bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 32
Jeremiah 32
Lahu Bible Edited © Thailand Bible Society and Bible Society of Myanmar, 2010, 2020.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
1
Yuˇda‸ mvuhˇmiˬ hta‸ Zeˍdaˍkiˆ uˉ peunˍ ve teˇ chi hkʼaw‸ leh, Baˍbuˍlonˍ mvuhˇmiˬ hta‸ jawˇmawˇ Neˍbuˍhkaˍneˍzaˍ uˉ peunˍ ve teˇ chi hiˉ hkʼaw‸ gaˬ ve teˇ yanˇ, Gʼuiˬsha ngaˬ hta‸ tawˇ yaw laˇ ve yoˬ.
2
Awˬ yanˇ oˇ ve awˬ hkʼaw lo, Baˍbuˍlonˍ jawˇmawˇ Neˍbuˍhkaˍneˍzaˍ lehˬ, Yeˍruˆsaˍlehnˍ venˇ hta‸ ca bawˆ la chehˇ taˍ peuˬ. Ngaˬ lehˬ, hawˉ yehˬ hkʼaw shu hpeh haw taˍ laˇ ve hta‸ gʼa hkanˍ chehˇ taˍ ve yoˬ.
3
Gʼuiˬsha ve tawˇ hta‸ ngaˬ yaw ve pa taw, jawˇmawˇ Zeˍdaˍkiˆ ngaˬ hta‸ hpeh haw taˍ laˇ ve yoˬ. Gʼuiˬsha kʼoˆ ve, Venˇ chi hta‸ Baˍbuˍlonˍ jawˇmawˇ ve la‸ sheh hkʼaw lo ngaˬ chiˇ a‸ piˇ tuˬ yoˬ.
4
Jawˇmawˇ Zeˍdaˍkiˆ lehˬ, gʼa ponˬ tuˬ ve maˇ heˆ. Yawˇ lehˬ, Baˍbuˍlonˍ jawˇmawˇ ve la‸ sheh hkʼaw lo gʼa gaˬ tuˬ yoˬ. Yawˇ lehˬ Baˍbuˍlonˍ jawˇmawˇ hta‸ mehˆ hpfuhˇ tawˍ da‸ leh, tawˇ gʼa yaw da‸ tuˬ yoˬ.
5
Zeˍdaˍkiˆ lehˬ, Baˍbuˍlonˍ mvuhˇmiˬ lo shiˍ kʼai ve hta‸ gʼa hkanˍ leh, ngaˬ yawˇ hta‸ tawˇ maˇ yaw piˇ sheˍ ve ceh ceh, yawˇ oˇ kaˬ lo gʼa chehˇ taˍ tuˬ yoˬ. Yawˇ Baˍbuˍlonˍ chaw hui hta‸ ma‸ bawˆ da‸ ve htawˇ, gʼaˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
6
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
7
Nawˬ ve aˉ shuˍ paˍ Shaˍlonˍ ve yaˇ Haˍnaˍmeˍlaˆ lehˬ, Aˍnaˍtoˆ venˇ hkʼaw cawˬ ve yawˇ ve ti mi nawˬ hta‸ ca na hawˇ la tuˬ yoˬ. Nawˬ lehˬ, yawˇ ve awˬ ceuˬ awˬ hkʼaˇ hpeh‸ ve pa taw, awˬ liˇ awˬ hkʼaˇ cawˬ ve hkʼe, nawˬ hta‸ awˉ lawˉ ca na hawˇ la tuˬ yoˬ, teh‸ ngaˬ hta‸ kʼoˆ laˇ ve yoˬ.
8
Maˇ maw maw Gʼuiˬsha kʼoˆ ve hkʼe, Haˍnaˍmeˍlaˆ ngaˬ geh hawˉ yehˬ lo laˬ leh, yawˇ ve ti mi ca na hawˇ laˇ ve yoˬ. Hkʼe te leh, Gʼuiˬsha ngaˬ hta‸ awˬ tehˬ awˬ na tawˇ yaw laˇ peuˬ ve hta‸ ngaˬ gʼa shiˍ ve yoˬ.
9
Oˇ htaˇ, ngaˬ lehˬ yawˇ ve ti mi hta‸ vuiˬ yuˬ leh, hpu teˇ chi suhˍ hteh‸ tsuh piˇ ve yoˬ.
10
Ti mi vuiˬ ve awˬ lawn chi, chaw chi ma ve mehˆ gʼuˇ suhˍ lo li‸ bvuh‸ cheˆ leh hpu tsuh piˇ ve yoˬ.
11
Peuˬ hkʼaw‸ nawˉ, li‸ bvuh‸ cheˆ leh cuˍ dawˆ taˍ ve li‸ leh, cuˍ maˇ dawˆ taˍ ve li‸ oˇ ve nyiˇ kʼoˆ kʼoˆ hta‸ yuˬ leh,
12
Maˍseˍyaˆ ve awˬ hawehˍ, Neˍriˆ ve yaˇ Baˍruˆ hta‸ piˇ ve yoˬ. Haˍnaˍmeˍlaˆ leh awˬ nu ve shaˉ hkiˆ chi ma ve gʼuˇ suhˍ li‸ oˇ ve ngaˬ yawˇ hta‸ piˇ ve yoˬ.
13
Yawˇ hui chi ma ve gʼuˇ suhˍ, ngaˬ Baˍruˆ hta‸ chi hkʼe kʼoˆ piˇ ve yoˬ.
14
Li‸ chi teˇ hpaˍ hta‸ yuˬ leh ha‸ shaˉ taˍ tuˬ, Iˉsaˍreˍlaˆ ve Gʼuiˬsha nawˬ hta‸ tawˇ pe‸ laˇ ve yoˬ. Awˬ hkʼaw‸ awˬ yanˇ maw chaweh hkanˍ tuˬ, je‸ mu‸ hkʼu hkʼaw keu leh faˉ taˍ-o‸.
15
Mvuhˇmiˬ chi awˬ hkʼaw lo yehˬ, ti mi leh a pehˉ meuˇ hko teˇ hpaˍ hta‸ gʼa kʼaw‸ vuiˬ da‸ tuˬ yoˬ, teh‸ Gʼuiˬsha kʼoˆ taˍ peuˬ ve yoˬ, teh‸ ngaˬ yawˇ hta‸ kʼoˆ piˇ ve yoˬ.
16
Li‸ oˇ ve teˇ hpaˍ, ngaˬ Baˍruˆ hta‸ chiˇ a‸ piˇ peuˬ hkʼaw‸ nawˉ, ngaˬ Gʼuiˬsha geh bon chi hkʼe lawˬ ve yoˬ.
17
Kanˇ paˆ uiˍ ve Gʼuiˬsha-oˬ, nawˬ ve kanˇ paˆ hta‸ yehˇ leh, nawˬ lehˬ miˬguiˬ mvuhˇ naw hta‸ te hpanˍ taˍ ve yoˬ. Nawˬ awˬ pon haˍ jaˇ ve kanˉ teˇ ceuˬ ka‸ maˇ cawˬ.
18
Nawˬ lehˬ, chaw awˬ hinˉ awˬ meunˍ gʼaˇ hta‸ ha kʼaˉ piˇ chehˇ ve yoˬ. Ya‸ hkʼaˇ, nawˬ lehˬ awˬ pa awˬ e te ya‸ ve venˇbaˆ awˬ tan yawˇ hui ve yaˇ teˇ hpaˍ hta‸ ciˍ yanˍ piˇ chehˇ ve yoˬ. Nawˬ lehˬ uiˍ jaˇ mvuh jaˇ leh, kanˇ paˆ uiˍ jaˇ ve Gʼuiˬsha hpeh‸ ve yoˬ.
19
Nawˬ lehˬ, da‸ jaˇ ve kanˉ hkʼaˇ laiˉ ceuˬ gu leh, uiˍ jaˇ ve kanˉ laiˉ ceuˬ te chehˇ ve yoˬ. Chaw yaˇ te chehˇ ve kanˉ hta‸ nawˬ mawˬ chehˇ leh, yawˇ hui te ve hta‸ keunˍ da‸ ve hkʼe awˬ bon te piˇ chehˇ ve yoˬ.
