bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kirundi
/
Kirundi (Bibliya Yera 1951, 1967 (Burundi))
/
Genesis 27
Genesis 27
Kirundi (Bibliya Yera 1951, 1967 (Burundi))
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 28 →
1
Isaka ashaje, amaso yiwe asigaye abona ivyijiji, ahwihwisha gusa, ahamagara imfura yiwe Esau, at’ Ewe mwana wanje! Aritaba, ati Sabge!
2
Aramubgira, ati Rāba ndashaje, sinzi umusi ruzompitana.
3
Non’ enda rero, ni wābīre ivyo uhīgisha, umutana wawe n’umuheto wawe, ugende mw ishamba uhīge, undonderere akanyama,
4
uheze uteke zīcumbe, nk’izo nsanzwe nkunda, uzinzanire ndye, mbone kuguhezagira ntarapfa.
5
Rebeka yumviriza Isaka ivyo abarira Esau umwana wiwe. Nuko Esau aja mw ishamba kurondera ico ahīga ngw akizanire se.
6
Maze Rebeka abarira Yakobo umwana wiwe, ati Numvise so abarira Esau mukurwawe,
7
ngw agende amuzanire ico ahize, amutekere zīcumbe, arye, amuhezagirire imbere y’Uhoraho atarapfa.
8
Nuko rero mwana wanje, enda ni wumve ivyo nkubarira:
9
genda mu mukuku, unzanirey’ amasuguru y’impene abiri meza‐meza; nanje ndonderere so, mmutekere zīcumbe, nk’ iz’ asanzwe akunda:
10
nawe uheze uzishīre so, arye, kugira ngw aguhezagire atarapfa.
11
Yakobo yishura Rebeka nyina wiwe, at’ Ehe rāba, Esau mukurwanje n’umuntu yakatse ivyoya, nanje umubiri wanje n’inkūte.
12
Kumbure data yonkorakora, ngasa n’ingunge kuri we, nkikwegera umuvumo mu gishingo c’umuhezagiro.
13
Nyina aramwishura, ati Mwana wanje, umuvumo wovumwe uz’ube kuri jewe; pfa kunyumvira gusa, ugende uzinzanire.
14
Aragenda arazizana, aziha nyina; nyina ateka inyama zazo, zirīcumba, ziba nk’ izo se asanzwe akunda.
15
Rebeka yābīra imyambaro myiza ya Esau imfura yiwe, iyo yar’ afise mu nzu, ayambika Yakobo ari we Butoyi.
16
Kand’ ashira insāto za ya masuguru y’impene ku bikonjo vyiwe, no kw izosi ah’ar’ inkūte.
17
Ahereza uwo mwana wiwe Yakobo za nyama zīcumvye, n’umutsima yacumvye,
18
na we aja iyo se ari, aramuhamagara, ati Data! aritaba, at’ Ee? at’ Uri nde ga mwana wanje?
19
Yakobo yishura se, ati Ni jewe Esau imfura yawe; nkoze ivyo wambariye; enda se vyuka wicare, urye ku vyo nahīze, kugira ng’umpezagire.
20
Isaka abaza umwana wiwe, ati Ko waronse n’ingoga, ga mwana wanje? Ati N’uk’ Uhoraho Imana yawe ampaye kugira ibakwe.
21
Isaka abarira Yakobo, at’ Enda īgira hino mwana wanje, ngukorakore, mmenye k’uri Esau umwana wanje koko, canke k’ utari we.
22
Nuko Yakobo yegera se wiwe Isaka; aramukorakora, aravuga, at’ Ijwi n’irya Yakobo, arikw ibikonjo n’ivya Esau.
23
Ntiyamenya uw’ari we, kukw ibikonjo vyiwe vyarik’ ubgoya, nk’ ivya mukuru we Esau: nukw aramuhezagira.
24
Aramubaza, ati Mbeg’ uri Esau umwana wanje koko? Aramwishura, ati Ndi we.
25
Aramubarira, ati Vyīgize hino, nanje ndye ku vyo wahīze, mwana wanje, kugira ngo nguhezagire. Arabimwegereza, ararya: amuzanira vino, arashōza.
