Genesis 10

Chinese TTVR (現代台語譯本羅馬字版)

← Chapter 9 Jump to: Chapter 11 →

1Ē-bīn sī Ná-a ê kiáⁿ Siám, Hâm, Ngá-hut ê hō͘-tāi. Tōa-chúi í-āu, in ū siⁿ kiáⁿ-jî-sun.

2Ngá-hut ê kiáⁿ sī Ko-bia̍t, Má-kok, Má-tāi, Ngá-oân, Thó͘-pa, Bí-siat, Thê-la.

3Ko-bia̍t ê kiáⁿ sī A-si̍t-ki-ná, Lī-hoat, Tô-ka-má.

4Ngá-oân ê kiáⁿ sī Í-lī-sa, Tha-si, Ki-thê -lâng, Lô-tek -lâng.

5Chiah-ê lâng ê hō͘-tāi, kok chiàu in ê gú-giân, chong-cho̍k, pang-kok, hun-sòaⁿ khiā-khí tī iân-hái tōe-khu.

6Hâm ê kiáⁿ sī Kó͘-si̍t, Ai-ki̍p, Hut, Ka-lâm.

7Kó͘-si̍t ê kiáⁿ sī Se-pa, Hap-hui-la, Sat-hut-tha, La-má, Sat-hut-thê-ka. La-má ê kiáⁿ sī Sī-pa, Tí-tān.

8Kó͘-si̍t koh siⁿ Lêng-lio̍k; i sī sè-kan tē-it ê ióng-sū.

9I in-ūi Siōng Chú ê pang-chān chiâⁿ-chòe gâu phah-la̍h ê ióng-sū; só͘-í sio̍k-gú kóng, “Goān Siōng Chú hō͘ lí chiâⁿ-chòe chi̍t ê chhin-chhiūⁿ Lêng-lio̍k hiah-ni̍h gâu phah-la̍h ê ióng-sū.”

10Lêng-lio̍k thóng-tī ê hoān-ûi tāi-seng sī Sī-ná tōe-khu, pau-koat Pa-pia̍t, Í-le̍k, A-kah, kap Kah-nî,

11āu-lâi khok-tián kàu A-su̍t. I ū khí-chō Nî-nî-bî, Lī-hô-pek, Ka-la,

12í-ki̍p tī Nî-nî-bî kap Ka-la tiong-kan ê tōa-siâⁿ Lī-sián.

13Ai-ki̍p siⁿ Lō͘-te -lâng, A-ná-bí -lâng, Lī-hap-pí -lâng, Ná-hut-thó͘-hi -lâng,

14Phà-su-ló͘-sòe -lâng, Ka-su-lō͘-hi -lâng, kap Ka-hui-thok -lâng; Hui-lī-sū -lâng sī chit-cho̍k ê hō͘-tāi.

15Ka-lâm siⁿ tōa-kiáⁿ Se-tùn, kap Hek,

16Iâ-pò͘-su -lâng, A-mô͘-lī -lâng, Kek-ka-sat -lâng,

17Hi-bī -lâng, A-ki -lâng, Se-nî -lâng,

18A-óa-tí -lâng, Sé-má-lī -lâng, kap Hap-má -lâng; āu-lâi Ka-lâm chiah-ê cho̍k hun-sòaⁿ chin khoah.

19Ka-lâm ê kéng-kài sī tùi Se-tùn ǹg Ki-la-ní ê lō͘, kàu Ka-sat; koh ǹg Só͘-to-má, Gô-mô͘-la, Ap-má, Sé-pián ê lō͘, kàu La-sa.

20Che chiū-sī Hâm ê hō͘-tāi, kok chiàu in ê chong-cho̍k, gú-giân, thó͘-tōe, pang-kok khiā-khí.

21Ngá-hut ê hiaⁿ-ko Siám sī Hi-pek choân-cho̍k ê chó͘-sian, mā ū siⁿ kiáⁿ-jî-sun.

22Siám ê kiáⁿ sī Í-lân, A-su̍t, A-hoat-sat, Lō͘-tek, kap A-lân.

23A-lân ê kiáⁿ sī O͘-su, Hō͘-le̍k, Ki-thiap, kap Bí-siat.

24A-hoat-sat siⁿ Sa-la; Sa-la siⁿ Hi-pek.

25Hi-pek siⁿ nn̄g ê kiáⁿ; chi̍t ê kiò-chòe Hoat-le̍k, in-ūi tī i ê sî-tāi lâng hun-sòaⁿ tī ta̍k só͘-chāi khiā-khí; Hoat-le̍k ê sió-tī kiò-chòe Iok-tan.

26Iok-tan siⁿ A-mô͘-tap, Sa-lia̍t, Hap-sat-má-hui, Iâ-la,

27Hap-to-lân, O͘-sat, Tek-la,

28Gô-pa-lō͘, A-pí-má-lī, Sī-pa,

29Gô-hui, Hap-hui-la, Iok-pa; chiah-ê lóng sī Iok-tan ê kiáⁿ.

30In khiā-khí tī Bí-sa kàu Se-hoat tang-pêng ê soaⁿ-khu.

31Chiah-ê sī Siám ê hō͘-tāi; in chiàu ka-kī ê chong-cho̍k, gú-giân, thó͘-tōe, pang-kok khiā-khí.

32Chiah-ê lóng sī Ná-a ê kiáⁿ ê chong-cho̍k, kok chiàu in ê sè-hē, kiàn-li̍p ka-kī ê kok-ka; tōa-chúi í-āu, in tī tōe-chiūⁿ pun-chòe chin chōe pang-kok.

← Chapter 9 Jump to: Chapter 11 →