bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 11
Jeremiah 11
Lahu Bible Edited © Thailand Bible Society and Bible Society of Myanmar, 2010, 2020.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 12 →
1
Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ.
2
Ka ti‸ tawˇ hkawˇ chi hta‸ na sheˍ. Ngaˬ Gʼuiˬsha lehˬ, ka ti‸ tawˇ hkawˇ chi hta‸ maˇna yuˬ ve chaw hta‸ hkeu piˇ tuˬ yoˬ, teh‸
3
Yuˇda‸ chaw leh Yeˍruˆsaˍlehnˍ venˇ yaˇ teˇ hpaˍ hta‸ ca hto piˇ-oˆ.
4
Yawˇ hui ve awˬ puˍ awˬ pi teˇ hpaˍ hta‸ aˬ miˍ buiˬ hpfuh hkʼe hpeh‸ ve Eˇjiˇtu‸ mvuhˇmiˬ hkʼaw lo ngaˬ shiˍ tawˆ la piˇ chehˇ htaˇ, ka ti‸ tawˇ hkawˇ chi ngaˬ yawˇ hui hta‸ piˇ taˍ peuˬ ve yoˬ. Yawˇ hui ngaˬ ve tawˇ hta‸ na leh, ngaˬ kʼoˆ taˍ ve hkʼe te tuˬ, yawˇ hui hta‸ kʼoˆ maˍ piˇ taˍ ve yoˬ. Yawˇ hui ngaˬ ve tawˇ hta‸ na yuˬ ve kʼo, ngaˬ lehˬ yawˇ hui ve Gʼuiˬsha hpeh‸ leh, yawˇ hui lehˬ ngaˬ ve chaw hpeh‸ tuˬ yoˬ, teh‸ ngaˬ yawˇ hui hta‸ kʼoˆ piˇ taˍ peuˬ ve yoˬ.
5
Oˇ htaˇ, ngaˬ lehˬ chi beu‸ yawˇ hui chehˇ taˍ ve hkuiˇ jaˇ da‸ jaˇ ve mvuhˇmiˬ chi, yawˇ hui hta‸ piˇ laˇ tuˬ yoˬ, teh‸ yawˇ hui ve awˬ puˍ awˬ pi hui hta‸ kʼoˆ piˇ taˍ ve ka ti‸ hta‸ dawˇ nawˇ chehˇ tuˬ yoˬ, teh‸ ngaˬ hta‸ kʼoˆ laˇ ve yoˬ. Gʼuiˬsha-oˬ, ngaˬ kʼoˆ piˇ tuˬ yoˬ, teh‸ kʼaw‸ yaw hkʼaw‸ piˇ ve yoˬ.
6
Oˇ ve hkʼaw‸ nawˉ, Gʼuiˬsha ngaˬ hta‸ chi hkʼe kʼaw‸ kʼoˆ laˇ ve yoˬ. Yuˇda‸ venˇ teˇ hpaˍ leh Yeˍruˆsaˍlehnˍ venˇ lo kʼai leh, ngaˬ ve ka ti‸ tawˇ hkawˇ chi hta‸ na yuˬ leh te tuˬ yawˇ hui hta‸ ca kʼoˆ piˇ-oˆ.
7
Yawˇ hui ve awˬ puˍ awˬ pi teˇ hpaˍ hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ la piˇ chehˇ htaˇ, yawˇ hui ngaˬ ve tawˇ hta‸ na yuˬ tuˬ shaˍ ti‸ piˇ chehˇ ve yoˬ. Ya‸ nyi hkʼa gaˬ, ngaˬ yawˇ hui hta‸ shaˍ ti‸ piˇ chehˇ taˍ sheˍ ve yoˬ.
8
Ya‸ hkʼaˇ, yawˇ hui maˇ na yuˬ. Ponˬ laˬ htaˇ hkʼe, awˬ haiˬ hta‸ tiˉ te chehˇ ve yoˬ. Ka ti‸ tawˇ hkawˇ chi ve hta‸ na yuˬ tuˬ, ngaˬ kʼoˆ piˇ ve yoˬ. Ya‸ hkʼaˇ, yawˇ hui maˇ na. Chi hta‸ pa taw, ka ti‸ tawˇ hkawˇ awˬ hkʼaw lo kʼoˆ taˍ ve ciˍ yanˍ tuˬ awˬ ceuˬ hkʼa peu-eˬ, ngaˬ yawˇ hui awˬ hkʼoˆ lo gaˬ la piˇ ve yoˬ, teh‸ ngaˬ hta‸ kʼoˆ laˇ ve yoˬ.
9
Gʼuiˬsha kʼaw‸ kʼoˆ ve, Yuˇda‸ chaw leh Yeˍruˆsaˍlehnˍ venˇ yaˇ teˇ hpaˍ, ngaˬ hta‸ kʼaw‸ hpfuhˆ chehˇ ve yoˬ.
10
Yawˇ hui lehˬ, ngaˬ ve tawˇ hta‸ maˇ na yuˬ puiˉ ve yawˇ hui ve awˬ puˍ awˬ pi hui hkʼa shuˍ, venˇbaˆ hta‸ kʼaw‸ te chehˇ ve yoˬ. Yawˇ hui lehˬ, awˬ kaˍ awˬ nu ve gʼuiˬsha teˇ hpaˍ hta‸ oˉ kʼoˍ pui chehˇ ve yoˬ. Iˉsaˍreˍlaˆ leh Yuˇda‸ chaw hui lehˬ, ngaˬ yawˇ hui ve awˬ puˍ awˬ pi hui hta‸ te piˇ taˍ ve ka ti‸ hta‸ te luˬ peuˬ.
11
Chi hta‸ pa taw, ngaˬ Gʼuiˬsha lehˬ yawˇ hui teˇ gʼaˇ ka‸ ponˬ maˇ hpeh‸ ve luˬ ve sheˆ ve awˬ ceuˬ yawˇ hui awˬ hkʼoˆ lo gaˬ la piˇ tuˬ yoˬ. Yawˇ hui ngaˬ hta‸ kuˬ ca ve htawˇ, ngaˬ na yuˬ piˇ tuˬ ve maˇ heˆ.
12
Oˇ htaˇ, Yuˇda‸ leh Yeˍruˆsaˍlehnˍ venˇ yaˇ teˇ hpaˍ lehˬ, yawˇ hui oˉ kʼoˍ pui chehˇ ve gʼuiˬsha teˇ hpaˍ geh ca lawˬ hkawˉ tuˬ yoˬ. Ya‸ hkʼaˇ, gʼuiˬsha oˇ ve teˇ hpaˍ lehˬ, luˬ kuiˬ sheˆ kuiˬ chi hkʼaw yawˇ hui hta‸ ponˬ piˇ gʼa tuˬ ve maˇ heˆ.
13
Yuˇda‸ chaw hui ve venˇ teˇ hpaˍ maˇ jaˇ ve hkʼe, yawˇ hui ve gʼuiˬsha teˇ hpaˍ htawˇmaˇ jaˇ ve yoˬ. Yeˍruˆsaˍlehnˍ venˇ hkʼaw ya‸ kʼaw cawˬ maˇ jaˇ ve hkʼe, venˇ oˇ ve awˬ hkʼaw lo Baˍlaˆ gʼuiˬsha hta‸ tuˉ tanˇ kuiˬ cawˬ maˇ jaˇ ve yoˬ.
14
Yeˍraˍmiˆ-oˬ, chaw chi teˇ hpaˍ awˬ pon ngaˬ hta‸ taˇ lawˬ hkawˉ chehˇ loˬ. Yawˇ hui dawˇ haˍ leh ngaˬ hta‸ kuˬ ve teˇ yanˇ, ngaˬ na yuˬ piˇ tuˬ ve maˇ heˆ, teh‸ ngaˬ hta‸ kʼoˆ laˇ ve yoˬ.
15
Gʼuiˬsha kʼoˆ ve, Ngaˬ ha‸ ve chaw teˇ hpaˍ lehˬ, haiˬ ve kanˉ hta‸ tiˉ te chehˇ ve yoˬ. Yawˇ hui ngaˬ ve bon yehˬ hkʼaw chehˇ taˍ ve aˬ hto‸ ma tcuhˉ kuiˬ cawˬ le. Ka ti‸ te ve awˬ hkʼaw lo, to nuˇ to shaˆ tuˉ tanˇ ve pa taw, luˬ ve sheˆ ve hta‸ tawˍ taˍ gʼa tuˬ yoˬ, teh‸ yawˇ hui dawˇ chehˇ ve laˇ. Oˇ hkʼe te ve pa taw, yawˇ hui ha lehˬ la hpeh‸ tuˬ laˇ.
16
Teˇ pawˆ htaˇ ngaˬ yawˇ hui hta‸ awˬ shiˍ hkʼa biˇ naw‸ chehˇ ve shaˍlonˍ cehˬ teh‸ kʼoˆ jaw ve yoˬ. Ya‸ hkʼaˇ, chi beu‸ mvuhˇ tawˍ ve awˬ hkawˇ hkʼe, shaˍlonˍ hpa‸ oˇ ve teˇ hpaˍ hta‸ aˬ miˍ tuˉ baˬ leh, awˬ kʼaˉ teˇ hpaˍ hta‸ awˉ hteh piˇ tuˬ yoˬ.
