Deuteronomy 34

Kirundi (Bibliya Yera 1951, 1967 (Burundi))

← Chapter 33 Jump to:

1Maze Mose ava mu kiyaya c’i Mowabu, adūga umusozi Nebo, ashika ku gatwe Pisiga, aharābana n’i Yeriko. Uhoraho amwereka igihugu cose c’i Gileyadi gushitsa i Dani,

2n’ic’ Abanafutali cose, n’ic’ Abefurayimu, n’ic’ Abamanase, n’ic’ Abayuda cose, gushitsa ku kiyaga c’i burengerazuba.

3Amwereka n’i Negebu, n’ikiyaya co kuri Yorodani, ari ho haca igihogoro c’i Yeriko, igisagara co mu bigazi, gushitsa i Sowari.

4Uhoraho aramubarira, ati Ngīkirīya igihugu narahiye Aburahamu na Isaka na Yakobo, nti Nzogiha uruvyaro rwanyu. None nguhaye kukirābisha amaso, ariko ntuzojabuka ng’ ujeyo.

5Nuko Mose umusavyi w’ Uhoraho apfira ngaho mu gihugu c’i Mowabu, nk’ukw ijambo ry’ Uhoraho ryavuze.

6Uhoraho amuhamba mu mwonga wo mu gihugu c’i Mowabu, aharābana n’i Beti‐Peyori; ariko nta wuzi imva yiwe na bugingo n’ubu.

7Mose yapfuye amaze imyaka ijana na mirongwibiri; kand’ amaso yiwe ntiyaribgarābe ivyijiji, cank’ inkomezi ziwe ngo zigabanuke.

8Abisirayeli bamara imisi mirongwitatu baririra Mose, bari mu kiyaya c’i Mowabu; nukw imisi yo kuririra Mose no kumugandarira irarangira.

9Kandi Yosuwa mwene Nuni yari yuzuye impwemu y’ubgenge, kuko Mose yari yaramurambitsekw ibiganza. Nukw Abisirayeli baramwumvira, bagenza nk’uk’ Uhoraho yari yarabariye Mose.

10Kandi mu Bisirayeli ntihigeze kuboncka ūvugishwa n’Imana ahwanye na Mose, uwo Uhoraho yibonanira na we imbonankubone.

11Nta wogereranywa na we kubg’ ibimenyetso n’ibitangaza vyose Uhoraho yamutumye gukorera mu gihugu ca Egiputa, ngw abigirire Farawo n’abamenyekana biwe bose n’igihugu ciwe cose;

12no kubg’ ivy’ ububasha n’ibiteye ubgoba vyose Mose yakoreye imbere y’ Abisirayeli bose.

← Chapter 33 Jump to: