ngaˬ ve chaw teˇ hpaˍ awˬ pon dawˇ tui‸ gaˇ tui‸ jaˇ ve awˬ nyi hpeh‸ tuˬ yoˬ. Ya‸ hkʼaˇ, yawˇ hui gʼa ponˬ tuˬ yoˬ, teh‸ Gʼuiˬsha kʼoˆ ve yoˬ.
8
Gʼuiˬsha kʼoˆ ve, Awˬ nyi oˇ ve gaˬ la htaˇ, ngaˬ lehˬ yawˇ hui ve kʼawˍ peˍ hkʼoˆ lo pfuhˇ taˍ ve ehˉ kʼaweh‸ hta‸ yuˬ baˬ piˇ leh, yawˇ hui hta‸ hpeh taˍ ve aˉ caˆ hkeh hta‸ hpui baˬ piˇ tuˬ yoˬ. Yawˇ hui lehˬ, shu ve awˬ ceˬ gʼa kʼaw‸ te tuˬ ve maˇ heˆ.
9
Yawˇ hui lehˬ, ngaˬ ve kanˉ hta‸ maˇ kʼoˆ, Daˍviˆ ve awˬ ceuˬ awˬ hkʼaˇ awˬ hkʼaw lo ngaˬ leuˆ yuˬ tuˬ ve jawˇmawˇ teˇ gʼaˇ ve kanˉ hta‸ maˇ kʼoˆ, yawˇ hui te tuˬ yoˬ.
10
Ngaˬ ve chaw teˇ hpaˍ-oˬ, taˇ kawˆ. Iˉsaˍreˍlaˆ chaw hui-oˬ, nyi ma taˇ luˬ. Nawˬ hui shu ve awˬ ceˬ te chehˇ kuiˬ lo, ngaˬ nawˬ hui hta‸ htaiˍ hkʼaw‸ laˇ tuˬ yoˬ. Nawˬ hui a shu yawˇ ve yehˬ lo gʼa kʼaw‸ kʼaw‸ la leh, gawˬ lehˍ gʼa chehˇ tuˬ yoˬ. Chaw teˇ gʼaˇ ka‸ nawˬ hui hta‸ kawˆ tuˬ te laˇ gʼa tuˬ ve maˇ heˆ.
11
Ngaˬ nawˬ hui geh laˬ leh, nawˬ hui hta‸ ponˬ laˇ tuˬ yoˬ. Awˬ nu ve chaw ceuˬ hkʼa peu-eˬ ve hta‸ ngaˬ te luˬ piˇ tuˬ yoˬ. Ya‸ hkʼaˇ, ngaˬ nawˬ hui hta‸ te luˬ laˇ tuˬ ve maˇ heˆ. Ngaˬ nawˬ hui hta‸ maˇ ciˍ yanˍ leh hkʼe leˇ ponˬ laˇ tuˬ ve maˇ heˆ. Ya‸ hkʼaˇ, chi taw taw hehnˇ jaˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
12
Gʼuiˬsha yawˇ ve chaw hta‸ chi hkʼe kʼoˆpiˇ ve, Nawˬ hui ve a naˍ lehˬ, na-e la maˇ gʼa taˬ. Nawˬ hui ve hkʼaw kuiˬ naˬ kuiˬ teˇ hpaˍ htawˇ, kʼaw‸ da‸ la maˇ gʼa taˬ.
13
Nawˬ hui hta‸ ha‸ shaˉ laˇ tuˬ ve chaw teˇ gʼaˇ ka‸ maˇ cawˬ. Nawˬ hui ve a naˍ awˬ pon naˆ tsuhˇ ka‸ maˇ cawˬ. Nawˬ hui kʼaw‸ na-e la tuˬ dawˇ law kuiˬ a ciˉ ka‸ maˇ cawˬ.
14
Nawˬ hui hta‸ ha‸ ve chaw hkʼa peu-eˬ nawˬ hui hta‸ leunˇ kʼai peuˬ. Ngaˬ lehˬ, canˇ paˍ hkʼa shuˍ nawˬ hui hta‸ lo‸ bawˆ piˇ peuˬ ve yoˬ. Nawˬ hui ve venˇbaˆ uiˍ jaˇ maˇ jaˇ ve pa taw, hehnˇ jaˇ ve ciˍ yanˍ tuˬ hta‸ nawˬ hui gʼa hkanˍ ve yoˬ.
15
Nawˬ hui ve hkʼaw kuiˬ naˬ kuiˬ teˇ hpaˍ hta‸ nyi taˍ leh, taˇ kʼaw‸ hkʼanˇ chehˇ-oˆ. Nawˬ hui na-e la tuˬ awˬ hkʼaˇ maˇ cawˬ. Nawˬ hui ve venˇbaˆ uiˍ jaˇ maˇ jaˇ ve pa taw, ngaˬ nawˬ hui hta‸ chi hkʼe te ciˍ yanˍ laˇ ve yoˬ.
