bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 25
Jeremiah 25
Lahu Bible Edited © Thailand Bible Society and Bible Society of Myanmar, 2010, 2020.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Yawˇshiˆ ve yaˇ Yawˇyaˍkenˍ Yuˇda‸ mvuhˇmiˬ hta‸ uˉ peunˍ ve awˇ hkʼaw‸ teˇ hkʼaw‸ htaˇ, Yuˇda‸ chaw hui ve awˬ lawn hta‸ caˉ da‸ leh Gʼuiˬsha ngaˬ hta‸ chi hkʼe kʼoˆ laˇ ve yoˬ. (Chi ve lehˬ, Neˍbuˍhkaˍneˍzaˍ Baˍbuˍlonˍ venˇ hta‸ tanˬ uˉ peunˍ ve awˉ lawˉ teˇ hkʼaw‸ htaˇ hpeh‸ ve yoˬ.)
2
Hkʼe te leh, Yuˇda‸ chaw leh Yeˍruˆsaˍlehnˍ venˇ yaˇ teˇ hpaˍ hta‸ ngaˬ chi hkʼe kʼoˆ piˇ ve yoˬ.
3
Aˍmonˍ ve yaˇ Yawˇshiˆ Yuˇda‸ mvuhˇmiˬ hta‸ uˉ peunˍ ve teˇ chi shehˆ hkʼaw‸ teˇ hkʼaw‸ te leh, chi beu‸ nyiˇ chi shehˆ hkʼaw‸ biˇ la chehˇ ve awˬ yanˇ hkʼa gaˬ, Gʼuiˬsha ngaˬ hta‸ tawˇ yaw laˇ chehˇ leh, ngaˬ nawˬ hui hta‸ teˇ caˉ kʼaw‸ kʼoˆ laˇ ve yoˬ. Ya‸ hkʼaˇ, nawˬ hui maˇ na yuˬ.
4
Gʼuiˬsha lehˬ, Yawˇ ve awˬ ceˬ hpeh‸ ve tcuh kaˍ paˍ teˇ hpaˍ nawˬ hui geh peu laˇ chehˇ ve htawˇ, nawˬ hui maˇ na yuˬ.
5
Nawˬ hui ve awˬ puˍ awˬ pi teˇ hpaˍ hta‸ piˇ taˍ ve mvuhˇmiˬ chi hkʼaw, nawˬ hui kʼaw‸ caˉ chehˇ hpeh‸ tuˬ, a shu yawˇ ve venˇbaˆ hta‸ dawˇ hpfuhˆ-oˆ, teh‸ yawˇ hui nawˬ hui hta‸ kʼoˆ laˇ tcuhˉ taˍ ve yoˬ.
6
Gʼuiˬsha nawˬ hui hta‸ nyi ma maˇ gʼa zuhˆ tuˬ, shaˉ ho‸ hta‸ oˉ kʼoˍ taˇ pui, teh‸ yawˇ hui nawˬ hui hta‸ kʼoˆ laˇ chehˇ ve yoˬ. Nawˬ hui Yawˇ ve tawˇ hta‸ na yuˬ chehˇ ve hkʼe kʼo, Yawˇ nawˬ hui hta‸ ciˍ yanˍ laˇ tuˬ ve maˇ heˆ.
7
Nawˬ hui Yawˇ ve tawˇ hta‸ maˇ na yuˬ teh‸, Gʼuiˬsha kʼoˆ chehˇ ve yoˬ. Nawˬ hui lehˬ, shaˉ ho‸ hta‸ oˉ kʼoˍ pui ve awˬ hkʼaw lo, Gʼuiˬsha nyi ma zuhˆ tuˬ te chehˇ ve pa taw, ciˍ yanˍ ve hta‸ nawˬ hui gʼa hkanˍ ve yoˬ.
8
Nawˬ hui Gʼuiˬsha ve tawˇ hta‸ maˇ na yuˬ ve pa taw, Gʼuiˬsha chi hkʼe kʼoˆ ve yoˬ.
