bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 49
Jeremiah 49
Lahu Bible Edited © Thailand Bible Society and Bible Society of Myanmar, 2010, 2020.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Aˍmonˍ mvuhˇmiˬ awˬ lawn Gʼuiˬsha chi hkʼe kʼoˆ ve yoˬ. Iˉsaˍreˍlaˆ chaw teˇ hpaˍ hkʼaˬ lo le. Yawˇ hui ve mvuhˇmiˬ hta‸ ha‸ shaˉ tuˬ, chaw teˇ gʼaˇ ka‸ maˇ cawˬ-o laˇ. Aˬ hto‸ ma pa taw Miˆlaˍkonˍ gʼuiˬsha hta‸ oˉ kʼoˍ pui ve chaw hui Gaˆ mvuhˇmiˬ hta‸ bawˆ yuˬ leh oˇ kaˬ lo chehˇ tcuh taˍ ve le.
2
Ya‸ hkʼaˇ, Raˍbaˆ venˇ yaˇ teˇ hpaˍ hta‸ ngaˬ ma‸ bawˆ hkawˇ kaˇ piˇ lawˬ tuˬ ve awˬ nyi gaˬ la chehˇ ve yoˬ. Oˇ htaˇ, venˇ oˇ ve leh awˬ nu ve hkʼaˆ teˇ hpaˍ lehˬ, aˬ miˍ to‸ baˬ peuˬ tuˬ yoˬ. Oˇ ve teˇ yanˇ, Iˉsaˍreˍlaˆ chaw hui lehˬ, shu la‸ sheh hkʼaw gaˬ taˍ peuˬ ve mvuhˇmiˬ hta‸ yawˇ hui kʼaw‸ gʼa hkʼaw‸ tuˬ yoˬ.
3
Heˍsaˍbonˍ venˇ yaˇ teˇ hpaˍ-oˬ, kuˬ hawˬ chehˇ-oˆ. Aˍiˆ venˇ lehˬ luˬ kʼai peuˬ. Raˍbaˆ venˇ hkʼaw chehˇ ve yaˇ miˇ teˇ hpaˍ-oˬ, dawˇ haˍ leh hawˬ chehˇ-oˆ. Meh htuˉ pui hpa veu‸ deh leh, venˇ hkʼaw gʼuiˇ toˇ chehˇ-oˆ. Nawˬ hui ve Miˆlaˍkonˍ gʼuiˬsha leh, paw hkuˇ teˇ hpaˍ hta‸ shu ve mvuhˇmiˬ lo yuˬ kʼai tuˬ yoˬ.
4
Ka ti‸ maˇ yeˬ ve chaw hui-oˬ, aˬ hto‸ ma pa taw nawˬ hui caˆ muiˬ chehˇ ve le. Nawˬ hui ve awˬ gʼaˇ nuˇ kʼai chehˇ ve yoˬ. Aˬ hto‸ ma pa taw, nawˬ hui ve awˬ gʼaˇ awˬ shaˉ hta‸ gʼaˇ va leh, Chaw teˇ gʼaˇ ka‸ ngaˬ hui hta‸ ca bawˆ la maˇ haˆ taˬ, teh‸ kʼoˆ chehˇ ve le.
5
Kawˆ tuˬ ve awˬ ceuˬ ngaˬ nawˬ hui awˬ hkʼoˆ gaˬ la piˇ tuˬ yoˬ. Oˇ htaˇ, nawˬ hui hkʼa peu-eˬ gʼuiˇ hpaw-e tuˬ yoˬ. Nawˬ hui ve ma‸ yaˇ teˇ hpaˍ hta‸ teˇ geh kʼaw‸ shaw hpoˆ tuˬ ve chaw teˇ gʼaˇ ka‸ cawˬ tuˬ ve maˇ heˆ.
6
Ya‸ hkʼaˇ, teˇ nyi gaˬ kʼo, Aˍmonˍ chaw hui hta‸ ngaˬ kʼaw‸ uiˍ la da‸ la piˇ tuˬ yoˬ, teh‸ Gʼuiˬsha kʼoˆ ve yoˬ.
