bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 22
Jeremiah 22
Lahu Bible Edited © Thailand Bible Society and Bible Society of Myanmar, 2010, 2020.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 23 →
1
Oˇ ve hkʼaw‸ nawˉ Gʼuiˬsha lehˬ, Daˍviˆ awˬ ceuˬ awˬ hkʼaˇ, Yuˇda‸ jawˇmawˇ ve hawˉ yehˬ lo kʼai leh,
2
oˇ kaˬ lo chehˇ taˍ ve jawˇmawˇ leh ma‸ poˍ lonˉ teˇ hpaˍ hta‸ tawˇ ca yaw piˇ-oˆ, teh‸ ngaˬ hta‸ kʼoˆ laˇ ve yoˬ.
3
Gʼuiˬsha kʼoˆ ve, Na sheˍ. Ngaˬ Gʼuiˬsha lehˬ, hteˇ ve cawˇ ve kanˉ hta‸ tiˉ te tuˬ nawˬ hui hta‸ tawˇ pe‸ laˇ ve yoˬ. Shu heˍ caˇ ve hta‸ gʼa hkanˍ ve chaw hui hta‸ ga piˇ-oˆ. Hkehˉ chaw, yaˇcuˬshi leh mehˇchawˇma teˇ hpaˍ hta‸ naˬ taweh taˇ te. Da‸ kehˬ ve chehˇ kuiˬ chi awˬ hkʼaw lo, te‸ chiˉ venˇbaˆ maˇ cawˬ ve chaw hui hta‸ taˇ tiˇ pehˍ.
4
Nawˬ hui ngaˬ kʼoˆ ve hkʼe te ve kʼo, Daˍviˆ ve awˬ ceuˬ awˬ hkʼaˇ teˇ hpaˍ lehˬ, jawˇmawˇ gʼa kʼaw‸ caˉ te kʼai tuˬ yoˬ. Chi hkʼoˆ ka‸, yawˇ hui leh yawˇ hui ve ma‸ poˍ lonˉ teˇ hpaˍ maˇ kʼoˆ, mvuhˇmiˬ yaˇ teˇ hpaˍ maˇ kʼoˆ, hawˉ yehˬ taˍ meu‸ hpe‸ chi teˇ hpaˍ hkʼaw lo, iˉ mvuhˇ lawˬ gʼa ciˇ toˇ tuˬ yoˬ.
5
Ya‸ hkʼaˇ, nawˬ hui ngaˬ ve tawˇ hta‸ maˇ na yuˬ ve kʼo, hawˉ yehˬ chi ve luˬ kʼai sheˆ kʼai tuˬ yoˬ.
6
Ngaˬ mehˆ gʼuˇ suhˍ lo Yuˇda‸ chaw hui ve hawˉ yehˬ chi ve lehˬ, Giˇlaˆ mvuhˇmiˬ leh Leˍbaˍnonˍ hkʼaw hkʼa shuˍ nyi sha jaˇ ve yoˬ. Ya‸ hkʼaˇ, chehˇ kuiˬ chi hta‸ chaw teˇ gʼaˇ ka‸ maˇ chehˇ ve gawˬ cu gawˬ pehˆ ve chehˇ kuiˬ hpeh‸ la piˇ tuˬ yoˬ.
7
Chehˇ kuiˬ chi hta‸ te luˬ piˇ tuˬ, chaw teˇ hpaˍ hta‸ ngaˬ peu laˇ chehˇ ve yoˬ. Chaw oˇ ve teˇ hpaˍ lehˬ, ceˉ ceˇ yuˬ veu laˇ leh nyi sha ve yehˬ hkuiˉ daw chi teˇ hpaˍ hta‸ tawˆ cheˆ leh aˬ miˍ hkʼaw baˬ keu piˇ tuˬ yoˬ.
8
Awˬ hkʼaw‸ nawˉ awˬ yanˇ maw la htaˇ, choˬ kaˬ lo hpanˍ kʼai chehˇ ve buiˇshaˆaˉnaˆ chaw teˇ hpaˍ lehˬ, Aˬ hto‸ ma pa taw chi taw taw uiˍ ve venˇ chi hta‸ Gʼuiˬsha chi hkʼe te piˇ ve le, teh‸ teˇ gʼaˇ leh teˇ gʼaˇ kʼoˆ da‸ tuˬ yoˬ.
9
Oˇ htaˇ yawˇ hui lehˬ, Chaw chi teˇ hpaˍ Gʼuiˬsha hta‸ te taˍ ve ka ti‸ hta‸ te luˬ leh, awˬ kaˍ awˬ nu gʼuiˬsha teˇ hpaˍ hta‸ oˉ kʼoˍ pui ve pa taw yoˬ, teh‸ kʼoˆ tuˬ yoˬ.
10
Yuˇda‸ chaw teˇ hpaˍ-oˬ, jawˇmawˇ Yawˇshiˆ awˬ pon nawˬ hui taˇ hawˬ chehˇ. Yawˇ suh-e ve pa taw, nawˬ hui taˇ dawˇ haˍ. Ya‸ hkʼaˇ, yawˇ ve yaˇ paˍ Yawˇ-aˍhaˆ awˬ pon dawˇ haˍ leh gʼaˇ hte‸ kuˬ hawˬ chehˇ-oˆ. Yawˇ hui yawˇ hta‸ yuˬ kʼai chehˇ ve yoˬ. Yawˇ kʼaw‸ kʼaw‸ la tuˬ ve maˇ heˆ. Yawˇ paw la ve mvuhˇmiˬ hta‸ yawˇ gʼa kʼaw‸ mawˬ taˉ tuˬ ve maˇ heˆ.
11
Yawˇshiˆ suh peuˬ hkʼaw‸ nawˉ, Yuˇda‸ mvuhˇmiˬ hta‸ kʼaw‸ uˉ peunˍ chehˇ ve Yawˇshiˆ ve yaˇ Yawˇ-aˍhaˆ awˬ lawn Gʼuiˬsha chi hkʼe kʼoˆ ve yoˬ. Yawˇ choˬ kaˬ lo tawˆ kʼai peuˬ. Teˇ pawˆ ka‸ gʼa kʼaw‸ la tuˬ ve maˇ heˆ.
12
Shu yuˬ kʼai ve mvuhˇmiˬ hkʼaw lo yawˇ gʼa suh-e leh, mvuhˇmiˬ chi hta‸ yawˇ teˇ pawˆ ka‸ gʼa kʼaw‸ mawˬ taˉ tuˬ ve maˇ heˆ, teh‸ Gʼuiˬsha kʼoˆ ve yoˬ.
13
Maˇ hteˇ maˇ cawˇ ve awˬ hkʼaw lo a shu yawˇ ve yehˬ hta‸ te chehˇ ve chaw lehˬ, gʼa luˬ gʼa sheˆ tuˬ yoˬ. Shu hta‸ gʼaˇ hpfuhˇ maˇ piˇ leh kanˉ nyiˉ te tcuh ve chaw htawˇ, gʼa luˬ gʼa sheˆ tuˬ yoˬ.
14
Ngaˬ chehˇ tuˬ ve da‸ jaˇ nyi sha jaˇ ve yehˬ teˇ maˬ te shaˍ, teh‸ kʼoˆ ve chaw lehˬ, gʼa luˬ gʼa sheˆ tuˬ yoˬ. Hkʼe te leh, chaw oˇ ve lehˬ, da‸ jaˇ ve suhˆ hta‸ yuˬ leh, yehˬ miˉ ehˉ te keu peuˬ hkʼaw‸ nawˉ, naˆ tsuhˇ nyiˉ-ehˍ ve yuˬ shehˆ taˍ ve yoˬ.