20
Aˬ sho-eˬ htaˇ nawˬ lehˬ, Eˇjiˇtu‸ mvuhˇmiˬ hkʼaw, anˇ tuˬ laiˉ ceuˬ te maˍ piˇ jaw ve yoˬ. Chi beu‸ ka‸, Iˉsaˍreˍlaˆ leh awˬ nu ve mvuhˇmiˬ teˇ hpaˍ awˬ hkʼaw lo, nawˬ anˇ tuˬ laiˉ ceuˬ te maˍ laˇ chehˇ ve pa taw, nawˬ ve awˬ meh bvuhˬ jaˇ ve yoˬ.
21
Anˇ tuˬ leh kawˆ tuˬ laiˉ ceuˬ te maˍ piˇ ve awˬ hkʼaw lo, nawˬ ve Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw nawˬ shiˍ tawˆ la piˇ taˍ ve yoˬ.
22
Yawˇ hui ve awˬ puˍ awˬ pi hui hta‸ nawˬ ka ti‸ te taˍ ve hkʼe, hkuiˇ jaˇ da‸ jaˇ ve mvuhˇmiˬ chi, nawˬ yawˇ hui hta‸ piˇ taˍ peuˬ ve yoˬ.
23
Ya‸ hkʼaˇ, yawˇ hui mvuhˇmiˬ chi hkʼaw gaˬ la ve teˇ yanˇ, yawˇ hui lehˬ nawˬ ve tawˇ hta‸ maˇ kʼaw‸ na yuˬ. Nawˬ te tcuh ve kanˉ hta‸ ka‸ maˇ te. Chi hta‸ pa taw, nawˬ yawˇ hui hta‸ luˬ kʼai sheˆ kʼai piˇ lawˬ ve yoˬ.
24
Baˍbuˍlonˍ chaw teˇ hpaˍ lehˬ, venˇ chi ve awˬ jaˇ awˬ ji lo ta‸ kʼoˍ duˇ leh, venˇ chi hta‸ te luˬ piˇ tuˬ law chehˇ taˍ ve yoˬ. Ma‸ bawˆ ve, meu‸ ve kaˆ ve leh naˬ beuˬ gaˬ ve chi teˇ hpaˍ hta‸ pa taw, venˇ chi lehˬ canˇ paˍ hui ve la‸ sheh hkʼaw lo gaˬ tuˬ yoˬ. Nawˬ kʼoˆ taˍ ve hkʼe, awˬ tehˬ awˬ na hpeh‸ la chehˇ taˍ peuˬ ve yoˬ.
25
Ya‸ hkʼaˇ, kanˇ paˆ uiˍ ve Gʼuiˬsha-oˬ, venˇ chi ve Baˍbuˍlonˍ chaw hui ve la‸ sheh hkʼaw lo gaˬ la paˇ neˇ ve htawˇ, chaw chi ma ve mehˆ gʼuˇ suhˍ lo ti mi oˇ ve ngaˬ hta‸ vuiˬ yuˬ tcuh laˇ ve yoˬ, teh‸ kʼoˆ leh bon lawˬ ve yoˬ.
26
Oˇ htaˇ, Gʼuiˬsha ngaˬ hta‸ chi hkʼe kʼaw‸ yaw hkʼaw‸ laˇ ve yoˬ.
27
Ngaˬ lehˬ, chaw hkʼa peu-eˬ ve Gʼuiˬsha hpeh‸ ve yoˬ. Ngaˬ awˬ pon haˍ jaˇ ve kanˉ teˇ ceuˬ ka‸ maˇ cawˬ.
28
Venˇ chi hta‸ Baˍbuˍlonˍ jawˇmawˇ Neˍbuˍhkaˍneˍzaˍ ve la‸ sheh hkʼaw lo ngaˬ chiˇ a‸ piˇ tuˬ yoˬ. Yawˇ hui venˇ chi hta‸ bawˆ yuˬ leh, aˬ miˍ tuˉ baˬ piˇ tuˬ yoˬ.