7
Eˇdonˍ mvuhˇmiˬ awˬ lawn Gʼuiˬsha chi hkʼe kʼoˆ ve yoˬ. Eˇdonˍ chaw hui dawˇ nyi maˇ puiˉ-o ve laˇ. Yawˇ hui ve cuˇ yiˍ cawˬ paˍ teˇ hpaˍ, yawˇ hui hta‸ te‸ chiˉ dawˇ hkʼaˇ piˇ maˇ gʼa-o ve laˇ. Yawˇ hui ve cuˇ yiˍ hkʼa peu-eˬ mehˉ kʼai peuˬ ve laˇ.
8
Deˍdanˍ venˇ yaˇ teˇ hpaˍ-oˬ, gʼuiˇ hpaw-e leh ca va‸ taˍ-o‸. Iˉsawˇ ve awˬ ceuˬ awˬ hkʼaˇ teˇ hpaˍ hta‸ ngaˬ ciˍ yanˍ piˇ tuˬ yoˬ. Awˬ lawn kʼo, yawˇ hui hta‸ ciˍ yanˍ piˇ tuˬ ve awˬ yanˇ gaˬ la peuˬ.
9
Chaw yaˇ teˇ hpaˍ a pehˉ meuˇ shiˍ shaˉ ve teˇ yanˇ, awˬ cehˬ hkʼoˆ lo a ciˉ kʼaw‸ teh taˉ ve yoˬ. Chaw hkʼawˇ teˇ hpaˍ, mvuhˇ hpeu‸ ca hkʼawˇ toˇ ve teˇ yanˇ, yawˇ hui heuˆ gaˇ ve awˬ ceuˬ hta‸ ceh tiˉ yuˬ kʼai ve yoˬ.
10
Ya‸ hkʼaˇ, ngaˬ lehˬ Iˉsawˇ ve awˬ ceuˬ awˬ hkʼaˇ teˇ hpaˍ ve mawˇ hkʼa peu-eˬ hta‸ kʼehˆ yuˬ tuˬ yoˬ. Yawˇ hui ca va‸ taˍ kuiˬ maˇ cawˬ htaˇ hkʼa gaˬ, yawˇ hui va‸ taˍ kuiˬ teˇ hpaˍ hta‸ ngaˬ ca hpfuhˆ tuˬ yoˬ. Eˇdonˍ chaw hkʼa peu-eˬ luˬ kʼai sheˆ kʼai tuˬ yoˬ. Teˇ gʼaˇ ka‸ cawˬ taˉ tuˬ ve maˇ heˆ.
11
Nawˬ hui ve yaˇcuˬshi teˇ hpaˍ ngaˬ geh teh taˉ-oˆ. Ngaˬ ha‸ shaˉ taˍ laˇ tuˬ yoˬ. Nawˬ hui ve mehˇchawˇma teˇ hpaˍ htawˇ, ngaˬ hta‸ gʼaˇ va hpeh‸ ve yoˬ.
12
Ciˍ yanˍ ve hta‸ maˇ gʼa hkanˍ ve chaw hui htawˇ, ciˍ yanˍ ve hta‸ gʼa hkanˍ ve kʼo, nawˬ hui hkʼaˬ ma leuˉ leh gʼa hkanˍ tuˬ ve le. Nawˬ hui htawˇ ciˍ yanˍ ve kawˆ chi hta‸ gʼa dawˬ tuˬ yoˬ.
13
Bawˇzaˍraˆ venˇ lehˬ, gawˬ cu gawˬ pehˆ ve chehˇ kuiˬ hpeh‸ la tuˬ yoˬ. Chaw yaˇ teˇ hpaˍ venˇ oˇ ve hta‸ hkʼa mvuhˇ hkʼa na kʼoˆ leh, hkeu tuˬ yoˬ. Venˇ oˇ ve awˬ paˇ awˬ kui lo cawˬ ve hkʼaˆ teˇ hpaˍ lehˬ, co co taiˍ taiˍ luˬ kʼai tuˬ yoˬ, teh‸ Gʼuiˬsha kʼoˆ ve yoˬ.
14
Oˇ htaˇ ngaˬ chi hkʼe kʼoˆ ve yoˬ. Eˇdonˍ mvuhˇmiˬ-oˬ, Gʼuiˬsha ngaˬ hta‸ chi hkʼe kʼoˆ laˇ ve yoˬ. Yawˇ lehˬ nawˬ hta‸ ca bawˆ la tuˬ, chaw hta‸ hpehˇ leh ma‸ yaˇ shawˍ tcuh chehˇ ve yoˬ.
15
Gʼuiˬsha lehˬ, nawˬ hta‸ awˬ gʼaˇ nuˇ la piˇ lawˬ leh, chaw teˇ gʼaˇ ka‸ nawˬ hta‸ yawˆ yan tuˬ ve maˇ heˆ.
16
Nawˬ ve caˆ muiˬ puiˉ ve nyi ma lehˬ, nawˬ hta‸ luˬ kʼai tuˬ te laˇ chehˇ ve yoˬ. Nawˬ dawˇ taˍ ve hkʼe, chaw yaˇ teˇ hpaˍ nawˬ hta‸ kawˆ tuˬ ve maˇ heˆ. Nawˬ lehˬ mvuh jaˇ ve haˉ hpawˇ hkʼoˆ lo chehˇ taˍ ve yoˬ. Nawˬ lehˬ, aˉ ceˬ hkʼa shuˍ mvuh jaˇ ve chehˇ kuiˬ lo chehˇ taˍ ve htawˇ, Gʼuiˬsha nawˬ hta‸ gʼawˬ ce laˇ tuˬ yoˬ. Gʼuiˬsha chi hkʼe kʼoˆ taˍ peuˬ ve yoˬ, teh‸ ngaˬ Eˇdonˍ mvuhˇmiˬ hta‸ kʼoˆ piˇ ve yoˬ.
17
Gʼuiˬsha kʼoˆ ve, Eˇdonˍ mvuhˇmiˬ hkʼoˆ gaˬ la tuˬ ve luˬ ve sheˆ ve awˬ ceuˬ lehˬ, kawˆ tuˬ uiˍ jaˇ ve pa taw, oˇ kaˬ lo hkʼa hpanˍ kʼai ve chaw hkʼa peu-eˬ kawˆ jaˇ tuˬ yoˬ.
18
Eˇdonˍ venˇ lehˬ, Sawˉdonˍ leh Gawˇmawˇra‸ venˇ hkʼa shuˍ hpeh‸ la tuˬ yoˬ. Oˇ kaˬ lo chaw teˇ gʼaˇ ka‸ kʼaw‸ chehˇ tuˬ ve maˇ heˆ.
19
Laˇ caˬ shiˉ teˇ hkeh Yawˇdanˍ hteunˍ lonˉ hkʼaw tawˆ la leh kʼaˆ caˇ kuiˬ lo kʼai chehˇ ve hkʼe, ngaˬ laˬ leh Eˇdonˍ chaw hui hta‸ yawˇ hui ve mvuhˇmiˬ hkʼaw hpaw tawˆ-e piˇ lawˬ tuˬ yoˬ. Ngaˬ leuˆ yuˬ ve awˬ hoˉ teˇ gʼaˇ, mvuhˇmiˬ oˇ ve hta‸ gʼa kʼaw‸ uˉ peunˍ tuˬ yoˬ. A shu ngaˬ hta‸ tehˆ da‸ hpeh‸ tuˬ le.
20
Chi hta‸ pa taw, Eˇdonˍ chaw leh Teˍmanˍ chaw hui awˬ pon ngaˬ awˬ hkʼaˇ gu piˇ taˍ ve kanˉ teˇ hpaˍ hta‸ na sheˍ. Yawˇ hui ve yaˇ ehˉ teˇ hpaˍ hta‸ ka‸ shu gʼawˬ tawˆ-e leh, chaw hkʼa peu-eˬ kawˆ jaˇ tuˬ yoˬ.
21
Eˇdonˍ mvuhˇmiˬ luˬ kʼai ve teˇ yanˇ, miˬguiˬ hta‸ hiˆ piˇ gʼa law‸ law‸ kuˬ hawˬ ve awˬ hkawˇ bvuhˬ tawˆ la tuˬ yoˬ. Awˬ hkawˇ oˇ ve Laˇ tsuhˇ gʼuiˬ nyi lo hkʼa gaˬ gʼa kaˇ tuˬ yoˬ.