15
Awˬ nu ve suhˆ teˇ hpaˍ a‸ kehˉ da‸ ve yawnˉ suhˆ hta‸ yuˬ leh, nawˬ ve yehˬ hta‸ te taˍ ve pa taw, nawˬ lehˬ da‸ jaˇ ve jawˇmawˇ hpeh‸ la gʼa tuˬ laˇ. Nawˬ pa lehˬ, hteˇ ve cawˇ ve kanˉ hta‸ tiˉ te ve pa taw, yawˇ te ve kanˉ teˇ ceuˬ le le uiˍ la da‸ la ve yoˬ.
16
Yawˇ lehˬ, haˍ ve gʼawˇ ve chaw hta‸ hteˇ ve cawˇ ve hkʼaw suhˉ jehˬ piˇ ve pa taw, te‸ chiˉ sho‸ sha‸ kuiˬ maˇ cawˬ. Gʼuiˬsha hta‸ shiˍ ve chaw lehˬ, chi hkʼe ve chaw teˇ gʼaˇ hpeh‸ ve yoˬ.
17
Ya‸ hkʼaˇ, nawˬ lehˬ nawˬ heuˆ gaˇ ve awˬ ceuˬ hta‸ ceh tiˉ ca chehˇ ve yoˬ. Nawˬ lehˬ, te‸ chiˉ venˇbaˆ maˇ cawˬ ve chaw hui hta‸ tiˇ pehˍ leh, nawˬ ve chaw teˇ hpaˍ hta‸ hehnˇ chaweh fawˉ mehˍ piˇ chehˇ ve yoˬ, teh‸ Gʼuiˬsha kʼoˆ ve yoˬ.
18
Chi hta‸ pa taw, Yawˇshiˆ ve yaˇ Yuˇda‸ jawˇmawˇ Yawˇyaˍkenˍ awˬ lawn Gʼuiˬsha chi hkʼe kʼoˆ ve yoˬ. Chaw teˇ gʼaˇ ka‸ yawˇ suh-e ve hta‸ dawˇ haˍ leh kuˬ hawˬ tuˬ ve maˇ heˆ.
19
Suh-e peuˬ ve Piˉlaˬ hkʼa shuˍ, shu yawˇ hta‸ Yeˍruˆsaˍlehnˍ venˇ baˬ lo gʼawˬ baˬ tuˬ yoˬ, teh‸ Gʼuiˬsha kʼoˆ ve yoˬ.
20
Yeˍruˆsaˍlehnˍ venˇ yaˇ teˇ hpaˍ-oˬ, Leˍbaˍnonˍ hkʼaw hkʼoˆ lo leh, Baˍshanˍ mvuhˇmiˬ lo kʼai leh, ca kuˬ hawˬ toˇ chehˇ-oˆ. Mawˇbaˆ hkʼaw hkʼoˆ lo htawˇ kʼai leh ca kuˬ hawˬ toˇ chehˇ-oˆ. Awˬ lawn kʼo, nawˬ hui ve awˬ chawˇ teˇ hpaˍ shonˇ kʼai peuˬ.
21
Nawˬ hui paw sha chehˇ ve teˇ yanˇ, Gʼuiˬsha nawˬ hta‸ tawˇ yaw piˇ taˍ peuˬ. Ya‸ hkʼaˇ, nawˬ maˇ na yuˬ. Nawˬ hui a sha‸ te‸ chehˇ ve teˇ co-e, Gʼuiˬsha ve tawˇ hta‸ nawˬ hui teˇ pawˆ ka‸ maˇ na yuˬ.
22
Nawˬ hui ve awˬ hoˉ awˬ naˬ teˇ hpaˍ lehˬ, mvuhˇ haw meuˆ baˬ ve hta‸ gʼa hkanˍ leh, nawˬ hui ve awˬ chawˇ teˇ hpaˍ htawˇ, shu hpeh kʼai ve hta‸ gʼa hkanˍ tuˬ yoˬ. Nawˬ hui te chehˇ ve haiˬ ve kanˉ teˇ hpaˍ hta‸ pa taw, nawˬ hui ve venˇ lehˬ awˬ me‸ awˬ hponˇ luˬ kʼai tuˬ yoˬ.