29
Awˬ lawn kʼo, venˇ yaˇ chi teˇ hpaˍ lehˬ, a shu yawˇ ve yehˬ hkʼoˆ lo Baˍlaˆ gʼuiˬsha hta‸ sha hawnˉ tuˉ tanˇ leh, awˬ kaˍ awˬ nu gʼuiˬsha teˇ hpaˍ hta‸ a pehˉ meuˇ gʼuiˬ tanˇ piˇ ve hkʼaw, ngaˬ hta‸ nyi ma zuhˆ tuˬ te laˇ chehˇ ve pa taw yoˬ.
30
Awˬ hkuiˉ puiˍ htaˇ ka‸, Iˉsaˍreˍlaˆ chaw leh Yuˇda‸ chaw teˇ hpaˍ lehˬ, ngaˬ a loˍ maˇ cawˇ ve kanˉ hta‸ te leh, ngaˬ nyi ma zuhˆ tuˬ te chehˇ ve yoˬ.
31
Venˇ chi hta‸ tanˬ kawˍ ve teˇ nyi hta‸ te leh ya‸ nyi hkʼa gaˬ, yawˇ hui ngaˬ nyi ma zuhˆ tuˬ tiˉ te laˇ chehˇ ve yoˬ. Chi hta‸ pa taw, venˇ chi hta‸ te luˬ piˇ tuˬ ngaˬ dawˇ cheˆ taˍ peuˬ.
32
Yeˍruˆsaˍlehnˍ venˇ yaˇ leh jawˇmawˇ teˇ hpaˍ maˇ kʼoˆ, paw hkuˇ leh tcuh kaˍ paˍ teˇ hpaˍ maˇ kʼoˆ, haiˬ ve kanˉ hta‸ tiˉ te chehˇ ve yoˬ.
33
Yawˇ hui ngaˬ hta‸ baˬ taˉ peuˬ. Ngaˬ yawˇ hui hta‸ maˍ piˇ tcuhˉ taˍ ve htawˇ, yawˇ hui ngaˬ ve tawˇ hta‸ maˇ na yuˬ.
34
Ngaˬ ve bon yehˬ hkʼaw lo, yawˇ hui ve shaˉ ho‸ teˇ hpaˍ yuˬ keu leh, bon yehˬ hta‸ cha‸ chiˆ tuˬ te ve yoˬ.
35
Hiˆnonˍ miˬ tawˬ kuiˬ lo, Baˍlaˆ gʼuiˬsha hta‸tuˉ tanˇ kuiˬ te leh, Mawˇloˆ gʼuiˬsha hta‸ a shu yawˇ ve yaˇ tuˉ tanˇ piˇ chehˇ ve yoˬ. Chi hkʼe te tuˬ, ngaˬ yawˇ hui hta‸ teˇ pawˆ ka‸ maˇ maˍ piˇ jaw. Dawˇ ka‸ maˇ dawˇ nyi jaw, teh‸ Gʼuiˬsha kʼoˆ ve yoˬ.
36
Iˉsaˍreˍlaˆ ve Gʼuiˬsha ngaˬ hta‸ chi hkʼe kʼoˆ laˇ ve yoˬ. Yeˍraˍmiˆ-oˬ, ma‸ bawˆ ve, meu‸ ve kaˆ ve leh naˬ beuˬ gaˬ ve pa taw, venˇ chi ve Baˍbuˍlonˍ jawˇmawˇ ve la‸ sheh hkʼaw lo gʼa gaˬ tuˬ yoˬ, teh‸ chaw yaˇ teˇ hpaˍ kʼoˆ chehˇ ve yoˬ. Chi beu‸ ngaˬ kʼoˆ laˇ tuˬ ve tawˇ hta‸ na sheˍ.
37
Ngaˬ nyi ma zuhˆ jaˇ ve hkʼaw, hkʼaˬ hpawˇ chi hpawˇ hpaˆ da‸ kʼai piˇ taˍ ve chaw chi teˇ hpaˍ hta‸, ngaˬ teˇ pawˆ kʼaw‸ shaw hpoˆ leh, choˬ kaˬ lo kʼaw‸ shiˍ hkʼaw‸ veu laˇ tuˬ yoˬ. Yawˇ hui choˬ kaˬ lo gawˬ lehˍ gʼa kʼaw‸ chehˇ tuˬ yoˬ.
