Genesis 36

Chinese TTVR (現代台語譯本羅馬字版)

← Chapter 35 Jump to: Chapter 37 →

1Ē-bīn sī Í-sò ê hō͘-tāi; Í-sò chiū-sī Í-tong.

2Í-sò chhōa Ka-lâm -tōe ê cha-bó͘ gín-á chòe bó͘; in chiū-sī Hek -lâng Í-lûn ê cha-bó͘-kiáⁿ A-tāi, kap Hi-bī -lâng Chè-piān ê cha-bó͘-sun A-ná ê cha-bó͘-kiáⁿ A-hô-lī-pa-má.

3I koh chhōa Í-si̍t-má-lī ê cha-bó͘-kiáⁿ, Nî-pài-iok ê sió-bē Pa-si̍t-boat.

4A-tāi kā Í-sò siⁿ Í-lī-hoat; Pa-si̍t-boat siⁿ Liû-ní;

5A-hô-lī-pa-má siⁿ Iâ-o͘-si, Ngá-lân, Khó-la. Chiah-ê sī Í-sò tī Ka-lâm -tōe siⁿ ê kiáⁿ.

6Í-sò chhōa i ê bó͘, kiáⁿ, cha-bó͘-kiáⁿ, kap ke-lāi lóng-chóng ê lâng, koh tòa só͘-ū ê cheng-siⁿ, í-ki̍p i tī Ka-lâm -tōe só͘ tit--tio̍h it-chhè ê châi-bu̍t, lī-khui i ê sió-tī Ngá-kok, khì pa̍t-ê só͘-chāi.

7In-ūi in nn̄g ê lâng ê gû, iûⁿ, châi-bu̍t chin chōe, hit só͘-chāi bô-kàu khoah, bōe-tàng hō͘ in chòe-hé tòa.

8Í-sò khì tòa tī Se-ní-soaⁿ. Í-sò chiū-sī Í-tong.

9Ē-bīn sī Í-sò ê hō͘-tāi: Í-sò chiū-sī Se-ní soaⁿ-khu hiah-ê Í-tong -lâng ê chó͘-sian.

10Í-sò ê kiáⁿ ê miâ kì tī ē-bīn: Í-sò ê bó͘ A-tāi siⁿ Í-lī-hoat, Í-sò ê bó͘ Pa-si̍t-boat siⁿ Liû-ní.

11Í-lī-hoat ê kiáⁿ ū Thê-bān, O-boat, Sé-po, Ka-thán, Ki-la̍p-su.

12Í-sò ê kiáⁿ Í-lī-hoat ê sòe-î Têng-la̍p kā Í-lī-hoat siⁿ A-má-le̍k. Chiah-ê sī Í-sò ê bó͘ A-tāi ê hō͘-tāi.

13Liû-ní ê kiáⁿ ū Ná-hap, Siā-la, Sa-má, Bí-sat; chiah-ê sī Í-sò ê bó͘ Pa-si̍t-boat ê hō͘-tāi.

14Í-sò ê bó͘ A-hô-lī-pa-má sī Chè-piān ê cha-bó͘-sun, A-ná ê cha-bó͘-kiáⁿ; i kā Í-sò siⁿ Iâ-o͘-si, Ngá-lân, Khó-la.

15Ē-bīn sī Í-sò ê hō͘-tāi chòe cho̍k-tiúⁿ--ê: Í-sò ê tōa-kiáⁿ Í-lī-hoat ê kiáⁿ ū Thê-bān, O-boat, Sé-po, Ki-la̍p-su,

16Khó-la, Ka-thán, kap A-má-le̍k; chiah-ê sī Í-lī-hoat tī Í-tong tōe-khu só͘ siⁿ ê cho̍k-tiúⁿ, sī A-tāi ê hō͘-tāi.

17Í-sò ê kiáⁿ Liû-ní ê hō͘-tāi chòe cho̍k-tiúⁿ--ê ū Ná-hap, Siā-la, Sa-má, kap Bí-sat; chiah-ê sī Liû-ní tī Í-tong tōe-khu só͘ siⁿ ê cho̍k-tiúⁿ, lóng sī Í-sò ê bó͘ Pa-si̍t-boat ê hō͘-tāi.

18Í-sò ê bó͘ A-hô-lī-pa-má ê hō͘-tāi chòe cho̍k-tiúⁿ--ê ū Iâ-o͘-si, Ngá-lân, kap Khó-la; chiah-ê sī Í-sò ê bó͘ A-ná ê cha-bó͘-kiáⁿ A-hô-lī-pa-má ê hō͘-tāi.

