bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 52
Jeremiah 52
Lahu Bible Edited © Thailand Bible Society and Bible Society of Myanmar, 2010, 2020.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Zeˍdaˍkiˆ a sha‸ nyiˇ chi teˇ hkʼaw‸ gaˬ ve teˇ yanˇ, Yuˇda‸ mvuhˇmiˬ hta‸ tanˬ uˉ peunˍ ve yoˬ. Yeˍruˆsaˍlehnˍ venˇ hta‸ yawˇ teˇ chi teˇ hkʼaw‸ uˉ peunˍ ve yoˬ. Yawˇ ve awˬ e lehˬ, Liˆbaˍnaˍ venˇ hkʼaw chehˇ ve Yeˍraˍmiˆ ve yaˇ miˇ Haˍmuˇ taˍlaˆ hpeh‸ ve yoˬ.
2
Jawˇmawˇ Yawˇyaˍkenˍ hkʼa shuˍ, Zeˍdaˍkiˆ htawˇ Gʼuiˬsha hta‸ te ya‸ jaˇ ve yoˬ.
3
Hkʼe te leh, Gʼuiˬsha lehˬ Yuˇda‸ chaw leh Yeˍruˆsaˍlehnˍ venˇ yaˇ teˇ hpaˍ hta‸ nyi ma zuhˆ jaˇ leh, yawˇ hui hta‸ gʼa‸ kʼoˬ piˇ ve yoˬ. Zeˍdaˍkiˆ lehˬ, Baˍbuˍlonˍ jawˇmawˇ Neˍbuˍhkaˍneˍzaˍ hta‸ kʼaw‸ hpfuhˆ ve pa taw,
4
Yuˇda‸ mvuhˇmiˬ hta‸ Zeˍdaˍkiˆ uˉ peunˍ ve kʼawˇ hkʼaw‸ teˇ hkʼaw‸, ha pa teˇ chi maˬ, teˇ chi nyi htaˇ, jawˇmawˇ Neˍbuˍhkaˍneˍzaˍ lehˬ, yawˇ ve ma‸ yaˇ teˇ hpaˍ hta‸ shiˍ laˬ leh, Yeˍruˆsaˍlehnˍ venˇ hta‸ ca bawˆ la ve yoˬ. Yawˇ hui venˇ baˬ lo ta‸ kʼoˍ duˇ taˍ leh,
5
Zeˍdaˍkiˆ uˉ peunˍ ve teˇ chi hkʼaw‸ gaˬ htaˇ hkʼa gaˬ, venˇ oˇ ve hta‸ caw hoˆ taˍ ve yoˬ.
6
Oˇ ve teˇ hkʼaw‸ ha pa awˇ maˬ teˇ maˬ, kʼawˇ nyi gaˬ ve teˇ yanˇ caˇ tuˬ dawˬ tuˬ peuˬ kʼai leh, meu‸ lonˉ kaˆ lonˉ gaˬ la ve yoˬ.
7
Oˇ htaˇ, lanˇ venˇ teˇ hpaˍ paˆ kʼai ve yoˬ. Baˍbuˍlonˍ ma‸ yaˇ venˇ hta‸ caw hoˆ taˍ ve htawˇ, mvuhˇ hpeu‸ htaˇ ma‸ yaˇ teˇ hpaˍ hpaw tawˆ-e peuˬ sheˬ ve yoˬ. Yawˇ hui hko hkʼaw lo kʼai leh, lanˇ venˇ nyiˇ maˬ kaˍ lo cawˬ ve taˍ meu‸ hpe‸ hta‸ hpanˍ kʼai peuˬ hkʼaw‸ nawˉ, Yawˇdanˍ miˬ tawˬ kuiˬ hpawˇ lo hpaw tawˆ-e ve yoˬ.
8
Ya‸ hkʼaˇ, Baˍbuˍlonˍ ma‸ yaˇ teˇ hpaˍ yawˇ hui hta‸ gʼa‸ yuˬ leh, Yeˍriˆhkoˇ venˇ paˇ lo yawˇ hui Zeˍdaˍkiˆ hta‸ hpeh gʼa ve yoˬ. Yawˇ ve ma‸ yaˇ teˇ hpaˍ yawˇ hta‸baˬ taˉ leh hpaw-e ve yoˬ.
