bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Jeremiah 46
Jeremiah 46
Lahu Bible Edited © Thailand Bible Society and Bible Society of Myanmar, 2010, 2020.
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
1
Gʼuiˬsha lehˬ, mvuhˇmiˬ teˇ hpaˍ awˬ lawn ngaˬ hta‸ kʼoˆ laˇ ve yoˬ. Awˉ lawˉ peuˇ, Eˇjiˇtu‸ mvuhˇmiˬ awˬ lawn chi hkʼe kʼoˆ ve yoˬ.
2
Yuˇda‸ mvuhˇmiˬ hta‸ Yawˇyaˍkenˍ uˉ peunˍ ve awˇ hkʼaw‸ teˇ hkʼaw‸ htaˇ, Baˍbuˍlonˍ jawˇmawˇ Neˍbuˍhkaˍneˍzaˍ lehˬ, Uˇhpaˍraˆ iˉ kaˆ lawˬ paˇ lo cawˬ ve Kaˍhkeˍmaˆ venˇ hkʼaw lo, Eˇjiˇtu‸ jawˇmawˇ Neˍhkawˇ hta‸ ma‸ bawˆ gʼaˇ ve yoˬ.
3
Eˇjiˇtu‸ ma‸ poˍ lonˉ teˇ hpaˍ kuˬ leh kʼoˆ ve, A shu yawˇ ve htanˬ tuˬ hta‸ pfuhˇ leh ma‸ bawˆ kuiˬ lo kʼai-o.
4
A shu yawˇ ve iˉ mvuhˇ hta‸ hpeh leh taˆ ciˇ-oˆ. Uˉ tcuhˍ hkʼawˆ leh a shu yawˇ ve gehˇ hta‸ shiˍ taˍ-o‸. Ma‸ bawˆ tuˬ ve veu‸ kʼaˇ hta‸ veu‸ deh taˍ-o‸, teh‸ kʼoˆ ve yoˬ.
5
Ya‸ hkʼaˇ, ngaˬ aˬ hto‸ ma hta‸ gʼa mawˬ ve le, teh‸ Gʼuiˬsha kʼoˆ ve yoˬ. Yawˇ hui kawˆ jaˇ leh awˬ hkʼaw‸ nawˉ hpawˇ lo gʼuiˇ kʼaw‸ la chehˇ ve yoˬ. Yawˇ hui ve ma‸ yaˇ teˇ hpaˍ lehˬ, shu gʼa‸ yuˬ ve hta‸ gʼa hkanˍ leh, kawˆ jaˇ ve hkʼaw gʼaˇ hte‸ gʼuiˇ kʼaw‸ la chehˇ ve yoˬ. Awˬ hkʼaw‸ nawˉ hpawˇ lo maˇ kʼaw‸ hpfuhˆ nyi chehˇ.
6
Gʼuiˇ gehˬ jaˇ ve ma‸ yaˇ teˇ hpaˍ htawˇ gʼuiˇ maˇ ponˬ. Uˇhpaˍraˆ iˉ kaˆ lawˬ paˇ lo yawˇ hui hkui htiˇ poˬ paiˍ ve yoˬ.
7
Niˍlaˆ iˉ kaˆ lawˬ hkʼa shuˍ, gʼuiˬ lonˉ haˉ lonˉ te ya‸ la chehˇ ve chaw chi a shu le.
8
Oˇ ve lehˬ Eˇjiˇtu‸ mvuhˇmiˬ hpeh‸ leh, Niˍlaˆ iˉ kaˆ lawˬ hkʼe gʼuiˬ uiˍ haˉ uiˍ te ya‸ la chehˇ ve yoˬ. Eˇjiˇtu‸ mvuhˇmiˬ chi hkʼe kʼoˆ chehˇ ve yoˬ. Ngaˬ tu la leh mvuhˇmiˬ hkʼa peu-eˬ ve hta‸ hoˆ beh piˇ tuˬ yoˬ. Miˬguiˬ hkʼoˆ chehˇ ve chaw yaˇ leh venˇ teˇ hpaˍ hta‸ ngaˬ te luˬ piˇ tuˬ yoˬ.
9
Iˉ mvuhˇ teˇ hpaˍ leh iˉ mvuhˇ lawˬ teˇ hpaˍ tawˆ kʼai tuˬ tawˇ piˇ-oˆ. Htanˬ tuˬ pfuhˇ taˍ ve Suˍdanˍ leh Liˆbyaˇ ma‸ yaˇ teˇ hpaˍ leh, hkaˆ pfuhˇ taˍ ve Luˇdiˆ ma‸ yaˇ hui hta‸ ma‸ bawˆ kuiˬ lo kʼai tcuh-o, teh‸ kʼoˆ chehˇ ve yoˬ.
