bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chinese
/
Chinese TTVR (現代台語譯本羅馬字版)
/
Genesis 41
Genesis 41
Chinese TTVR (現代台語譯本羅馬字版)
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
1
Nn̄g nî āu, Ai-ki̍p -ông choh-bāng. I bāng-kìⁿ i khiā tī Nî-lô hô-piⁿ,
2
khòaⁿ-tio̍h chhit chiah pûi koh súi ê gû-bú tùi hô--ni̍h khí--lâi, tī lô͘-tek-á lāi teh chia̍h-chháu.
3
Tè-āu, ū chhit chiah sán koh pháiⁿ-khòaⁿ ê gû-bú tùi hô--ni̍h khí--lâi; kap thâu-chêng hiah-ê gû-bú chòe-hé khiā tī hô-piⁿ.
4
Chiah-ê sán koh pháiⁿ-khòaⁿ ê gû-bú kā hit chhit chiah pûi koh súi ê gû-bú chia̍h-liáu-liáu. Ai-ki̍p -ông chiū chhíⁿ--khí-lâi.
5
I koh khùn, koh bîn-bāng, bāng-tio̍h chi̍t châng be̍h-á chhut chhit sūi pá-chúi koh hó-khòaⁿ ê be̍h-sūi.
6
Āu-lâi, i koh khòaⁿ-tio̍h hit-châng be̍h-á chhut chhit sūi be̍h-sūi, phàⁿ-phàⁿ koh hō͘ tang-hong chhe kah chhàu-ta.
7
Chiah-ê phàⁿ ê be̍h-sūi kā hit chhit sūi pá-chúi koh hó-khòaⁿ ê be̍h-sūi thun--lo̍h-khì. Ai-ki̍p -ông chhíⁿ--khí-lâi, chiah chai sī bîn-bāng.
8
Kàu thiⁿ-kng, Ai-ki̍p -ông sim-lāi chhau-hoân put-an, chiū phài lâng tiàu Ai-ki̍p só͘-ū ê su̍t-sū kap ū tì-hūi ê lâng lâi. Ông chiū chiong i ê bāng kā in kóng; m̄-kú in bô hoat-tō͘ kā ông kái-bāng.
9
Hit-sî chiú-chèng-tiúⁿ tùi Ai-ki̍p -ông kóng, “Góa kin-á-ji̍t chiah siūⁿ-tio̍h góa ū sit-chhò.
10
Khah-chá, ông tùi lí ê po̍k-jîn hoat siū-khì, chiong góa kap tû-pâng-tiúⁿ koaiⁿ tī sī-ōe-tiúⁿ hú-lāi ê kaⁿ-lô.
11
Goán nn̄g ê kâng chi̍t mî choh-bāng, ū bô siâng-khoán ê ì-sù.
12
Ū chi̍t ê Hi-pek-lâi ê siàu-liân-lâng chiū-sī sī-ōe-tiúⁿ ê lô͘-lē, kap goán koaiⁿ chòe-hé; goán kā i kóng goán ê bāng, i chiū kā goán kái-bāng.
13
Āu-lâi goán nn̄g ê lâng ê kiat-kó, lóng chiàu i só͘ kā goán kóe-seh--ê, ông kā góa ho̍k-chit, tû-pâng-tiúⁿ siū tiàu--sí.”
14
Ai-ki̍p -ông phài lâng khì tiàu Iok-sek lâi, in chiū kóaⁿ-kín tòa i chhut-kaⁿ. Iok-sek chiū chián thâu-mn̂g siu-bīn, ōaⁿ-saⁿ, lâi kìⁿ Ai-ki̍p -ông.
15
Ai-ki̍p -ông kā Iok-sek kóng, “Góa bāng-tio̍h chi̍t ê bāng, bô lâng ōe-tàng kā góa kóe-seh. Ū lâng kā góa kóng, lí thiaⁿ-tio̍h bāng chiū ōe kái-bāng.”
16
Iok-sek ìn kóng, “Che m̄-sī chāi-tī góa, sī Siōng-tè beh chiong pêng-an hok-khì ê lō͘ chí-sī Ai-ki̍p -ông.”
17
Ai-ki̍p -ông kā Iok-sek kóng, “Góa bāng-tio̍h góa khiā tī Nî-lô hô-piⁿ,
18
ū chhit chiah pûi koh súi ê gû-bú tùi hô--ni̍h khí--lâi, tī lô͘-tek-á lāi teh chia̍h-chháu.
19
Tè-āu, ū chhit chiah sán koh pháiⁿ-khòaⁿ ê gû-bú khí--lâi; tī Ai-ki̍p -tōe, góa iáu m̄-bat khòaⁿ-tio̍h chiah-ni̍h bái ê gû.