9
Awˬ na hpawˇ lo chehˇ ve chaw leh, ngaˬ ve awˬ ceˬ Baˍbuˍlonˍ jawˇmawˇ Neˍbuˍhkaˍneˍzaˍ hta‸ ngaˬ kuˬ yuˬ chehˇ ve yoˬ. Ngaˬ yawˇ hta‸ kuˬ yuˬ leh, Yuˇda‸ mvuhˇmiˬ leh, mvuhˇmiˬ oˇ ve awˬ paˇ awˬ kui lo cawˬ ve mvuhˇmiˬ teˇ hpaˍ hta‸ ngaˬ bawˆ yuˬ tcuh tuˬ yoˬ. Mvuhˇmiˬ chi ve leh awˬ paˇ awˬ kui lo cawˬ ve mvuhˇmiˬ teˇ hpaˍ hta‸, ngaˬ te luˬ piˇ leh, gawˬ cu gawˬ pehˆ ve chehˇ kuiˬ hpeh‸ la piˇ tuˬ yoˬ.
10
Yawˇ hui ha lehˬ ha kʼa te leh hkehˉ caˇ chehˇ ve awˬ hkawˇ hta‸ ngaˬ gawˬ kʼai piˇ tuˬ yoˬ. Yawˇ hui ve kawˆ faiˇ awˬ pon naˍ manˇ kʼaw‸ cawˬ tuˬ ve maˇ heˆ. Caˬ shiˍ htawˇ peuˬ kʼai tuˬ yoˬ.
11
Mvuhˇmiˬ chi ve luˬ kʼai sheˆ kʼai leh, chaw yaˇ teˇ hpaˍ lehˬ, Baˍbuˍlonˍ jawˇmawˇ ve awˬ ceˬ suhˍ chi hkʼaw‸ gʼa te tuˬ yoˬ.
12
Oˇ ve hkʼaw‸ nawˉ, Baˍbuˍlonˍ mvuhˇmiˬ hta‸ ngaˬ kʼaw‸ ciˍ yanˍ piˇ tuˬ yoˬ. Mvuhˇmiˬ oˇ ve hta‸ ngaˬ te luˬ piˇ leh, co co taiˍ taiˍ luˬ kʼai sheˆ kʼai piˇ lawˬ tuˬ yoˬ.
13
Li‸ chi awˬ hkʼaw lo bvuh‸ taˍ ve kawˆ tuˬ dawˇ haˍ tuˬ awˬ ceuˬ, mvuhˇmiˬ oˇ ve awˬ hkʼoˆ lo ngaˬ gaˬ la piˇ tuˬ yoˬ.
14
Baˍbuˍlonˍ chaw hui te taˍ ve hta‸ keunˍ da‸ ve hkʼe, ngaˬ yawˇ hui hta‸ kʼaw‸ te hkʼaw‸ piˇ leh, yawˇ hui shu ve awˬ ceˬ gʼa kʼaw‸ te tuˬ yoˬ, teh‸ Gʼuiˬsha kʼoˆ ve yoˬ.
15
Iˉsaˍreˍlaˆ Gʼuiˬsha ngaˬ hta‸ chi hkʼe kʼoˆ laˇ ve yoˬ. Choˬ kaˬ lo ngaˬ ve nyi ma zuhˆ ve awˬ ceuˬ hkʼa biˇ keu taˍ ve kawˆ teˇ maˬ cawˬ ve yoˬ. Ngaˬ kʼai peu laˇ ve chaw hui geh kʼai leh, yawˇ hui hta‸ ca taw piˇ-oˆ.
16
Yawˇ hui kawˆ oˇ ve hta‸ dawˬ peuˬ ve teˇ yanˇ, yawˇ hui geh gaˬ la tuˬ ve ma‸ lonˉ hta‸ pa taw, yawˇ hui gʼuˇ kʼai tuˬ yoˬ, teh‸ kʼoˆ ve yoˬ.
17
Hkʼe te leh ngaˬ kawˆ oˇ ve hta‸ yuˬ leh, Gʼuiˬsha ngaˬ hta‸ kʼai peu laˇ ve chaw hui hta‸ ca taw piˇ ve yoˬ.
18
Yeˍruˆsaˍlehnˍ venˇ leh awˬ nu ve Yuˇda‸ venˇ teˇ hpaˍ hkʼaw chehˇ ve jawˇmawˇ teˇ hpaˍ leh awˬ hoˉ awˬ naˬ teˇ hpaˍ hta‸ kawˆ oˇ ve taw piˇ ve yoˬ. Hkʼe te leh, yawˇ hui lehˬ chi beu‸ hpeh‸ chehˇ ve hkʼe, gawˬ cu gawˬ pehˆ hpeh‸ kʼai leh, shu hkeu ve hta‸ gʼa hkanˍ ve yoˬ.
