2 Chronicles 27

Kirundi (Bibliya Yera 1951, 1967 (Burundi))

← Chapter 26 Jump to: Chapter 28 →

1Yotamu yar’ amaze imyaka mirongwibiri n’itanu aho yima; amara imyaka cumi n’ itandatu i Yerusalemu ari ku ngoma. Nyina yitwa Yerusha, umukobga wa Sadoki.

2Akora ivyo Uhoraho abona kw ari vyiza, nk’ ivyo se Uziya yakoze vyose. Mugabo we ntiyinjiye mu rusengero rw’Uhoraho. Arikw abantu bākomeje kwihumanya.

3Ni we yubatse ikirimba co haruguru ku ngoro y’Uhoraho, yubaka n’ibindi vyinshi ku ruzitiro rw’i Ofeli.

4Kandi yubaka n’ibisagara mu mugamba w’i Buyuda, n’amaboma n’iminara mu bibira.

5Arwana n’umwami w’Abamoni; abo Bamoni arabanesha. Nuko mur’ uwo mwaka Abamoni bamugororera italanto z’ifeza ijana, n’ingero zitwa koro ibihumbi cumi z’ingano, n’ingero ibihumbi cumi nyene za sayiri. No mu mwaka wa kabiri n’uwa gatatu bāmuzaniye nk’ivyo nyene.

6Nuko Yotamu aba ūhambaye, kuko yagenda atunganya ingeso ziwe imbere y’ Uhoraho Imana yiwe.

7Nukw ibindi vyose vyadōnzwe kuri Yotamu, n’intambara zose yarwanye, n’ivy’ ingeso ziwe, vyanditswe mu gitabo c’abami b’ Abisirayeli n’ab’ Abayuda.

8Yar’ amaze imyaka mirongwibiri n’ itanu aho yaja ku ngoma; ayimarakw imyaka cumi n’itandatu i Yerusalemu.

9Maze Yotamu ahamvya ba sekuruza, bamuhamba ku murwa wa Dawidi; maz’ umuhungu wiwe Ahazi asubira ku ngoma yiwe.

← Chapter 26 Jump to: Chapter 28 →