23
Nawˬ hui lehˬ, Leˍbaˍnonˍ hkʼaw hkʼoˆ lo yuˬ laˬ ve suhˆ teˇ hpaˍ yuˬ te taˍ ve yehˬ hkʼaw lo gawˬ lehˍ gʼa chehˇ taˍ ve yoˬ. Ya‸ hkʼaˇ, maˇ maw maw nawˬ hui lehˬ yaˇ paw tuˬ naˬ chehˇ ve yaˇ miˇ hkʼa shuˍ gʼa hkanˍ jaˇ tuˬ yoˬ.
24
Gʼuiˬsha lehˬ, Yawˇyaˍkenˍ ve yaˇ, Yuˇda‸ jawˇmawˇ Hkawˇniˆ awˬ lawn chi hkʼe kʼoˆ ve yoˬ. Nawˬ lehˬ, ngaˬ ve la‸ sha paˉ la‸ sheh hkʼoˆ lo tcuhˉ taˍ ve la‸ peˍ hpeh‸ ve htawˇ, ngaˬ nawˬ hta‸ kʼehˆ baˬ leh,
25
nawˬ kawˆ chehˇ ve chaw hui ve la‸ sheh hkʼaw chiˇ a‸ piˇ tuˬ yoˬ. Ngaˬ nawˬ hta‸ Baˍbuˍlonˍ jawˇmawˇ Neˍbuˍhkaˍneˍzaˍ ve la‸ sheh hkʼaw lo chiˇ a‸ piˇ tuˬ yoˬ.
26
Nawˬ hta‸ maˇ kʼoˆ, nawˬ e hta‸ maˇ kʼoˆ, shu ve mvuhˇmiˬ lo ngaˬ gʼa‸ kʼoˬ laˇ tuˬ yoˬ. Nawˬ huiˉ maˬ maˇ keuˆ la jaw ve mvuhˇmiˬ hkʼaw gʼa kʼai leh, oˇ kaˬ lo gʼa suh-e tuˬ yoˬ.
27
Nawˬ hui lehˬ, mvuhˇmiˬ chi hta‸ kʼaw‸ mawˬ gaˇ tuˬ yoˬ. Ya‸ hkʼaˇ, gʼa kʼaw‸ la tuˬ ve maˇ heˆ, teh‸ Gʼuiˬsha kʼoˆ ve yoˬ.
28
Jawˇmawˇ Hkawˇniˆ lehˬ, chaw teˇ gʼaˇ ka‸ maˇ heuˆ gaˇ ve hkoˇ kʼai peuˬ ve je‸ mu‸ hkʼu hpeh‸ ve maˇ heˆ laˇ. Chi hta‸ pa taw, yawˇ leh yawˇ ve miˇ yaˇ teˇ hpaˍ hta‸ yawˇ hui teˇ pawˆ ka‸ maˇ shiˍ jaw ve mvuhˇmiˬ lo shu yuˬ kʼai peuˬ ve maˇ heˆ laˇ.
29
Miˬguiˬ-oˬ, Gʼuiˬsha kʼoˆ ve tawˇ hta‸ na sheˍ.
30
Chaw chi lehˬ, yaˇ maˇ cawˬ tuˬ hkeu ve hta‸ gʼa hkanˍ ve chaw hpeh‸ ve yoˬ. Daˍviˆ ve kʼaw jaw hkʼoˆ mui leh Yuˇda‸ mvuhˇmiˬ hta‸ uˉ peunˍ tuˬ, yawˇ ve awˬ ceuˬ awˬ hkʼaˇ teˇ gʼaˇ ka‸ cawˬ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52