19
Kawˆ chi hta‸ gʼa dawˬ ve awˬ nu ve chaw teˇ hpaˍ lehˬ, Eˇjiˆtu‸ jawˇmawˇ leh yawˇ ve ma‸ poˍ lonˉ hkʼa peu-eˬ, Eˇjiˇtu‸ chaw hkʼa peu-eˬ leh, mvuhˇmiˬ oˇ ve hkʼaw ca chehˇ la taˍ ve hkehˉ chaw hkʼa peu-eˬ, Uˉzaˆ mvuhˇmiˬ ve jawˇmawˇ hkʼa peu-eˬ, Aˍshaˆkeˍlonˍ, Gaˍzaˍ, Eˇkaˍronˍ, Aˍshaˍdawˆ venˇ teˇ hpaˍ hta‸ uˉ peunˍ chehˇ ve Hpiˇliˇtiˆ jawˇmawˇ hkʼa peu-eˬ, Eˇdonˍ, Mawˇbaˆ, Aˍmonˍ chaw hkʼa peu-eˬ, Tuˇruˆ leh Siˉdonˍ jawˇmawˇ hkʼa peu-eˬ, Awˬ kʼaw ji ve laˇ tsuhˇ gʼuiˬ awˬ paˇ awˬ kui lo chehˇ ve jawˇmawˇ hkʼa peu-eˬ, Deˍdanˍ, Teˍmaˆ leh Buˇzaˆ venˇ teˇ hpaˍ, uˉ hkeh mvuh ngeh chaweh taˍ ve chaw hkʼa peu-eˬ, Aˍraˆ jawˇmawˇ hkʼa peu-eˬ, chaw hteunˍ teˇ hpaˍ ve jawˇmawˇ hkʼa peu-eˬ, Ziˇmaˍriˆ venˇ, Eˇlanˍ venˇ, leh Meˍdiˆ venˇ jawˇmawˇ hkʼa peu-eˬ, Awˬ na hpawˇ lo chehˇ ve jawˇmawˇ hkʼa peu-eˬ. Miˬguiˬ hkʼoˆ cawˬ ve chaw ceuˬ hkʼa peu-eˬ, kawˆ oˇ ve hta‸ gʼa dawˬ ve yoˬ. Awˬ leh meuˇ, Baˍbuˍlonˍ jawˇmawˇ htawˇ kawˆ oˇ ve hta‸ gʼa dawˬ ve yoˬ.
27
Oˇ ve hkʼaw‸ nawˉ, Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. Chaw oˇ ve teˇ hpaˍ dawˬ bvuhˆ leh hpe‸ htaˇ hkʼa gaˬ, paiˍ leh kʼaw‸ tu la maˇ gʼa htaˇ hkʼa gaˬ, kawˆ oˇ ve hta‸ dawˬ tuˬ ngaˬ Gʼuiˬsha tawˇ pe‸ laˇ ve yoˬ, teh‸ kʼoˆ piˇ-oˆ. Awˬ lawn kʼo, ngaˬ lehˬ kawˆ tuˬ uiˍ jaˇ ve ma‸ lonˉ yawˇ hui geh gaˬ la piˇ tuˬ yoˬ.
28
Yawˇ hui kawˆ oˇ ve hta‸ maˇ dawˬ gaˇ teh‸ kʼoˆ ve kʼo, Maˇ dawˬ maˇ hpeh‸, teh‸ kʼoˆ piˇ-oˆ.
29
Ngaˬ ve venˇ hta‸ ngaˬ awˉ lawˉ te luˬ piˇ tuˬ yoˬ. Yawˇ hui lehˬ, ciˍ yanˍ ve hta‸ maˇ gʼa hkanˍ taˬ, teh‸ dawˇ chehˇ ve laˇ. Maˇ heˆ. Yawˇ hui ciˍ yanˍ ve hta‸ gʼa hkanˍ tuˬ yoˬ. Awˬ lawn kʼo, miˬguiˬ hkʼoˆ lo ngaˬ ma‸ lonˉ hpeh‸ la piˇ tuˬ yoˬ.