38
Oˇ htaˇ, yawˇ hui ngaˬ ve chaw hpeh‸ leh, ngaˬ lehˬ yawˇ hui ve Gʼuiˬsha hpeh‸ tuˬ yoˬ.
39
Yawˇ hui nyi ma teˇ shiˍ tiˉ te leh, ngaˬ hta‸ co co taiˍ taiˍ oˉ kʼoˍ pui tuˬ ngaˬ te piˇ tuˬ yoˬ. Chi hkʼe te piˇ ve lehˬ, yawˇ hui maˇ kʼoˆ, yawˇ hui ve awˬ ceuˬ awˬ hkʼaˇ teˇ hpaˍ maˇ kʼoˆ, da‸ la tuˬ awˬ pon hpeh‸ ve yoˬ.
40
Ngaˬ yawˇ hui hta‸ co co taiˍ taiˍ yeˬ ve ka ti‸ shaˉ caˆ te piˇ tuˬ yoˬ. Yawˇ hui ngaˬ hta‸ maˇ gʼa baˬ taˉ tuˬ, ngaˬ yawˇ hui hta‸ hkʼaˬ htaˆ ka‸ awˬ bon na‸ piˇ leh, nyi ma awˬ tawˬ hkʼa gaˬ yawˇ hui ngaˬ hta‸ kawˆ puiˉ la tuˬ, ngaˬ te piˇ tuˬ yoˬ.
41
Ngaˬ yawˇ hui hta‸ ha lehˬ ha kʼa awˬ bon na‸ piˇ leh, mvuhˇmiˬ chi hkʼaw co co taiˍ taiˍ chehˇ tcuh piˇ tuˬ yoˬ.
42
Kawˆ tuˬ dawˇ haˍ tuˬ awˬ ceuˬ ngaˬ yawˇ hui awˬ hkʼoˆ gaˬ la piˇ peuˬ ve hkʼe, ngaˬ ka ti‸ te taˍ ve da‸ ve awˬ bon teˇ hpaˍ ngaˬ yawˇ hui awˬ hkʼoˆ kʼaw‸ gaˬ la piˇ tuˬ yoˬ.
43
Mvuhˇmiˬ chi lehˬ, chaw yaˇ maˇ kʼoˆ, to nuˇ to shaˆ maˇ kʼoˆ, chehˇ maˇ hpeh‸ ve gawˬ cu gawˬ pehˆ ve mvuhˇmiˬ hpeh‸ leh, Baˍbuˍlonˍ jawˇmawˇ hta‸ chiˇ a‸ piˇ peuˬ ve mvuhˇmiˬ hpeh‸ ve yoˬ, teh‸ chaw yaˇ teˇ hpaˍ kʼoˆ chehˇ ve yoˬ. Ya‸ hkʼaˇ, mvuhˇmiˬ chi hkʼaw cawˬ ve ti mi teˇ hpaˍ hta‸ teˇ pawˆ gʼa kʼaw‸ vuiˬ da‸ tuˬ yoˬ.
44
Chaw yaˇ teˇ hpaˍ lehˬ, vuiˬ da‸ pa da‸ ve li‸ bvuh‸ cheˆ leh, shaˉ hkiˆ hkanˍ da‸ tuˬ yoˬ. Beˍyaˍmenˍ mvuhˇmiˬ hkʼaw maˇ kʼoˆ, choˬ kaˬ Yeˍruˆsaˍlehnˍ venˇ hkʼaw maˇ kʼoˆ, Yuˇda‸ mvuhˇmiˬ hkʼaw hkʼoˆ lawˬ hkʼoˆ lo maˇ kʼoˆ, chi hkʼe te da‸ tuˬ yoˬ. Yawˇ hui ve mvuhˇmiˬ, ngaˬ yawˇ hui hta‸ kʼaw‸ hkʼaw‸ piˇ tuˬ yoˬ, teh‸ Gʼuiˬsha kʼoˆ ve yoˬ.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52