10
Awˬ nyi chi teˇ nyi lehˬ, kanˇ paˆ uiˍ ve Jawˇmawˇ Gʼuiˬsha ve awˬ nyi hpeh‸ ve yoˬ. Ya‸ nyi Yawˇ kʼaw‸ te hkʼaw‸ piˇ tuˬ yoˬ. Ya‸ nyi Yawˇ ve canˇ paˍ teˇ hpaˍ hta‸ Yawˇ ciˍ yanˍ piˇ tuˬ yoˬ. Yawˇ ve aˉhtaw lehˬ, yawˇ hui ve awˬ shaˍ hta‸ caˇ leh, yawˇ hui ve awˬ suhˍ hta‸ dawˬ tuˬ yoˬ. Ya‸ nyi Gʼuiˬsha lehˬ, Uˇhpaˍraˆ iˉ kaˆ lawˬ paˇ lo Yawˇ ve canˇ paˍ teˇ hpaˍ hta‸ tuˉ tanˇ tuˬ yoˬ.
11
Eˇjiˇtu‸ chaw teˇ hpaˍ-oˬ, Giˇlaˆ mvuhˇmiˬ lo kʼai leh naˆ tsuhˇ ca-e loˬ. Nawˬ hui ve naˆ tsuhˇ lehˬ, te‸ chiˉ awˬ bon maˇ cawˬ. Nawˬ hui hta‸ gu na-e laˇ maˇ gʼa.
12
Awˬ nu ve chaw ceuˬ teˇ hpaˍ lehˬ nawˬ hui gʼa ya‸ taw chehˇ ve awˬ hkawˇ leh, nawˬ hui hawˬ chehˇ ve awˬ hkawˇ hta‸ htawˇ gʼa kaˇ peuˬ. Ma‸ yaˇ teˇ hpaˍ teˇ gʼaˇ hta‸ teˇ gʼaˇ htinˍ da‸ leh miˬ chaˇ hkʼoˆ paiˍ ve yoˬ.
13
Jawˇmawˇ Neˍbuˍhkaˍneˍzaˍ Eˇjiˇtu‸ mvuhˇmiˬ hta‸ ca bawˆ la ve teˇ yanˇ, Gʼuiˬsha ngaˬ hta‸ chi hkʼe kʼoˆ laˇ ve yoˬ.
14
Eˇjiˇtu‸ mvuhˇmiˬ hkʼaw cawˬ ve Miˆgaˍdawˇlaˆ, Nawˇhpaˆ leh Taˍpaˍhehˆ venˇ lo kʼai leh chi hkʼe ca kʼoˆ piˇ-oˆ. A shu yawˇ awˬ to hta‸ shaˍ ti‸ te leh gu taˍ-o‸. awˬ hui hkʼa peu-eˬ ma‸ bawˆ kuiˬ lo gʼa suh-e tuˬ yoˬ.
15
Aˬ hto‸ ma pa taw nawˬ hui ve Aˍpiˆ gʼuiˬsha ma paiˍ ve le. Awˬ lawn kʼo, Gʼuiˬsha yawˇ hta‸ dawˆ baˬ ve pa taw yoˬ.
16
Nawˬ hui ve ma‸ yaˇ teˇ hpaˍ hkui htiˇ poˬ paiˍ ve yoˬ. Hkeu‸, ngaˬ hui canˇ paˍ ve la‸ sheh hkʼaw maˇ gʼa suh tuˬ, aˉ hkʼaw lo gʼuiˇ kʼo‸-e veuˬ, teh‸ teˇ gʼaˇ leh teˇ gʼaˇ kʼoˆ da‸ chehˇ ve yoˬ.
17
Eˇjiˇtu‸ mvuhˇmiˬ ve jawˇmawˇ hta‸, Tawˇ uiˍ leh te‸ chiˉ te maˇ gʼa ve chaw, teh‸ awˬ meh awˬ suhˉ kʼaw‸ meh piˇ-oˆ.
18
Ngaˬ lehˬ kanˇ paˆ uiˍ ve jawˇmawˇ leh te‸ chehˇ ve Gʼuiˬsha hpeh‸ ve yoˬ. Taˍbawˇraˆ hkʼaw lehˬ, awˬ nu ve hkʼaw teˇ hpaˍ a‸ kehˉ mvuh jaˇ leh, Kaˍmeˍlaˆ hkʼaw htawˇ laˇ tsuhˇ gʼuiˬ a‸ kehˉ mvuh jaˇ ve hkʼe, nawˬ hui hta‸ ca bawˆ la tuˬ ve chaw teˇ gʼaˇ lehˬ, oˇ ve hkʼa shuˍ hpeh‸ ve yoˬ.
19
Eˇjiˇtu‸ chaw teˇ hpaˍ-oˬ, nawˬ hui shu ceˬ ca te tuˬ hkʼa deh‸ gu taˍ-o‸. Nawˇhpaˆ venˇ lehˬ, chaw teˇ gʼaˇ ka‸ maˇ chehˇ ve gawˬ cu gawˬ pehˆ ve chehˇ kuiˬ hpeh‸ la tuˬ yoˬ.