20
Chiah-ê sán koh pháiⁿ-khòaⁿ ê gû-bú kā hit chhit chiah pûi ê gû-bú chia̍h-liáu-liáu;
21
thun-lo̍h pak liáu-āu, hit chhit chiah sán koh pháiⁿ-khòaⁿ ê gû-bú, khòaⁿ bōe chhut ū sím-mi̍h koh-iūⁿ, iû-goân hiah-ni̍h sán koh pháiⁿ-khòaⁿ; góa chiū chhíⁿ--khí-lâi.
22
Góa koh bāng-tio̍h chi̍t châng be̍h-á, chhut chhit sūi pá-chúi koh hó-khòaⁿ ê be̍h-sūi.
23
Āu-lâi, hit-châng be̍h-á koh chhut chhit sūi be̍h-sūi, phàⁿ-phàⁿ koh hō͘ tang-hong chhe kah chhàu-ta.
24
Chiah-ê phàⁿ ê be̍h-sūi kā hit chhit sūi hó ê be̍h-sūi thun--lo̍h-khì. Góa chiong chiah-ê bāng kóng hō͘ su̍t-sū thiaⁿ, m̄-kú in bô hoat-tō͘ kā góa kóe-seh.”
25
Iok-sek tùi Ai-ki̍p -ông kóng, “Ông ê bāng kî-si̍t sī chi̍t ê; Siōng-tè chiong I beh chòe ê sū chí-sī ông.
26
Chhit chiah súi ê gû-bú kap chhit sūi hó ê be̍h-sūi sī chí chhit nî; chit nn̄g ê bāng sī kâng chi̍t ê ì-sù.
27
Hiah-ê tè-āu khí--lâi ê chhit chiah sán koh pháiⁿ-khòaⁿ ê gû-bú, kap chhit sūi phàⁿ koh hō͘ tang-hong chhe chhàu-ta ê be̍h-sūi, mā-sī chí chhit nî, tāi-piáu chhit nî ê ki-hng.
28
Che sī góa tùi ông só͘ kóng--ê: Siōng-tè chiong I beh chòe ê sū, tùi ông hián-sī.
29
Ai-ki̍p choân-tōe ōe ū chhit nî hó nî-tang;
30
āu-lâi ōe ū chhit nî pháiⁿ nî-tang, sīm-chì Ai-ki̍p choân-kok lóng bōe-kì-tit í-chêng ê hong-siu, choân-tōe ōe hō͘ ki-hng húi-hoāi;
31
in-ūi āu-lâi ê ki-hng chin siong-tiōng, soah bōe-kì-tit í-chêng bat ū hong-siu.
32
Ông nn̄g piàn ê bîn-bāng, sī Siōng-tè teh chí-sī I koat-tēng beh chòe, koh chin kín beh oân-sêng ê sū.
33
“Só͘-í ông tio̍h kéng chi̍t ê chhong-bêng koh ū tì-hūi ê lâng, phài i koán-lí Ai-ki̍p choân-kok.
34
Ông koh tio̍h phài koaⁿ-oân koán-lí choân-kok; tī chhit nî hó nî-tang, Ai-ki̍p choân-tōe ê siu-sêng tio̍h gō͘ hūn thiu chi̍t hūn.
35
Chhiáⁿ ông bēng-lēng in siu-chi̍p hó nî-tang siu-sêng ê ngó͘-kok, chek-chū tī chhek-chhng, phài lâng koán-lí, thang chòe ta̍k-ê siâⁿ ê niû-si̍t.
36
Chek-chū--khí-lâi ê niû-si̍t, thang chòe Ai-ki̍p choân-tōe chiong-lâi chhit nî ki-hng ê lō͘-ēng, chiah bián chit-ê kok-ka in-ūi ki-hng bia̍t-bông.”
37
Ai-ki̍p -ông kap i só͘-ū ê jîn-sîn lóng chàn-sêng chit-ê kè-ōe.
38
Ai-ki̍p -ông tùi i ê jîn-sîn kóng, “Lán kiám ōe-tàng chhē-tio̍h chi̍t ê lâng, chhin-chhiūⁿ chit-ê lâng ū Siōng-tè ê sîn tī i ê lāi-bīn?”
39
Ai-ki̍p -ông tùi Iok-sek kóng, “Siōng-tè í-keng chiong chit-ê tāi-chì lóng chí-sī lí, khó-kiàn bô lâng chhin-chhiūⁿ lí chiah-ni̍h chhong-bêng ū tì-hūi.