19Í-siōng lóng sī Í-sò ê hō͘-tāi tiong-kan chòe cho̍k-tiúⁿ--ê; Í-sò chiū-sī Í-tong.

20Í-tong tōe-khu goân-lâi ê chū-bîn Hô-lī -lâng Se-ní ê hō͘-tāi kì tī ē-bīn: Lô-tan, Sok-pa, Chè-piān, A-ná, Tí-sūn, Í-chhat, Tí-san; chiah-ê sī Í-tong tōe-khu ê Hô-lī -lâng Se-ní hō͘-tāi chòe cho̍k-tiúⁿ--ê.

22Lô-tan ê kiáⁿ ū Hô-lī kap Hi-bān; Lô-tan ê sió-bē sī Têng-la̍p.

23Sok-pa ê kiáⁿ ū A-le̍k-bûn, Má-ná-hat, Í-pa-lō͘, Sī-po, kap O-lâm.

24Chè-piān ê kiáⁿ ū Ài-a kap A-ná; A-ná teh chhī in lāu-pē Chè-piān ê lû-á ê sî, ū tī khòng-iá chhē-tio̍h un-chôaⁿ.

25A-ná ê kiáⁿ sī Tí-sūn, cha-bó͘-kiáⁿ sī A-hô-lī-pa-má.

26Tí-sūn ê kiáⁿ ū Him-tān, I-sī-pan, Ek-lân, kap Ki-lân.

27Í-chhat ê kiáⁿ ū Phek-hán, Sat-hoan, kap A-kan.

28Tí-san ê kiáⁿ ū O͘-su kap A-lân.

29Ē-bīn sī Í-tong tōe-khu ê Hô-lī -lâng ê cho̍k-tiúⁿ: Lô-tan, Sok-pa, Chè-piān, A-ná, Tí-sūn, Í-chhat, kap Tí-san.

31Í-sek-lia̍t -lâng iáu-bē ū kun-ông thóng-tī ê sî, Í-tong tōe-khu ê chu-ông ū:

32Pí-ní ê kiáⁿ Pí-la, i ê kiaⁿ-siâⁿ kiò-chòe Têng-hap-pa.

33Pí-la sí-liáu, Pho-su-la -lâng Siā-la ê kiáⁿ Iok-pa sòa-chiap i choh-ông.

34Iok-pa sí, Thê-bān -tōe ê lâng Hō͘-san sòa-chiap i choh-ông.

35Hō͘-san sí, Pí-ta̍t ê kiáⁿ Hap-ta̍t sòa-chiap i choh-ông; i tī Mô͘-ap tōe-khu thâi-iâⁿ Bí-tiân -lâng. I ê siâⁿ kiò-chòe A-bī-tek.

36Hap-ta̍t sí, Má-sū-lī-ka -lâng Song-la sòa-chiap i choh-ông.

37Song-la sí, Iù-hoat-la-tí-hô ê Lī-hô-pek -lâng Sò-lô sòa-chiap i choh-ông.

38Sò-lô sí, A-kek-pho ê kiáⁿ Pa-le̍k Hap-lâm sòa-chiap i choh-ông.

39A-kek-pho ê kiáⁿ Pa-le̍k Hap-lâm sí, Hap-ta̍t sòa-chiap i choh-ông; i ê siâⁿ kiò-chòe Pa-o͘; i ê bó͘ kiò-chòe Bí-hi-tha-pia̍t, sī Bí Sat-ha̍p ê cha-bó͘-sun, Má-te̍k-lia̍t ê cha-bó͘-kiáⁿ.

40Í-sò ê hō͘-tāi chòe cho̍k-tiúⁿ--ê, chiàu in ê chong-cho̍k, tōe-khu, miâ-jī, kì tī ē-bīn: Têng-la̍p, A-le̍k-óa, Iâ-thiap,

41A-hô-lī-pa-má, Í-la, Pí-lūn,

42Ki-la̍p-su, Thê-bān, Bí-pí-sat,

43Má-ki-tia̍p, kap Í-lân. In lóng sī Í-tong ê cho̍k-tiúⁿ, tī in tit-tio̍h chòe ke-gia̍p ê tōe khiā-khí. Í-sò sī Í-tong -lâng ê chó͘-sian.

← Chapter 35 Jump to: Chapter 37 →