9
Hkʼe te leh, yawˇ hui yawˇ hta‸ Haˍmaˆ mvuhˇmiˬ, Riˇbaˍlaˆ venˇ hkʼaw chehˇ taˍ ve jawˇmawˇ Neˍbuˍhkaˍneˍzaˍ geh shiˍ laˬ ve yoˬ.
10
Oˇ kaˬ lo jawˇmawˇ Neˍbuˍhkaˍneˍzaˍ lehˬ, Zeˍda‸kiˆ ve yaˇ teˇ hpaˍ leh, yawˇ ve ma‸ poˍ lonˉ teˇ hpaˍ hta‸ yawˇ mehˆ gʼuˇ suhˍ lo tiˇ pehˍ piˇ ve yoˬ.
11
Oˇ ve hkʼaw‸ nawˉ, Zeˍdaˍkiˆ ve mehˆ shiˍ teˇ hpaˍ hta‸ juˆ pe‸ leh, sho caˆ yuˬ hpeh peuˬ hkʼaw‸ nawˉ, Baˍbuˍlonˍ mvuhˇmiˬ lo shiˍ kʼai ve yoˬ. Zeˍdaˍkiˆ lehˬ, suh htaˇ hkʼa gaˬ Baˍbuˍlonˍ htawnˍ hkʼaw chehˇ taˍ ve yoˬ.
12
Baˍbuˍlonˍ mvuhˇmiˬ hta‸ jawˇmawˇ Neˍbuˍhkaˍneˍzaˍ uˉ peunˍ ve teˇ chi kʼawˇ hkʼaw‸ teˇ hkʼaw‸, ha pa ngaˇ maˬ teˇ maˬ, teˇ chi nyi htaˇ, yawˇ ve ma‸ poˍ lonˉ Neˍbuˍzaˍraˍdanˍ Yeˍruˆsaˍlehnˍ venˇ lo gaˬ la ve yoˬ.
13
Yawˇ lehˬ, bon yehˬ, hawˉ yehˬ leh Yeˍruˆsaˍlehnˍ venˇ hkʼaw chehˇ ve chaw uiˍ teˇ hpaˍ ve yehˬ hkʼa peu-eˬ hta‸ aˬ miˍ tuˉ baˬ ve yoˬ.
14
Yawˇ ve ma‸ yaˇ teˇ hpaˍ htawˇ, lanˇ venˇ teˇ hpaˍ hta‸ dawˆ paˆ piˇ ve yoˬ.
15
Oˇ hkʼe te peuˬ hkʼaw‸ nawˉ, Neˍbuˍzaˍraˍdanˍ lehˬ, venˇ hkʼaw chehˇ taˍ sheˍ ve kanˉ te puiˉ ve chaw leh, la‸ caˉ ya‸ la ve chaw hui hta‸ Baˍbuˍlonˍ mvuhˇmiˬ lo shiˍ kʼai ve yoˬ.
16
Haˍ gʼawˇ jaˇ ve chaw teˇ hpaˍ hta‸ ceh tiˉ Yuˇda‸ mvuhˇmiˬ hkʼaw teh taˉ leh, yawˇ hui hta‸ ti mi leh a pehˉ meuˇ hko pehˬ piˇ taˉ ve yoˬ.
17
Baˍbuˍlonˍ chaw teˇ hpaˍ lehˬ, bon yehˬ hkʼaw cawˬ ve kuiˇ yehˬ hkuiˉ daw teˇ hpaˍ leh punˇ kʼoˍ lonˉ hta‸ dawˆ paˆ leh kuiˇ hkʼa peu-eˬ hta‸ Baˍbuˍlonˍ mvuhˇmiˬ lo yuˬ kʼo‸-e ve yoˬ.