20
Eˇjiˇtu‸ lehˬ, chu jaˇ ve nuˇ ma haˉ hkʼa shuˍ hpeh‸ ve yoˬ. Ya‸ hkʼaˇ, awˬ na hpawˇ lo chehˇ ve pehˇ ma che‸ ve hta‸ gʼa hkanˍ tuˬ yoˬ.
21
Yawˇ ve ma‸ yaˇ teˇ hpaˍ htawˇ, nuˇ yehˇ hkʼe te‸ chiˉ te maˇ puiˉ ve yoˬ. Yawˇ hui ma‸ bawˆ kuiˬ lo maˇ kʼai. Awˬ hkʼaw‸ nawˉ hpawˇ lo gʼuiˇ kʼo‸-e ve yoˬ. Awˬ lawn kʼo, yawˇ hui gʼa luˬ gʼa sheˆ tuˬ ve awˬ yanˇ gaˬ la peuˬ.
22
Canˇ paˍ teˇ hpaˍ gaˬ la ve teˇ yanˇ, Eˇjiˇtu‸ lehˬ vuiˬ hkʼa shuˍ gʼuiˇ hpaw-e ve yoˬ. Suhˆ htu paˍ suhˆ tsuh de lonˉ hta‸ htu baˬ ve hkʼe, canˇ paˍ teˇ hpaˍ yawˇ hui hta‸ te luˬ piˇ ve yoˬ.
23
Canˇ paˍ teˇ hpaˍ lehˬ, paˉ ce‸ a‸ kehˉ maˇ jaˇ leh, ca gʼaw maˇ peuˬ taˬ ve yoˬ.
24
Eˇjiˇtu‸ chaw hui lehˬ, awˬ na hpawˇ chehˇ ve chaw hui te luˬ ve hta‸ gʼa hkanˍ leh gʼa ya‸ taw jaˇ tuˬ yoˬ, teh‸ Gʼuiˬsha kʼoˆ ve yoˬ.
25
Iˉsaˍreˍlaˆ ve kanˇ paˆ uiˍ jaˇ ve Jawˇmawˇ Gʼuiˬsha chi hkʼe kʼoˆ ve yoˬ. Ngaˬ lehˬ, Teˍbiˆ venˇ hkʼaw cawˬ ve Aˍmonˍ gʼuiˬsha hta‸ maˇ kʼoˆ, Eˇjiˇtu‸ jawˇmawˇ leh gʼuiˬsha teˇ hpaˍ hta‸ maˇ kʼoˆ, ciˍ yanˍ piˇ tuˬ yoˬ. Eˇjiˇtu‸ jawˇmawˇ leh yawˇ hta‸ gʼaˇ hkʼa va chehˇ ve chaw hkʼa peu-eˬ hta‸ ngaˬ yuˬ kʼai tuˬ yoˬ
26
Yawˇ hui hta‸ Baˍbuˍlonˍ jawˇmawˇ Neˍbuˍhkaˍneˍzaˍ ve la‸ sheh hkʼaw lo ngaˬ chiˇ a‸ piˇ tuˬ yoˬ. Ya‸ hkʼaˇ, Eˇjiˇtu‸ mvuhˇmiˬ hkʼaw ponˬ laˬ htaˇ hkʼe chaw yaˇ ca kʼaw‸ chehˇ la tuˬ yoˬ, teh‸ Gʼuiˬsha kʼoˆ ve yoˬ.
27
Ngaˬ ve chaw teˇ hpaˍ-oˬ, taˇ kawˆ. Nawˬ hui shu ceˬ gʼa ca te chehˇ ve mvuhˇmiˬ hkʼaw lo, ngaˬ nawˬ hui hta‸ htaiˍ hkʼaw‸ laˇ tuˬ yoˬ. Nawˬ hui aˉ hkʼaw lo gʼa kʼaw‸ kʼaw‸ la leh, gawˬ lehˍ gʼa kʼaw‸ chehˇ tuˬ yoˬ. Nawˬ hui hta‸ chaw teˇ gʼaˇ ka‸ ca kʼaw‸ te sho‸ sha‸ la tuˬ ve maˇ heˆ.
28
Ngaˬ nawˬ hui geh laˬ leh, nawˬ hui hta‸ ponˬ laˇ tuˬ yoˬ. Nawˬ hui awˬ ceˬ gʼa te piˇ chehˇ ve chaw oˇ ve hkʼa peu-eˬ hta‸ ngaˬ te luˬ piˇ tuˬ yoˬ. Ya‸ hkʼaˇ, ngaˬ nawˬ hui hta‸ te luˬ laˇ tuˬ ve maˇ heˆ. Ngaˬ nawˬ hui hta‸ maˇ ciˍ yanˍ leh hkʼe leˇ hpehˇ laˇ tuˬ ve maˇ heˆ. Ya‸ hkʼaˇ, chi taw taw hehnˇ jaˇ tuˬ ve maˇ heˆ, teh‸ Gʼuiˬsha kʼoˆ ve yoˬ.
← Chapter 45
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 47 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52