16
Ya‸ hkʼaˇ, nawˬ hui hta‸ te luˬ laˇ ve chaw teˇ hpaˍ, chi beu‸ te luˬ ve hta‸ gʼa kʼaw‸ hkanˍ tuˬ yoˬ. Nawˬ hui ve canˇ paˍ hkʼa peu-eˬ, shu mvuhˇmiˬ lo hpeh kʼai ve hta‸ gʼa kʼaw‸ hkanˍ tuˬ yoˬ. Nawˬ hui hta‸ fawˉ mehˍ laˇ ve chaw lehˬ, fawˉ mehˍ ve hta‸ gʼa kʼaw‸ hkanˍ tuˬ yoˬ. Nawˬ hui ve mawˇ jeˬ hta‸ hiˉ yuˬ lu yuˬ ve chaw lehˬ, hiˉ yuˬ lu yuˬ ve hta‸ gʼa kʼaw‸ hkanˍ tuˬ yoˬ.
17
Ngaˬ nawˬ hui hta‸ kʼaw‸ chehˇ sha la piˇ tuˬ yoˬ. Ziˉonˍ venˇ lehˬ, shu chiˇ baˬ peuˬ ve venˇ hpeh‸ ve yoˬ, teh‸ nawˬ hui ve canˇ paˍ teˇ hpaˍ kʼoˆ ve htawˇ, ngaˬ lehˬ nawˬ hui ve a naˍ teˇ hpaˍ hta‸ gu na-e laˇ tuˬ yoˬ, teh‸ Gʼuiˬsha kʼoˆ ve yoˬ.
18
Gʼuiˬsha kʼoˆ ve, Ngaˬ ve chaw teˇ hpaˍ hta‸, yawˇ hui ve mvuhˇmiˬ lo ngaˬ kʼaw‸ shiˍ hkʼaw‸ veu laˇ piˇ leh, yehˬ kʼa teˇ maˬ le le hta‸ kʼaw‸ ha kʼaˉ piˇ tuˬ yoˬ. Yeˍruˆsaˍlehnˍ venˇ hta‸ kʼaw‸ gu te leh, hawˉ yehˬ hta‸ htawˇ kʼaw‸ gu te tuˬ yoˬ.
19
Oˇ kaˬ lo chehˇ taˍ ve chaw yaˇ teˇ hpaˍ kʼa muiˬ chiˇ mvuh leh, ha lehˬ ha kʼa kuˬ chehˇ tuˬ yoˬ. Ngaˬ ve awˬ bon hta‸ pa taw, yawˇ hui kʼaw‸ maˇ la leh, awˬ me‸ awˬ hponˇ kʼaw‸ cawˬ la tuˬ yoˬ.
20
Mvuhˇmiˬ chi hta‸ aˬ sho-eˬ htaˇ hkʼe ngaˬ kʼaw‸ hpeh‸ la piˇ tuˬ yoˬ. Mvuhˇmiˬ chi hta‸ ca ya‸ la ve chaw hta‸ ngaˬ ciˍ yanˍ piˇ tuˬ yoˬ.
21
Mvuhˇmiˬ chi hta‸ uˉ peunˍ ve chaw lehˬ, mvuhˇmiˬ chi hkʼaw ve chaw gʼa hpeh‸ tuˬ yoˬ. Ngaˬ kuˬ ve teˇ yanˇ, yawˇ ngaˬ geh laˬ tuˬ yoˬ. Ngaˬ maˇ kuˬ ve kʼo, a shu teˇ gʼaˇ ngaˬ geh laˬ haˆ ve le.
22
Yawˇ hui ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ, teh‸ Gʼuiˬsha kʼoˆ ve yoˬ.
23
Gʼuiˬsha nyi ma zuhˆ ve teˇ ceuˬ lehˬ mvuhˇ haw mvuhˇ yeˬ lonˉ hkʼa shuˍ, haiˬ ve chaw hui awˬ hkʼoˆ gaˬ la tuˬ yoˬ.
24
Gʼuiˬsha yawˇ dawˇ taˍ ve hkʼe te maˇ peuˬ sheˍ ve ceh ceh, mvuhˇ haw mvuhˇ yeˬ oˇ ve mehˉ kʼai tuˬ ve maˇ heˆ. Laˬ tuˬ ve awˬ yanˇ awˬ hkʼaw lo, yawˇ ve chaw teˇ hpaˍ awˬ lawn chi hta‸ leuˉ leh shiˍ la tuˬ yoˬ.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52