2 Chronicles 3

Lao Bible 2012 (ພຣະຄຳພີສັກສິ)

← Chapter 2 Jump to: Chapter 4 →

1ກະສັດດາວິດ ພໍ່ຂອງໂຊໂລໂມນໄດ້ຫ້າງຫາບ່ອນສຳລັບສ້າງວິຫານຂອງພຣະເຈົ້າຢາເວໄວ້ໃຫ້ແລ້ວ. ບ່ອນນັ້ນຢູ່ໃນນະຄອນເຢຣູຊາເລັມເທິງພູໂມຣີຢາ ຄືທີ່ລານເຂົ້າຂອງອາໂຣນາຊາວເຢບຸດ. ກະສັດໂຊໂລໂມນໄດ້ລົງມືກໍ່ສ້າງ

2ໃນເດືອນທີສອງຂອງປີທີສີ່ທີ່ເພິ່ນໄດ້ຂຶ້ນເປັນກະສັດ.

3ວິຫານຂອງພຣະເຈົ້າທີ່ກະສັດໂຊໂລໂມນສ້າງນັ້ນຍາວຊາວເຈັດແມັດ ແລະກວ້າງເກົ້າແມັດ.

4ຫ້ອງຊື່ທາງເຂົ້າວິຫານກວ້າງເກົ້າແມັດ ແລະສູງສິບຫົກແມັດ. ທາງໃນຂອງຫ້ອງໂອບດ້ວຍຄຳສົດ.

5ຫ້ອງໂຖງປູດ້ວຍໄມ້ແປກ ແລະໂອບດ້ວຍຄຳເນື້ອດີ ໂດຍເຮັດລວດລາຍຕົ້ນຕານ ແລະແບບລູກໂສ້ໃສ່ດ້ວຍ.

6ກະສັດໄດ້ຕົບແຕ່ງວິຫານດ້ວຍຫີນອັນງົດງາມທີ່ມີຄ່າ ແລະດ້ວຍຄຳທີ່ໄດ້ມາຈາກດິນແດນຂອງຊາວປາຣະວາອິມ.

7ເພິ່ນໃຊ້ຄຳໂອບຝາຂອງພຣະວິຫານ ຕະຫລອດທັງຂື່ກັບທາງເຂົ້າແລະປະຕູ. ພວກນາຍຊ່າງໄດ້ແກະສະຫລັກເຄຣຸບ ໃສ່ຕາມຝາ.

8ສ່ວນຫ້ອງທາງໃນທີ່ເອີ້ນວ່າຫ້ອງສັກສິດທີ່ສຸດ ຊຶ່ງມີຂະໜາດເທົ່າກັນຄື: ຂ້າງລະເກົ້າແມັດ. ເພິ່ນໄດ້ໃຊ້ຄຳຫລາຍກວ່າຊາວໂຕນ ເພື່ອໂອບຝາຫ້ອງສັກສິດທີ່ສຸດ;

9ເພິ່ນໄດ້ໃຊ້ຄຳໜັກປະມານຫ້າຮ້ອຍເຈັດສິບກຼາມ ເຮັດຕະປູ ແລະຝາຫ້ອງຊັ້ນເທິງກໍໂອບດ້ວຍຄຳເຊັ່ນກັນ.

10ກະສັດຍັງໄດ້ໃຫ້ພວກຊ່າງຂອງຕົນໃຊ້ເຫຼັກເຮັດເຄຣຸບສອງຕົນ ເຄືອບດ້ວຍຄຳ ແລະເອົາໄປຕັ້ງໄວ້ໃນບ່ອນສັກສິດທີ່ສຸດ

11ໂດຍໃຫ້ຢືນຄຽງຂ້າງກັນຫັນໜ້າໃສ່ທາງປະຕູເຂົ້າ. ແຕ່ລະໂຕມີສອງປີກ ແຕ່ລະປີກຍາວສອງແມັດຊາວຫ້າເຊັນ ຊຶ່ງພືອອກຈຸກັນທາງກາງຫ້ອງ ແລະປີກອີກເບື້ອງໜຶ່ງຈຸຝາແຕ່ລະເບື້ອງ ໂດຍກາງປີກອອກກວ້າງໄດ້ເກົ້າແມັດ.

14ເພິ່ນໄດ້ໃຊ້ຜ້າປ່ານເນື້ອລະອຽດດີ ແລະຜ້າອື່ນໆ ເຮັດຜ້າກັ້ງສຳລັບບ່ອນສັກສິດທີ່ສຸດ ຊຶ່ງໄດ້ຍ້ອມເປັນສີຟ້າ, ສີມ່ວງ ແລະສີແດງ ໂດຍປັກຮູບເຄຣຸບໃສ່.

15ກະສັດໄດ້ເຮັດເສົາສອງຕົ້ນ ແຕ່ລະຕົ້ນສູງສິບເຈັດແມັດ ແລະໄດ້ຕັ້ງໄວ້ທາງດ້ານໜ້າຂອງພຣະວິຫານ. ແຕ່ລະຕົ້ນມີຫົວເສົາສູງສອງແມັດເຄິ່ງ.

16ທີ່ຍອດເສົາຖືກຕົບແຕ່ງດ້ວຍລວດລາຍລູກໂສ້ ແລະໝາກພີລາເປັນທອງສຳຣິດໜຶ່ງຮ້ອຍໜ່ວຍ.

17ເສົານັ້ນໄດ້ຕັ້ງໄວ້ຢູ່ທາງດ້ານໜ້າທາງເຂົ້າຂອງພຣະວິຫານ ຄືເສົາຕົ້ນທີໜຶ່ງທາງເບື້ອງໃຕ້ຊື່ວ່າຢາກິນ ແລະເສົາຕົ້ນໜຶ່ງອີກທາງເບື້ອງເໜືອຊື່ວ່າໂບອາດ.

← Chapter 2 Jump to: Chapter 4 →