26
Maze se wiwe Isaka aramubarira, ati Nyegera mwana wanje, ungūmbīre.
27
Aramwegera, aramugūmbīra: yumva ubutāmirane bg’imyambaro yiwe, aramuhezagira, at’ Ubutāmirane bg’umwana wanje Bumeze nk’ubg’ umurima Uhoraho yahaye umugisha:
28
Nukw Imana iguhe ku kime kiva mw ijuru, No ku biboribori vyo mu ndimiro, Hakikimbe impeke na vino:
29
Amoko az’ agukorere, Amahanga az’ akwikubite imbere: Uz’ uganze abo muvukana, Bene nyoko bakwikubite imbere; Ūzokuvuma wese avumwe, Ūzoguhezagira wese ahezagirwe.
30
Nuko Isaka arangije guhezagira Yakobo, Yakobo akiva imbere ya se wiwe Isaka, Esau mukuru we aca arahīgūka.
31
Na we ateka inyama zirīcumba, azizanira se; abarira se, ati Data, n’uvyuke urye ku vyo nahīze, jewe umwana wawe, kugira ng’umpezagire.
32
Isaka se aramubaza, at’ Uri nde? Aramwishura, ati Ni jewe Esau, umwana wawe w’imfura.
33
Isaka aca ahinda agashitsi kenshi cane, ati None ni nde yahīze, akanzanira kuri vyo, nkaba nariye, kuri vyose utaraza, nkamuhezagira? Kandi nta kabuza, umuhezagiro azowugira.
34
Esau yumvise amajambo ya se, araturikisha, aborogana umubabaro mwinshi cane, abarira se, ati Mpezagira nanje se muvyeyi wanje!
35
Aramwishura, ati Murumunawe yaciye mu bugunge, atwara umuhezagiro wawe.
36
Aramwishura, ati Yakobo ni Yakobo koko; izina ni ryo muntu! Yambereye intōnyōtsi kabiri kose: yannyaze kuba samuragwa, non’ asubiriye n’umuhezagiro wanje! Arongera aramubaza, ati Nta muhezagiro wansigarije na mba?
37
Isaka yishura Esau, at’ Erega namaze kumuha kukuganza, kand’ ab’i wabo nabamuhaye ngo bamusabe; kandi namweguriye ingano na vino; none nogukorera iki ga mwana wanje?
38
Esau abaza se, ati Mbega muvyeyi, war’ ufise umuhezagiro umwe gusa? Mpezagira nanje se muvyeyi wanje! Esau araturika ararira.
39
Se wiwe Isaka aramwishura, at’ Uzoba kure y’ibiboribori vyo mu ndimiro, Uzoba kure y’ikime kiva mw ijuru;
40
Inkota yawe ni yo izokubeshaho, kand’ uzokorera murumunawe; Kand’ igihe kizogera uzokwigobōtora, Wikunkumure ingōgo yakwambitse mw izosi.
41
Esau agirira Yakobo urwanko, kubg’ umuhezagiro se yamuhezagiye: maze Esau arivuganya mu mutima, ati Data ashigaje igihe gito tukaja ku kigandaro: ni ho nzokwica murumunanje Yakobo.
42
Babarira Rebeka amagambo ya Esau imfura yiwe; ahamagaza Yakobo ari we Butoyi, aramubgira, at’ Umve, Esau mukurwawe agira yimare ishavu wamuteye, akwice.
43
None rero mwana wanje, umve nkubarire: kūra hasi, uhunge, uje i Harani kwa Labani musazanje,
44
ube uramazey’ imisi mikeya, gushitsa ah’ ishavu rya mukurwawe rizoshirira,
45
akazika agufitiye kagashira kuri wewe, akibagira ivyo wamukoreye: maze nzoca ngutumako, ugaruke: none nobaburira rimwe mwempi?
46
Maze Rebeka abarira Isaka, ati Numva ndundumiwe kubg’ abo Bahetikazi, nopfuma mpfa! Yakobo yorongora Umuhetikazi nka ba bandi, noba nkibēreyeh’ iki?
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50