17
Ngaˬ Gʼuiˬsha lehˬ, Iˉsaˍreˍlaˆ leh Yuˇda‸ hta‸ ti taˍ ve yoˬ. Ya‸ hkʼaˇ, chi beu‸ ngaˬ yawˇ hui hta‸ te luˬ piˇ tuˬ kʼoˆ chehˇ ve yoˬ. Chi hkʼe hpeh‸ la ve lehˬ, yawˇ hui te ya‸ ve pa taw yoˬ. Yawˇ hui Baˍlaˆ gʼuiˬsha hta‸ tuˉ tanˇ leh ngaˬ nyi ma zuhˆ tuˬ te peuˬ, teh‸ Gʼuiˬsha kʼoˆ ve yoˬ.
18
Ngaˬ ve canˇ paˍ teˇ hpaˍ ngaˬ hta‸ tiˇ pehˍ tuˬ awˬ hkʼaˇ gu chehˇ ve awˬ lawn Gʼuiˬsha ngaˬ hta‸ kʼoˆ laˇ ve yoˬ.
19
Ngaˬ lehˬ, tiˇ pehˍ tuˬ sheh tawˆ-e chehˇve yawˬ ehˉ hkʼe hpeh‸ ve yoˬ. Yawˇ hui ngaˬ hta‸ tiˇ pehˍ tuˬ awˬ hkʼaˇ gu chehˇ ve hta‸ ngaˬ maˇ shiˍ. Yawˇ hui chi hkʼe kʼoˆ ve, Suhˆ cehˬ chi maˇ uiˍ tui‸ sheˍ htaˇ ka‸ ngaˬ hui htu baˬ-a veuˬ. Chaw teˇ gʼaˇ ka‸ yawˇ hta‸ maˇ gʼa kʼaw‸ dawˇ nawˇ tuˬ, ngaˬ hui yawˇ hta‸ tiˇ pehˍ-a veuˬ, teh‸ kʼoˆ chehˇ ve yoˬ.
20
Oˇ htaˇ ngaˬ chi hkʼe bon lawˬ ve, Kanˇ paˆ uiˬ ve Gʼuiˬsha-oˬ, nawˬ lehˬ hteˇ ve cawˇ ve suhˉ jehˬ shehˍ hpaˇ hpeh‸ ve yoˬ. Nawˬ lehˬ, chaw yaˇ ve nyi ma leh dawˇ hkʼaˇ hta‸ lawˇ nyi ve yoˬ. Ngaˬ ve kanˉ chi nawˬ ve la‸ sheh hkʼaw chiˇ a‸ laˇ ve yoˬ. Chi hta‸ pa taw, chaw chi teˇ hpaˍ hta‸ nawˬ kʼaw‸ te hkʼaw‸ piˇ chehˇ ve ngaˬ hta‸ a ciˉ mawˬ tcuh laˇ-oˆ, teh‸ kʼoˆ leh bon lawˬ ve yoˬ.
21
Aˍnaˍtoˆ venˇ yaˇ teˇ hpaˍ lehˬ, ngaˬ hta‸ suh-e piˇ lawˬ gaˇ ve yoˬ. Ngaˬ Gʼuiˬsha ve tawˇ hta‸ tiˉ kʼaw‸ caˉ leh yaw chehˇ ve kʼo, yawˇ hui ngaˬ hta‸ tiˇ pehˍ tuˬ kʼoˆ laˇ ve yoˬ.
22
Chi hta‸ pa taw, kanˇ paˆ uiˍ ve Gʼuiˬsha kʼoˆ ve, Ngaˬ yawˇ hui hta‸ ciˍ yanˍ piˇ tuˬ yoˬ. Yawˇ hui ve yaˇ teˇ hpaˍ lehˬ, ma‸ bawˆ kuiˬ lo gʼa suh-e leh, yawˇ hui ve yaˇ ehˉ teˇ hpaˍ lehˬ, awˍ meu‸ suh-e tuˬ yoˬ.
23
Aˍnaˍtoˆ venˇ yaˇ hui hta‸ ciˍ yanˍ piˇ tuˬ, awˬ yanˇ teˇ yanˇ hta‸ ngaˬ fuiˍ teh taˍ peuˬ. Awˬ yanˇ oˇ ve gaˬ la htaˇ, yawˇ hui teˇ gʼaˇ ka‸ gʼa te‸ chehˇ taˉ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52