18
Yawˇ hui lehˬ mu‸ hkʼu, sho nuˆ, aˬ miˍ tuˉ htaˇ yehˇ ve awˬ hkʼeun teˇ hpaˍ, tuˉ tanˇ htaˇ awˬ suhˍ hkʼo yuˬ tuˬ hkehˇ teˇ hpaˍ, sha hawnˉ tuˉ tanˇ htaˇ yehˇ ve hkehˇ teˇ hpaˍ, leh bon yehˬ hkʼaw awˬ nu awˬ na yehˇ ve kuiˇ hkʼa peu-eˬ hta‸ htawˇ yuˬ kʼai ve yoˬ.
19
Hpu leh shi yuˬ te taˍ ve mawˇ hkʼa peu-eˬ hta‸ htawˇ yuˬ kʼo‸-e ve yoˬ. Hkehˇ teˇ hpaˍ, shiˉ gʼeu‸ keu tuˬ ve mu‸ hkʼu, tuˉ tanˇ htaˇ awˬ suhˍ keu tuˬ ve hkehˇ, hkʼaw‸ laˉ keu tuˬ ve hkehˇ, aˬ miˍ tuˉ teh kuiˬ, sha hawnˉ keu tuˬ ve hkehˇ, a pehˉ meuˇ gʼuiˬ keu tuˬ ve hkehˇ, chi hkʼa peu-eˬ hta‸ yuˬ kʼo‸-e ve yoˬ.
20
Sawˉla‸monˍ te taˉ ve kuiˇ yehˬ hkuiˉ daw lonˉ nyiˇ maˬ, punˇ kʼoˍ lonˉ, lawˬ ehˉ teˇ hpaˍ leh punˇ kʼoˍ lonˉ oˇ ve hta‸ kaˬ chiˇ piˇ taˍ ve nuˇ paˍ lonˉ teˇ chi nyiˇ hkeh lehˬ, hawˇ jaˇ ve pa taw tsuh nyi maˇ gʼa ve yoˬ.
21
Kuiˇ yehˬ hkuiˉ daw oˇ ve nyiˇ maˬ lehˬ, hkʼa shu-ehˬ hpeh‸ ve yoˬ. Mvuh hpawˇ teˇ chi hiˉ shaw‸ cawˬ leh, uiˍ hpawˇ teˇ chi nyiˇ shaw‸ cawˬ ve yoˬ. Htu ve hpawˇ la‸ naw awˇ hkeh cawˬ leh, awˬ hkʼaw lo awˬ kʼoˍ cawˬ ve yoˬ.
22
Yehˬ hkuiˉ daw oˇ ve awˬ hkʼoˆ lo, mvuh hpawˇ ngaˇ shaw‸ cawˬ leh, aˉ ci ku shiˍ awˬ han hkʼa biˇ nehˉ taˍ ve ta kʼoˍ teˇ maˬ te hoˆ taˍ ve yoˬ.
23
Chi hkʼa peu-eˬ ve hta‸ kuiˇ ceh tiˉ yuˬ te taˍ ve yoˬ. Ta kʼoˍ oˇ ve teˇ hpawˇ lo, aˉ ci ku shiˍ teˇ ha shiˍ te nehˉ taˍ ve awˬ hkʼaw lo, kʼawˇ chi hkaw‸ shiˍ hta‸ hkʼa tawˍ lehˆ mawˬ hpeh‸ ve yoˬ.
24
Chi hkʼoˆ ka‸, ma‸ poˍ lonˉ Neˍbuˍzaˍraˍdanˍ lehˬ, paw hkuˇ lonˉ Seˍraˍyaˆ, yawˇ awˬ hawˉ ve paw hkuˇ lonˉ Zeˍhpaˍniˆ leh awˬ nu ve paw hkuˇ shehˆ gʼaˇ hta‸ htawˇ, Baˍbuˍlonˍ mvuhˇmiˬ lo shiˍ kʼai ve yoˬ.
25
Venˇ hkʼaw chehˇ taˍ ve Yuˇda‸ ma‸ poˍ lonˉ jawˇmawˇ hta‸ dawˇ hkʼaˇ piˇ chehˇ ve chaw suhˍ gʼaˇ, ma‸ hpawˇ ceˇ leˇ te chehˇ ve ma‸ poˍ teˇ hpaˍ, leh awˬ nu ve chaw uiˍ hkaw‸ chi gʼaˇ hta‸ htawˇ shiˍ kʼai ve yoˬ.