40
Lí thang koán-lí góa ê tiâu-têng; góa ê jîn-bîn lóng tio̍h ho̍k-chiông lí, hō͘ lí koán-lí; chí-ū chē tī ông-ūi ê góa pí lí khah tōa.”
41
Ai-ki̍p -ông koh kā Iok-sek kóng, “Góa phài lí koán-lí Ai-ki̍p choân-tōe.”
42
Ai-ki̍p -ông chiū chiong i chòe ìn-kàm ê chhiú-chí pak--khí-lâi, kòa tī Iok-sek ê chńg-thâu-á; kā i chhēng iù-môa-pò͘ ê saⁿ, chiong kim phoa̍h-liān kòa tī i ê ām-kún.
43
Ông koh hō͘ Iok-sek chē tiâu-têng ê tē-jī hō chhia; khui-tō--ê kiò kóng, “Siám-khui!” Án-ni, Ai-ki̍p -ông phài Iok-sek koán-lí Ai-ki̍p choân-tōe.
44
Ai-ki̍p -ông tùi Iok-sek kóng, “Góa sī ông, nā bô lí ún-chún, tī Ai-ki̍p choân-tōe, put-chún lâng sûi-piān pān tāi-chì.”
45
Ai-ki̍p -ông kā Iok-sek hō-miâ kiò-chòe Sat-hoat-ná-te̍k Pa-lōe-a, koh chiong Hi-lī-pho-lí -siâⁿ ê chè-si Pho-thê Hui-la ê cha-bó͘-kiáⁿ A-se-la̍p hō͘ i choh-bó͘. Iok-sek chiū tī Ai-ki̍p -tōe chhut-sûn.
46
Iok-sek khai-sí ho̍k-sāi Ai-ki̍p -ông ê sî saⁿ-cha̍p hè. I lī-khui Ai-ki̍p -ông, khì Ai-ki̍p choân-tōe sûn-sī.
47
Chhit ê hó nî-tang, tōe ê chhut-sán tōa hong-siu.
48
Iok-sek siu-chi̍p Ai-ki̍p -tōe chhit ê hó nî-tang só͘-ū ê ngó͘-kok, chek-chū tī ta̍k-ê siâⁿ; ta̍k-ê siâⁿ chiu-ûi chhân-tōe ê niû-si̍t, lóng chek-chū tī hù-kūn ê siâⁿ-lāi.
49
Iok-sek chek-chū ngó͘-kok, chōe kah chhin-chhiūⁿ hái-piⁿ ê soa, bô hoat-tō͘ sǹg, in-ūi sǹg bōe liáu.
50
Pháiⁿ nî-tang iáu-bē kàu í-chêng, Hi-lī-pho-lí -siâⁿ ê chè-si Pho-thê Hui-la ê cha-bó͘-kiáⁿ A-se-la̍p kā Iok-sek siⁿ nn̄g ê kiáⁿ.
51
Iok-sek kā tōa-kiáⁿ hō-miâ kiò-chòe Má-ná-se; i kóng, “Siōng-tè hō͘ góa bōe-kì-tit góa só͘-ū ê khùn-khó͘, kap su-liām góa ê lāu-pē choân-ke ê khó͘-chêng.”
52
I kā tē-jī ê kiáⁿ hō-miâ kiò-chòe Í-hoat-liân; i kóng, “Siōng-tè hō͘ góa tī góa siū-khó͘ ê só͘-chāi heng-ōng.”
53
Ai-ki̍p -tōe chhit nî hó nî-tang chi̍t-ē kè--khì,
54
chhit nî ki-hng chiū lâi, tú-tú chiàu Iok-sek só͘ kóng--ê; ta̍k-kok lóng ū ki-hng, kan-ta Ai-ki̍p choân-tōe ū bí-niû.
55
Kàu Ai-ki̍p choân-tōe niû-si̍t bô-kàu ê sî, jîn-bîn lâi tùi ông ai-kiû bí-niû; ông tùi Ai-ki̍p ê jîn-bîn kóng, “Lín khì chhē Iok-sek, i kā lín kóng sím-mi̍h, lín lóng chiàu án-ni khì chòe.”
56
Hit-sî ta̍k-kok lóng ū ki-hng, Ai-ki̍p -tōe mā chin siong-tiōng; Iok-sek khui ta̍k só͘-chāi ê chhek-chhng, bōe bí-niû hō͘ Ai-ki̍p -lâng.
57
Ta̍k-kok ki-hng chin giâm-tiōng, ta̍k só͘-chāi ê lâng lóng khì Ai-ki̍p, khì Iok-sek hia bóe bí-niû.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50