30
Yeˍraˍmiˆ-oˬ, nawˬ lehˬ ngaˬ hkʼa kʼoˆ laˇ ve tawˇ hkʼa peu-eˬ chaw yaˇ hui hta‸ gʼa kʼoˆ maˍ piˇ tuˬ yoˬ. Yawˇ hui hta‸ chi hkʼe kʼoˆ piˇ-oˆ. Gʼuiˬsha lehˬ mvuhˇ naw ma hkʼoˆ chehˇ taˍ leh, awˬ hkawˇ bvuhˬ chaweh kuˬ tuˬ yoˬ. Yawˇ lehˬ a pehˉ meuˇ gʼuiˬ nyiˉ chehˇ ve chaw hkʼa shuˍ, yawˇ ve chaw hta‸ kuˬ heuˉ tuˬ yoˬ.
31
Yawˇ kuˬ heuˉ ve awˬ hkawˇ mvuhˇ leh miˬ leh hkʼa gaˬ bvuhˬ kʼai leh, chaw hkʼa peu-eˬ awˬ hkawˇ oˇ ve hta‸ gʼa kaˇ tuˬ yoˬ. Gʼuiˬsha lehˬ, chaw ceuˬ teˇ hpaˍ hta‸ venˇbaˆ taˍ kuiˬ teˇ kaˬ cawˬ ve yoˬ. Yawˇ lehˬ, chaw yaˇ teˇ hpaˍ hta‸ suhˉ jehˬ leh, haiˬ ve chaw hui hta‸ tiˇ pehˍ piˇ tuˬ yoˬ, teh‸ Gʼuiˬsha kʼoˆ ve yoˬ.
32
Kawˆ tuˬ dawˇ haˍ tuˬ awˬ ceuˬ mvuhˇmiˬ teˇ peˆ peuˬ teˇ peˆ awˬ hkʼoˆ lo gaˬ la tuˬ yoˬ. Miˬguiˬ teˇ ceˍ kʼaweh‸ lo, mvuhˇ haw lonˉ meuˆ laˬ tuˬ hehnˇ taˍ peuˬ, teh‸ Gʼuiˬsha kʼoˆ ve yoˬ.
33
Awˬ nyi oˇ ve gaˬ la htaˇ, Gʼuiˬsha tiˇ pehˍ ve hta‸ gʼa hkanˍ ve chaw teˇ hpaˍ lehˬ, miˬguiˬ hkʼaˬ ti chi ti lo hkʼa biˇ cawˬ taˍ tuˬ yoˬ. Chaw teˇ gʼaˇ ka‸ yawˇ hui awˬ pon dawˇ haˍ leh hawˬ tuˬ ve maˇ heˆ. Yawˇ hui hta‸ duˇ tuˍ piˇ tuˬ ve ka‸ maˇ heˆ. Miˬ chaˇ hkʼoˆ lo, nuˇ hkʼehˇ hpoˆ hkʼa shuˍ hpeh‸ tuˬ yoˬ.
34
Ngaˬ ve chaw hta‸ ha‸ shaˉ chehˇ ve awˬ hoˉ awˬ naˬ teˇ hpaˍ-oˬ, gʼaˇ hte‸ kuˬ hawˬ chehˇ-oˆ. Dawˇ haˍ leh je‸ meu-e hkʼaw zuh‸ chehˇ-oˆ. Nawˬ hui hta‸tiˇ pehˍ piˇ tuˬ ve awˬ yanˇ gaˬ la chehˇ ve yoˬ. Nawˬ hui lehˬ, yawˬ hkʼe tiˇ pehˍ ve hta‸ gʼa hkanˍ tuˬ yoˬ.
35
Nawˬ hui gʼa ponˬ kuiˬ ya‸ kʼaw maˇ cawˬ.
36
Nawˬ hui lehˬ dawˇ tui‸ gaˇ tui‸ ve hkʼaw kuˬ hawˬ chehˇ ve yoˬ.
37
Awˬ lawn kʼo, Gʼuiˬsha nawˬ hui ve mvuhˇmiˬ hta‸ te luˬ peuˬ ve pa taw yoˬ.
38
Laˇ caˬ shiˉ lehˬ, haˉ kʼoˍ hta‸ baˬ taˉ leh tawˆ kʼai ve hkʼe, Gʼuiˬsha lehˬ Yawˇ ve chaw hta‸ baˬ taˉ peuˬ. Ma‸ lonˉ hpeh‸ la ve pa taw maˇ kʼoˆ, Gʼuiˬsha nyi ma zuhˆ ve hta‸ pa taw maˇ kʼoˆ, yawˇ hui ve mvuhˇmiˬ lehˬ gawˬ cu gawˬ pehˆ hpeh‸ la peuˬ.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52