26
Neˍbuˍzaˍraˍdanˍ lehˬ, chaw chi teˇ hpaˍ hta‸ Haˍmaˆ mvuhˇmiˬ, Riˇbaˍlaˆ venˇ hkʼaw chehˇ taˍ ve Baˍbuˍlonˍ jawˇmawˇ geh shiˍ kʼai ve yoˬ.
27
Oˇ kaˬ lo jawˇmawˇ yawˇ hui hta‸ fawˉ mehˍ leh tiˇ pehˍ piˇ ve yoˬ. Hkʼe te leh, Yuˇda‸ chaw teˇ hpaˍ lehˬ, shu mvuhˇmiˬ lo hpeh kʼai ve hta‸ gʼa hkanˍ ve yoˬ.
28
Chi lehˬ, Neˍbuˍhkaˍneˍzaˍ shiˍ kʼai ve chaw teˇ hpaˍ ve caˇ lanˇ hpeh‸ ve yoˬ. Yawˇ jawˇmawˇ te ve suhˍ hkʼaw‸ teˇ hkʼaw‸ htaˇ, chaw hkʼa peu-eˬ 3,023 gʼaˇ hta‸ shiˍ kʼai ve yoˬ.
29
Yawˇ jawˇmawˇ te ve teˇ chi hiˉ hkʼaw‸ teˇ hkʼaw‸ htaˇ, Yeˍruˆsaˍlehnˍ venˇ yaˇ 832 gʼaˇ hta‸ kʼaw‸ shiˍ kʼai ve yoˬ.
30
Yawˇ jawˇmawˇ te ve nyiˇ chi shehˆ hkʼaw‸ teˇ hkʼaw‸ htaˇ, ma‸ poˍ lonˉ Neˍbuˍzaˍraˍdanˍ shiˍ kʼai ve chaw hkʼa peu-eˬ 745 gʼaˇ cawˬ ve yoˬ. Hkʼe te leh, chaw hkʼa peu-eˬ 4,600 gʼaˇ hta‸ shiˍ kʼai taˍ peuˬ ve yoˬ.
31
Baˍbuˍlonˍ mvuhˇmiˬ hta‸ Eˇviˇlaˆmeˍrawˇdaˆ kʼaw‸ uˉ peunˍ ve teˇ yanˇ, yawˇ lehˬ Yuˇda‸ jawˇmawˇ Yeˍhkawˇniˆ hta‸ ha kʼaˉ leh htawnˍ hkʼaw yuˬ tawˆ piˇ ve yoˬ. Chi hkʼe te piˇ ve lehˬ, Yeˍhkawˇniˆ hta‸ Baˍbuˍlonˍ mvuhˇmiˬ hkʼaw shiˍ kʼai ve shehˆ chi suhˍ hkʼaw‸ teˇ hkʼaw‸, ha pa teˇ chi nyiˇ maˬ teˇ maˬ, nyiˇ chi ngaˇ nyi htaˇ hpeh‸ ve yoˬ.
32
Eˇviˇlaˆmeˍrawˇdaˆ lehˬ, Yeˍhkawˇniˆ hta‸ ha kʼaˉ piˇ leh, Baˍbuˍlonˍ mvuhˇmiˬ lo shu shiˍ laˬ ve awˬ nu ve jawˇmawˇ teˇ hpaˍ a‸ kehˉ taˍ uiˍ piˇ ve yoˬ.
33
Hkʼe te leh, Yeˍhkawˇniˆ lehˬ htawnˍ hkʼaw veu‸ deh ve veu‸ kʼaˇ hta‸ kʼehˆ baˬ taˉ leh, yawˇ ve a sha‸ leh htaˇ hkʼa gaˬ, jawˇmawˇ ve hpui lawˇ paˇ lo gʼa mui caˇ ve yoˬ.
34
Yawˇ a sha‸ te‸ chehˇ sheˍ ve teˇ co-e, loˍ ve caˇ tuˬ dawˬ tuˬ teˇ hpaˍ hta‸ Baˍbuˍlonˍ jawˇmawˇ piˇ chehˇ taˍ ve yoˬ.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52