Job 17

Lao Bible 2012 (ພຣະຄຳພີສັກສິ)

← Chapter 16 Jump to: Chapter 18 →

1ຈຸດຈົບຂອງຂ້ອຍມາໃກ້ ຂ້ອຍຫາຍໃຈຝືດເຕັມທີ ຂ້ອຍບໍ່ມີຫຍັງເຫຼືອຢູ່ ນອກຈາກຂຸມຝັງສົບເທົ່ານັ້ນ.

2ທຸກຄົນທີ່ມັກຫຍໍ້ຫຍັນຂ້ອຍ ກໍຢູ່ອ້ອມຂ້າງຂ້ອຍ ແລະຕາຂອງຂ້ອຍ ກໍຈັບຈ້ອງຢູ່ທີ່ການຍຸຍົງຂອງພວກເຂົາ.

3ຂ້າແດ່ພຣະເຈົ້າ ຂ້ານ້ອຍນີ້ຈິງໃຈແທ້ໆ ຈົ່ງຮັບເອົາຖ້ອຍຄຳຂອງຂ້ານ້ອຍແດ່ທ້ອນ ແລະບໍ່ມີຄົນອື່ນໃດອີກແລ້ວ ທີ່ສະໜັບສະໜູນສິ່ງທີ່ຂ້ານ້ອຍໄດ້ເວົ້ານັ້ນ.

4ພຣະອົງໄດ້ອັດຕາພວກເຂົາໄວ້ຕໍ່ເຫດແລະຜົນ ບັດນີ້ ຢ່າປ່ອຍໃຫ້ພວກເຂົາໄດ້ມີໄຊເໜືອຂ້ານ້ອຍທ້ອນ

5ໃນສຸພາສິດອັນເກົ່າແກ່ກ່າວໄວ້ວ່າ, ຄົນທໍລະຍົດໝູ່ເພື່ອນເພາະເຫັນແກ່ເງິນ ແລະລູກຫຼານຂອງພວກເຂົາກໍເກັບກ່ຽວການທົນທຸກເພາະເລື່ອງນີ້.

6ບັດນີ້ ຄົນເອົາສຸພາສິດນີ້ມາຕໍ່ສູ້ຂ້ອຍທັນທີ ມາໃນທ່າບໍ່ດີໂດຍຖົ່ມນໍ້າລາຍໃສ່ໜ້າຂ້ອຍ.

7ຄວາມໂສກເສົ້າເຮັດໃຫ້ຂ້ອຍເກືອບຕາບອດໄປ ແຂນຂາຂ້ອຍລີບລົງເໝືອນດັ່ງເງົາ.

8ຜູ້ທີ່ອ້າງຕົນວ່າສັດຊື່ກໍສະດຸ້ງຕົກໃຈຢ້ານກົວ ທັງໝົດປະນາມຂ້ອຍວ່າເປັນຄົນບໍ່ນັບຖືພຣະເຈົ້າ.

9ຂໍໃຫ້ຄົນຊອບທຳນັ້ນມີຄວາມອົດທົນດົນນານ ຂໍໃຫ້ຜູ້ທີ່ມືສະອາດດີ ມີໃຈເຂັ້ມແຂງເຖິງສອງເທົ່າ.

10ແຕ່ຖ້າພວກເຂົາທັງໝົດມາຢືນຢູ່ຊ້ອງໜ້າ ກໍຈະບໍ່ພົບພວກເຂົາແມ່ນແຕ່ຄົນດຽວເປັນຜູ້ສະຫລາດ.

11ວັນຂອງຂ້ອຍໄດ້ຜ່ານໄປ ແລະແຜນການຂອງຂ້ອຍກໍລົ້ມລະລາຍ ຄວາມຫວັງທີ່ຂ້ອຍມີກໍສິ້ນສະຫລາຍໄປດ້ວຍ.

12ແຕ່ໝູ່ເພື່ອນຂ້ອຍຊໍ້າເວົ້າທັງຄືນທັງເວັນວ່າ, ‘ແສງແຈ້ງໃກ້ເຂົ້າມາ’ ແຕ່ຂ້ອຍຮູ້ວ່າ, ‘ຍັງຢູ່ໃນຄວາມມືດມົນ.’

13ຄວາມຫວັງຢ່າງດຽວຂອງຂ້ອຍຄືແດນມໍຣະນາ ບ່ອນທີ່ຂ້ອຍຈະຢຽດຕົວລົງນອນຢູ່ໃນຄວາມມືດ.

14ຂ້ອຍຈະເອີ້ນຂຸມຝັງສົບວ່າ, ‘ເປັນບິດາ’ ເອີ້ນໂຕໜອນທີ່ກັດກິນວ່າ, ‘ເປັນແມ່ແລະເອື້ອຍ.’

15ມີບ່ອນໃດແດ່ທີ່ຂ້ອຍພໍຈະມີຄວາມຫວັງ? ມີໃຜຍັງເຫັນຄວາມຫວັງສຳລັບຂ້ອຍແດ່ບໍ່?

16ຄວາມຫວັງຈະບໍ່ລົງໄປນຳຂ້ອຍ ຕອນທີ່ຂ້ອຍລົງໄປສູ່ແດນມໍຣະນາພຸ້ນ.”

← Chapter 16 Jump to: Chapter 18 →