22
Canˇ paˍ teˇ hpaˍ lehˬ, aˉ ceˬ hkʼa shuˍ Bawˇzaˍraˆ venˇ hta‸ kʼa yuˬ tuˬ yoˬ. Awˬ yanˇ oˇ ve gaˬ la htaˇ, Eˇdonˍ ma‸ yaˇ teˇ hpaˍ lehˬ, yaˇ paw tuˬ naˬ chehˇ ve yaˇ miˇ hkʼa shuˍ kawˆ jaˇ tuˬ yoˬ, teh‸ Gʼuiˬsha kʼoˆ ve yoˬ.
23
Daˍmaˍsehˆ venˇ awˬ lawn Gʼuiˬsha chi hkʼe kʼoˆ ve yoˬ. Haˍmaˆ venˇ yaˇ leh Aˍpaˆ venˇ yaˇ teˇ hpaˍ lehˬ, maˇ da‸ ve awˬ lawn sha tanˇ gʼa kaˇ ve pa taw, dawˇ haˍ tuˬ awˬ ceuˬ lehˬ laˇ tsuhˇ gʼuiˬ hkʼa shuˍ, yawˇ hui awˬ hkʼoˆ hoˆ beh la chehˇ ve yoˬ.
24
Daˍmaˍsehˆ venˇ yaˇ teˇ hpaˍ lehˬ, gʼaˇ nuˇ jaˇ leh kawˆ jaˇ ve hkʼaw hpaw toˇ chehˇ ve yoˬ. Yawˇ hui lehˬ yaˇ paw tuˬ naˬ chehˇ ve yaˇ miˇ hkʼa shuˍ, naˬ jaˇ leh dawˇ maˇ tawˆ te chehˇ ve yoˬ.
25
Ponˬ laˬ htaˇ awˬ meh bvuhˬ leh ha lehˬ chehˇ ve venˇ lehˬ, chi beu‸ gawˬ cu gawˬ pehˆ hpeh‸ kʼai peuˬ.
26
Awˬ nyi oˇ ve gaˬ la htaˇ, yawˇ ve ma‸ yaˇ teˇ hpaˍ lehˬ, ya‸ kʼaw hkʼoˆ lo shu tiˇ pehˍ ve hta‸ gʼa hkanˍ tuˬ yoˬ.
27
Daˍmaˍsehˆ lanˇ venˇ hta‸ ngaˬ aˬ miˍ tuˉ baˬ leh, jawˇmawˇ Beˍhaˍdaˆ ve hawˉ yehˬ hta‸ htawˇ ngaˬ aˬ miˍ tuˉ baˬ tuˬ yoˬ, teh‸ Gʼuiˬsha kʼoˆ ve yoˬ.
28
Keˍdaˍ chaw leh Baˍbuˍlonˍ jawˇmawˇ Neˍbuˍhkaˍneˍzaˍ bawˆ yuˬ ve hta‸ gʼa hkanˍ ve Haˍzawˇ venˇ awˬ lawn Gʼuiˬsha chi hkʼe kʼoˆ ve yoˬ. Mvuhˇ nyi tawˆ hpawˇ lo chehˇ ve Keˍdaˍ chaw chi teˇ ceuˬ hta‸ te luˬ te sheˆ piˇ-oˆ.
29
Yawˇ hui ve aˉ po kʼo, yawˇ hui ve ceˇ caˬ, leh aˉ po kʼo hkʼaw hkʼa cawˬ ve mawˇ hta‸ hiˉ yuˬ-o‸. Yawˇ hui ve kaˍlaˍoˆ teˇ hpaˍ hta‸ htawˇ yuˬ leh, Kawˆ tuˬ ve awˬ ceuˬ nawˬ hui hta‸ caw zuhˇ chehˇ ve yoˬ, teh‸ yawˇ hui hta‸ kʼoˆ piˇ-oˆ.
30
Haˍzawˇ venˇ yaˇ teˇ hpaˍ-oˬ, vuiˇ kuiˬ lo hpaw-e leh ca va‸ taˍ-o‸. Ngaˬ nawˬ hui hta‸ shaˍ ti‸ pe‸ laˇ ve yoˬ. Baˍbuˍlonˍ jawˇmawˇ Neˍbuˍhkaˍneˍzaˍ nawˬ hui hta‸ ca te luˬ la tuˬ dawˇ nyi chehˇ leh,
31
Laˬ-o‸. Gawˬ lehˍ chehˇ taˍ ve chaw oˇ ve teˇ hpaˍ hta‸ ngaˬ hui ca te luˬ piˇ-a veuˬ. Yawˇ hui ve venˇ teˇ hpaˍ lehˬ taˍ meu‸ hpe‸ maˇ cawˬ leh, te‸ chiˉ maˇ ko taˍ, teh‸ kʼoˆ chehˇ ve yoˬ.
32
Yawˇ hui ve kaˍlaˍoˆ leh nuˇ hkʼa peu-eˬ hta‸ hiˉ yuˬ-o‸. Uˉ hkeh mvuh ngeh chaweh nuˆ taˍ ve chaw oˇ ve teˇ hpaˍ hta‸, ngaˬ hkʼaˬ ti chi ti lo hpaˆ da‸ kʼai piˇ leh, yawˇ hui awˬ hkʼoˆ lo kawˆ tuˬ dawˇ haˍ tuˬ awˬ ceuˬ gaˬ la piˇ tuˬ yoˬ.
33
Haˍzawˇ venˇ hta‸ ngaˬ te luˬ piˇ leh, heh hpuiˇ teˇ hpaˍ ve chehˇ kuiˬ hpeh‸ la piˇ tuˬ yoˬ. Oˇ kaˬ lo chaw teˇ gʼaˇ ka‸ kʼaw‸ chehˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
34
Yuˇda‸ mvuhˇmiˬ hta‸ jawˇmawˇ Zeˍdaˍkiˆ uˉ peunˍ peuˬ hkʼaw‸ nawˉ, maˇ maw maw Eˇlanˍ mvuhˇmiˬ awˬ lawn Gʼuiˬsha ngaˬ hta‸ chi hkʼe kʼoˆ laˇ ve yoˬ.
35
Yawˇ kʼoˆ ve, Eˇlanˍ mvuhˇmiˬ hta‸ awˬ gʼaˇ uiˍ la tuˬ te piˇ chehˇ ve hkaˆ bawˆ paˍ hkʼa peu-eˬ ve hta‸ ngaˬ tiˇ pehˍ piˇ tuˬ yoˬ.
36
Eˇlanˍ mvuhˇmiˬ teˇ hpawˇ le le lo ngaˬ mvuhˇ haw lonˉ meuˆ laˬ piˇ leh, yawˇ ve chaw maˇ ca chehˇ ve mvuhˇmiˬ maˇ cawˬ htaˇ hkʼa gaˬ, yawˇ ve mvuhˇmiˬ yaˇ teˇ hpaˍ hta‸ ngaˬ hpaˆ da‸ kʼai piˇ tuˬ yoˬ.
37
Eˇlanˍ chaw teˇ hpaˍ lehˬ, canˇ paˍ hta‸ kawˆ jaˇ ve nyi ma cawˬ la tuˬ ngaˬ te piˇ tuˬ yoˬ. Nyi ma zuhˆ jaˇ ve hkʼaw ma‸ moˍ lonˉ teˇ hpaˍ hta‸ ngaˬ yawˇ hui geh kʼai tcuh leh, yawˇ hui hta‸ te luˬ te sheˆ piˇ tuˬ yoˬ.
38
Yawˇ hui ve jawˇmawˇ leh awˬ hoˉ awˬ naˬ hkʼa peu-eˬ ve hta‸ ngaˬ te luˬ te sheˆ piˇ leh, oˇ kaˬ lo ngaˬ ve kʼaw jaw hta‸ ngaˬ te tuˬ yoˬ.
39
Ya‸ hkʼaˇ, teˇ nyi gaˬ kʼo Eˇlanˍ chaw hui hta‸ ngaˬ kʼaw‸ uiˍ la da‸ la piˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52